Nodi Khoje Hatimare Mae Jiu 37:34 - Buka Blahi Ka Cheke Holo

³⁴ Fatutuani ka Lord nei leghudi nogna puhi mana re eghu. Te eghu iagho na, mana ginauna fafnakno nigho iagho, eghuteuna iagho na tangomana te khotogna vido glose teke tusu ari mana ka iagho igne. Eghuteuna iagho ginauna na filoni mana nate kuru teini mae te diꞌa na.

Nodi Khoje Hatimare Mae Jiu 37:34 ပူးပေါင်းရင်းမြစ်များ

Nodi Khoje Hatimare Mae Jiu 27:14

Tahati mala fatutuani ni Lord, nei thosei ghatho peapea eghu. Tahati mala fatutuani nei ofoni eghu Lord nate mei togho ghita na.

Proveb 20:22

Iagho thosei ghaoghatho mala ke tughu fapulo najafra teke eni ranghi nigho keha mae na. Theo. Iagho fatutuani ka Lord te mala togho nigho na, eghuteuna mana ginauna fakarhi nigho ka puhi biꞌo igne.

Nodi Khoje Hatimare Mae Jiu 37:9

Iheire te fatutuani ni Lord ginauna atha nodi vido glose, nu iheire te diꞌa puhidire Lord ginauna kuru fajifladi.

Matiu 24:13

Nu God ginauna fakarhidi iheire te au famaku ka nodi fatutuani na te ghilei thokeni narane leghu lahu gna naꞌau papara na.

Nodi Khoje Hatimare Mae Jiu 37:7

Iagho megei gnokrou rhegna Lord. Au kmu ofoniu mana mala togho nigho. Thosei diꞌanagnafamu kate atha nodi kmana glepo te keli ka puhi te edi mae re. Tutuani fara, iagho thosei ngana nou ka mae te ghathodi thua nafnata puhi te diꞌa igre te edi haghe puhi tuare.

Ululahu Pita 5:6

Eghume ghotilo nhaꞌa fapari ghami themi mala au ke pari khamegna God te nolaghi fara. Kate thoke mei thofno narane na, mana ginauna na nhaꞌa haghe ghami ghotilo.

Luku 14:11

Eghume, mae ihei te nhaꞌa faꞌuluni thegna na, God ginauna nake nhaꞌa faleghuni mana. Nu mae ihei te nhaꞌa faleghuni thegna na, God ginauna nake nhaꞌa faꞌuluni mana.”

Proveb 16:17

Nogna nabrou naikno te keli na theome namo ka puhi te diꞌa na. Mae ihei te filo fakeli ka nabrou na, mana tangomana te fakarhini nakarhagna na.

Nodi Khoje Hatimare Mae Jiu 91:8

Iagho ginauna na khogla filo tathamu kolho, kate paradi God naikno te diꞌare.

Nodi Khoje Hatimare Mae Jiu 37:3

Fatutuani ka Lord sagho nei eni puhi te keli na eghu. Te eghu iagho na, iagho ginauna na au fakeli fabrahu ka nou vido glose na, eghuteuna ginauna theo kaisei glepo nate goigoni nigho iagho na.

Thoutonu Eigna Mae Job 17:9

Keha mae cheke eghu, ‘Ihei te leghuni God na, ginauna theome tangomana te uka pari na. Eghuteuna nakarhagna mae ihei te theome eni kaisei najafra na, ginauna rheta fabrahu.’

Ululahu Pita 1:7

Fariuriu igre khogla fariuriudi kolho nomi fatutuani ghotilo re, mala laseni te nheta ba te klino na. Fariuriu igre jateula gol te lilisei ka khaꞌaghi te mala fariuriu nei famane fagagae teu ia eghu kolho. Neuba ngau, gol na ne theome tangomana te au fabrahu tifa tifa. Nu nomi fatutuani ghotilo na glepo ulu fara ka God ke tulao gna gol. Eghume ka narane mala ke pulo meigna mae Jisas Kraes na, mana ginauna kilo fnakno ghami nei cheke fakelidi nanghamire nei ghatho tahu ghami naugna nomi fatutuani na ne heta fara.

Nodi Khoje Hatimare Mae Jiu 112:9

Mana tangomana te toghodi iheire te kuma, aonu puhigna mana te keli igre ginauna au fabrahu. Naiknore ginauna ghatho tahuni mana.

Diutronomi 5:33

Ghotilo mala leghudi mare gnafa. Eghuteuna jame te eni ghotilo igne na, nakarhami ghotilo re ginauna keli fara, eghuteuna ghotilo ginauna tangomana te au raugha ka glose nate au ghotilo tagna na.”

Nodi Khoje Hatimare Mae Jiu 25:13

Nafnata mae igne ginauna au nogna kmana glepo te keli, eghuteuna thugnare ginauna au fakeli nodi ka nogna vido glose mana na.

Nodi Khoje Hatimare Mae Jiu 92:12

Naikno te doglore ginau thofno keli nodi fara jateula gaju te ure sisi te kelira eghu, eghuteuna biꞌo haghe jateula gaju sida ka namono Lebanon.

Nodi Khoje Hatimare Mae Jiu 112:8

Mana theome tangomana te ghatho peapea nei mhaghu teuna, naugna mana laseni nogna naoka mana re ginauna theo nafudi kolho.

Proveb 29:16

Kate baubatu mae te diꞌa puhigna na, puhi te diꞌa na ginau heta fara. Nu mae te diꞌa igne na theome au raugha, eghuteuna naikno te doglore ginauna filodi mare te khoko pari na.

Profet Isaia 57:13

Ka narane te ehani ghotilo ihei te mala mei togho ghami na, ghotilo snakredi god chaichaghi tuare mala fakarhi ghami. Nu fiofilo ghami eghu! Neubane kaisei nuri ikoi kolho tangomana nate ifu sorudi mare na. Nu iheire te rouronu ghau iara te mala reireghidire, ginauna au fabrahu ka kantri igne, eghuteuna mare ginauna tufru soru ghau iara ka nogu Thogele Blahi iara igne.”