Nodi Khoje Hatimare Mae Jiu 38:12 - Buka Blahi Ka Cheke Holo

¹² Iheire te magnahaghei falehe ghau iara re lilisei phighoro mala fakhale ghau iara. Iheire te magnahaghei goigoni ghau iara re mare cheke fapari ghau iara. Eghuteuna leuleghu fata na mare theome gnafa te gaoghatho te mala eni ranghi ghau iara puhi te diꞌa na.

Nodi Khoje Hatimare Mae Jiu 38:12 ပူးပေါင်းရင်းမြစ်များ

Nodi Khoje Hatimare Mae Jiu 35:20

Mare tirodi cheke fakeli baludi iheire te magnahaghei pharikeli, nu mare edi kmana cheke chaichaghi fara.

Nodi Khoje Hatimare Mae Jiu 140:5

Naikno te fahaehaghe are la kulu roghenihi te mala loki ghau iara na. Uve, mare la kulu kaikalitihi te mala loki ghau iara na, jateula naikno te kaikaliti fangna te mala ugra sasa ra eghu.

Nodi Khoje Hatimare Mae Jiu 141:9

Baubatu fakeli ghau ka nodi phighoro naikno te diꞌa puhidi gre.

Nodi Khoje Hatimare Mae Jiu 35:4

Mae igre magnahaghei te mei te falehe ghau iara. Mei sagho mala tapla sorudi pari naikno igre mala mamaja nodi kolho mare. Mae igre roghe nodi te mala goigoni ghau iara na. Fasnividi sagho pha'udire mala ke figri ke pulo mare.

Nodi Khoje Hatimare Mae Jiu 119:110

Naikno te diꞌa puhidi gre lilisei kaisei phighoro malagu iara, nu iara theome figri tagrudi nou vetula iagho re.

Nodi Khoje Hatimare Mae Jiu 54:3

Naikno te patu gama igre mare la meihi, mare magnahaghei te mei magri ghau iara. Mae igre rodi magridi keha naiknore, mare magnahaghei te falehe ghau la iara. God na theo nafugna kolho ka gaoghathodire.

Nodi Khoje Hatimare Mae Jiu 10:9

Mana poru efrau jateula lion te efra teu ka gluma thina ra eghu. Mana poru ofodiu iheire te kuma mala fakhaledi ka nogna phighoro na, mala korho teidi delei.

Thoutonu Eigna Mae Job 19:13

“God chekedi mae kheragu iara re mala au fadelei ka iara. Eghuteuna mae kheragu iara igre tirodi te filo ghau iara na.

Nodi Khoje Hatimare Mae Jiu 31:12

Mare te gnafa na mare kafe ghatho iho ghau iara jateu tela lehehi iara ra eghu. Iara gne jateula kaisei glepo te diꞌa tela tirodinihi naiknora eghu kolho.

Nodi Khoje Hatimare Mae Jiu 41:5

Nogu naoka iara gre mare diꞌatadi ka iara neke cheke eghu, “Nabagna na mana ghosei lehe kolho mala ghatho iho nodani.”

Nodi Khoje Hatimare Mae Jiu 69:9

God, leuleghu fata na iara thono ghatho tahuni fara nou Sugablahi iagho gne, eghuteuna leuleghu fata na gaoghatho igne loku fabrahu ke lamnagu iara jateula khaꞌaghi eghu. Thua cheke te diꞌa te edi mare ranghi nigho iagho igre, fadiꞌa ghau iara.

Nodi Khoje Hatimare Mae Jiu 88:9

Iara au papara fara, iara tanhi la ghilei theome fifilo fakeli phei tathagure. Lord God, leuleghu narane na iara kilo nigho nei ngafa haghe phei khamegure mala tharai ka iagho.

Proveb 19:7

Thabusigna mae te kuma re tirodini mana. Eghuteuna kheragnare jaola tirodini mana. Neuba mana ne hirodi mare mala toghoni, theome tangomana te dedi re.