Nodi Khoje Hatimare Mae Jiu 37:39 - Buka Blahi Ka Cheke Holo

³⁹ Lord na tangomana te fakarhidi iheire te au doglore kate thoke mei vido te ninhigrana. Mare tangomana te tei ka mana te mala reireghi fakelidire.

Nodi Khoje Hatimare Mae Jiu 37:39 ပူးပေါင်းရင်းမြစ်များ

Nodi Khoje Hatimare Mae Jiu 9:9

Lord iagho jateula suga te maku ia eghu. Naikno te au papara ka nodi naokare, mare tangomana te tei au jare na. Kate au diꞌanagnafa na mare tangomana te tei poru jare na.

Nodi Khoje Hatimare Mae Jiu 91:15

Kate kilo mei mare ka iara na, iara na cheke tughu ka mare. Nei iara ginauna au baludi kate thoke mei puhi ka mare na. Uve, iara na atha fajifladi ka puhi nei tusu ranghidi nafnakno.

Fapea Timoti 4:17

Nu Lord Jisas Kraes togho ghau iara ne tusu mei nolaghi ka iara mala thofno toutonuni u Nonomho te Keli na mala kafe nomhini naikno te theome Jiure. Eghume mana togho fabrahu ghau iara mala theome tangomana mare te fate falehe ghau iara na nei theome snakre lao ghau iara ka lion mala ghamu ghau iara.

Profet Isaia 12:2

Tutuani! Lord na nogu God iara, eghuteuna mana neke fakarhi ghau iara. Iara fatutuani ni mana, eghuteuna iara ginauna theome mhaghu. Lord na farheta ghau iara, eghuteuna iara tangomana te koje ka mana na. Eghuteuna gognarona mana fakarhi ghau iara.”

Nodi Khoje Hatimare Mae Jiu 3:8

Lord, kaisei iagho ngala te au nolaghi te mala fakarha naikno na. Iara gne tore nigho mala fablahidi nou naikno igre.

Nodi Khoje Hatimare Mae Jiu 46:1

God na taji ghita nei reireghi fakeli eghu ghita. Kate au tahati ka puhi te biꞌo na, mana au jare baluda mala togho ghita.

Efesus 2:8

Ka narane teke fatutuani ghotilo na, God neke fakarhi ghami. Ghotilo theome tangomana te fahaehaghe ghami themi neke hatini thofno nakarha na naugna gloku teke edi themire teuna. Theo. Ghotilo neke hatini thofno nakarha igne ka nogna khokofakasai God.

Kolose 1:11

God te au nolaghi biꞌo fateote'o, eghuteuna ghehati tarai ka mana mala tusu ranghi ghami nolaghi igne mala tangomana ghotilo te kegra heta ka unha puhi biꞌo te mei ke uluda.

Profet Jona 2:9

Nu iara ginauna koje mala kilo fnakno nigho eghuteuna iara ginauna fafara mala cheke fakeli nigho. Gobigna lepo te nhaꞌa chekedi iara ka iagho igre, iara ginau na ediu. ‘Lord kolho tangomana te fakarhini naikno na.’ ”

Profet Isaia 33:2

Lord, kokhoni ghami ghehati. Iagho ngala te ronu nigho ghehati na. Farheta ghami leuleghu narane, fakarhi ghami ka hoholo.

Ululahu Kronikols 5:20

Eghuteuna mae soldia igre ne toreni God mala toghodi ka magra igne. Aonu God ne toghodi mare, naugna mare ne fatutuani ni mana. God ne lisa lao ka khamedi mare vikegna mae Hagri igre, nei iheire te gnafa teke balugna mana re.

Fapea Kronikols 32:22

Ka puhi tuana Lord ne fakarhini King Hesekaea nei naikno gna Jerusalem ka nogna nolaghi King Senakerib. Eghuteuna mana jaola fakarhidi ka keha naokare nei reireghidi eghu nogna naiknore mala au ka pharikeli baludi kantri te gnafa te au faligohodi mare.

Nodi Khoje Hatimare Mae Jiu 9:10

Naikno te lase nigho re mare ginauna na fatutuani nigho. God, thosei figri tagrudi naikno te mei ka iagho te mala toghodi iagho re.

Nodi Khoje Hatimare Mae Jiu 28:7

Kaisei Lord ngala te reireghi ghau nei bara fothi ghau teu iara na. Eghume iara thofno rouronuni mana. Mana tangomana te togho ghau iara na, eghume iara thofno glealeꞌa fara ka mana, eghuteuna iara koje mala cheke fakelini nanghagna mana na.

Nodi Khoje Hatimare Mae Jiu 34:20

Lord na famane reireghi fakelidi thinidire, nei na theome snakreni kaisei nhubradi klopa na eghu na.

Nodi Khoje Hatimare Mae Jiu 46:2

Eghume, neubane nghali nauthoglu igne ka nakheu, neuba ne diha soru thogele biꞌo igre lamna nhorora, tahati theome tangomana te mhaghudi gobigna lepo te thoke mei ka tahati gre.

Nodi Khoje Hatimare Mae Jiu 62:2

Kaisei mana ngala te mala doadofra ghau nei togho ghau teu iara na. Kaisei mana ngala te mala bara fothi ghau iara na. Eghume iara gne theome tangomana te mhaghuni ihei te mei magra ghau nei tapla soru ghau teu.

Proveb 11:8

Naikno te doglo na karha ka hoholo. Nu hoholo na thokeni naikno te diꞌa na.

Profet Jeremaea 15:20

Iara ginauna togho nigho iagho mala kegra heta fari hoteidi naikno igre jateula kaisei gringni te horo mare ka bras ra eghu. Kate magri nigho mare na, mare ginauna theome tangomana te ulu nigho iagho na, naugna iara ginauna na au balumu iagho. Iara ginauna reireghi nigho nei fakarhi nigho eghu.

Profet Daniel 3:17

Nu God mae ihei te pogho soruni ghetilo na ginauna fakarhi ghami ghetilo ka khaꞌaghi te brana fara tuana, nei fakarhi ghami ka nou nolaghi iagho na.