Nodi Khoje Hatimare Mae Jiu 37:4 - Buka Blahi Ka Cheke Holo

⁴ Gleale'a sagho ka Lord, eghuteuna mana ginauna na tusu ranghi nigho unha teke thono mamagnani iagho ka nagnafamu na.

Nodi Khoje Hatimare Mae Jiu 37:4 ပူးပေါင်းရင်းမြစ်များ

Jone 15:7

Jame te au fabrahu ghotilo balugu iara eghuteuna chekegu iara re au fabrahu ka ghotilo teuna, ghotilo ginauna tangomana te toreni unha te magnahagheni ghotilo na, eghuteuna God ginauna tusu ari ka ghotilo.

Nodi Khoje Hatimare Mae Jiu 145:19

Leuleghu fata na mana tusu lao glepo ka iheire te ghatho tahuni mana re. Mana jaola nomhidi nodi tharai re nei fakarhidi.

Profet Isaia 58:14

Uve, jame te eni ghotilo igne na, ghotilo ginauna keli tami fara, naugna ghotilo ne lase ghau iara. Naikno te gnafa ka nauthoglu igne ginauna ghatho tahu ghami ghotilo, eghuteuna ghotilo ginauna na au fakeli ka kantri teke tusu ari iara ka ku'emi Jekop tifa igne. Iara Lord te chekeni igne!”

Jone 15:16

Ghotilo neke theome vahi ghau iara, nu iara nga teke vahi ghami ghotilo te mala tei te mala ure ghotilo na, nafnata sisi te keli te au fabrahu. Te eghu ghotilo na, mae Mama na tusu ari ka ghotilo unha te toreni ghotilo ka nanghagu iara na.

Thoutonu Eigna Mae Job 22:26

Jame te eghu iagho na, leuleghu fata na iagho ginauna tangomana te glealeꞌa fara ka God, eghuteuna iagho ginauna tangomana te filo tei ka mana.

Ululahu Pita 1:8

Iara laseni, ghotilo theome filoni mana gognaro, nu ghotilo namhani mana, fatutuani ni mana nei gleale'ani mana. Tutuani, nomi gleale'a ghotilo na biꞌo fara, theome tangomana kaisei naikno te ruruthani gaoghathogna na.

Nodi Khoje Hatimare Mae Jiu 104:34

God na faglealeꞌa ghau fara iara, eghuteuna iara magnahagheini mana te keli tagna ka nogu gaoghathore.

Thoutonu Eigna Mae Job 27:10

Eghu naugna, mae te diꞌa igne mana theome kelitagna ka God mae ihei te au nolaghi fateote'o igne, eghuteuna mana theome tarai koba ka God.

Nodi Khoje Hatimare Mae Jiu 43:4

Eghume iara ginauna tei ka nou olta mala fafara. Nogu God, iara ginauna hata gita mala koje balu kilo fnaknoni nanghamu na. Uve, iara thofno glealeꞌa fara naugna iagho ne toghodi nou naiknore.

Famane Khoje 2:3

Kate au iagho farihoteidi keha mae majaghani re, iagho thofno jateula kaisei gaju te ure sisi farihoteidi keha gaju mata ra eghu. Iara magnahaghei fara te mala gnokro ka naungogna gaju igne, eghuteuna maimani gna sisi igne thofno mamahe fara.

Thoutonu Eigna Mae Job 34:9

Jame kaisei mae chekeni mana ne theo nafugna kolho te mala eni unha te glealeꞌani God na.

Proveb 10:24

Unha te mhaghuni mae te diꞌa na, ginauna thokeni mana unha teke mhaghuni mana na. Nu naikno te doglo na, ginauna hata unha glepo te magnahagheni fara mana na.