Nodi Khoje Hatimare Mae Jiu 37:9 - Buka Blahi Ka Cheke Holo

⁹ Iheire te fatutuani ni Lord ginauna atha nodi vido glose, nu iheire te diꞌa puhidire Lord ginauna kuru fajifladi.

Nodi Khoje Hatimare Mae Jiu 37:9 ပူးပေါင်းရင်းမြစ်များ

Profet Isaia 60:21

Ghotilo te gnafa na ginauna doglo fara ke ulugu iara, eghuteuna ghotilo ginauna khotogna fabrahu kantri igne. Iara neke lilisei ghami ghotilo ka namono igne, jateula gaju teke joꞌu iara ia eghu, eghuteuna naikno te gnafa igre ginauna cheke fakeli ghau iara eidi glepo te keli teke edi iara ra.

Nodi Khoje Hatimare Mae Jiu 25:13

Nafnata mae igne ginauna au nogna kmana glepo te keli, eghuteuna thugnare ginauna au fakeli nodi ka nogna vido glose mana na.

Profet Isaia 57:13

Ka narane te ehani ghotilo ihei te mala mei togho ghami na, ghotilo snakredi god chaichaghi tuare mala fakarhi ghami. Nu fiofilo ghami eghu! Neubane kaisei nuri ikoi kolho tangomana nate ifu sorudi mare na. Nu iheire te rouronu ghau iara te mala reireghidire, ginauna au fabrahu ka kantri igne, eghuteuna mare ginauna tufru soru ghau iara ka nogu Thogele Blahi iara igne.”

Nodi Khoje Hatimare Mae Jiu 37:29

Mae ihei te doglo ka tathagna God na, mana ginauna na khotogna glose teke tusu ranghini God na, eghuteuna mana ginauna na au fabrahu tagna.

Nodi Khoje Hatimare Mae Jiu 55:23

God, iagho ginauna kuru teidi iheire te falehe naikno nei chaichaghi teu are mala tei au mare ka namonodi naikno te au ka glehera mala snivi fabrahu mare. Narane te mala lehedire na ghosei mei kolho. Nu iara gne fatutuani nigho iagho fabrahu kolho.

Thakle 5:10

Iagho eꞌeidi mare mala mae pris te mala toghodi nogna naiknore nei mala pogho soruni God Kmagna noda King. Mare ginauna funei frunidi naiknogna nauthoglu igne.”

Proveb 2:21

Naikno te doglo te tangomana te rouronudi iagho re, mare ginauna tangomana te au fabrahu ka nodi glose na.

Profet Isaia 58:14

Uve, jame te eni ghotilo igne na, ghotilo ginauna keli tami fara, naugna ghotilo ne lase ghau iara. Naikno te gnafa ka nauthoglu igne ginauna ghatho tahu ghami ghotilo, eghuteuna ghotilo ginauna na au fakeli ka kantri teke tusu ari iara ka ku'emi Jekop tifa igne. Iara Lord te chekeni igne!”

Hibru 11:16

Nu mare magnahagheni namonogna kligna na, kaisei namono te keli te uluni nauthoglu igne. Eghume God theome mamaja te kiloni mare nodi God, naugna mana neke kulu tarabanahi kaisei namono biꞌo maladi mare.

Naba 26:65

Naugna Lord neke kulu cheke eidihi mare te ginau lehe ka namono nagou Sanai na, nu mae Kaleb thugna mae Jefune ghe mae Josua thugna mae Nun gre kolho te ginau karha ka vido tuana.

Diutronomi 5:33

Ghotilo mala leghudi mare gnafa. Eghuteuna jame te eni ghotilo igne na, nakarhami ghotilo re ginauna keli fara, eghuteuna ghotilo ginauna tangomana te au raugha ka glose nate au ghotilo tagna na.”

Josua 14:9

Aonu ka narane tuana, mae Moses neke eni kaisei nhaꞌa cheke ka iara neke cheke eghu, ‘Iagho ne thofno leghu fakelini Lord, noda God, eghume vido glose te tapla teu iagho phei ghahemure ke klignagna igne mala nou iagho fabrahu nei thumu iaghore eghu.’ ”

Profet Malakai 4:1

Lord ne cheke eghu, “Nogu narane iara te mala fatedi naiknore ginauna mei jateula khaꞌaghi eghu. Naikno te cheke fahaehaghe, nei naikno te diꞌa puhidire teu igre ginauna jateula gaju te gnagha te brusu khaklagnare ra eghu. Eghuteuna ka narane tuana naikno igre ginauna nhako fahui ka khaꞌaghi.