Nodi Khoje Hatimare Mae Jiu 37:31 - Buka Blahi Ka Cheke Holo

³¹ Vetula nogna God na au ka nagnafagna mana na, eghuteuna mana tangomana te leghuni God nei theome tangomana te ghathoni iho u vetula igne.

Nodi Khoje Hatimare Mae Jiu 37:31 ပူးပေါင်းရင်းမြစ်များ

Nodi Khoje Hatimare Mae Jiu 40:8

Nogu God, iara magnahaghedi fara te edi unha te magnahaghedi iagho re. Leuleghu fata na iara theome ghatho ihodi nou cheke iagho re ka nagnafagu na.”

Diutronomi 6:6

Ghotilo mala au gaoghathomi fabrahu ka cheke te tusu ari iara ka ghotilo gognarogne.

Nodi Khoje Hatimare Mae Jiu 119:11

Iara gaoghathodi fabrahu nou cheke iagho te tutuani fara ra, mala theome eni iara kaisei najafra ranghi nigho iara.

Nodi Khoje Hatimare Mae Jiu 37:23

Kate filoni Lord puhigna kaisei mae te doglo fabrahu na, mana na sagheleghuni naikno tuana ka nabrou te doglo.

Profet Jeremaea 31:33

Igne u nhaꞌa cheke majaghani nate eni iara baludi naiknodi Israel. Iara ginauna lilisei nogu vetula na lamna ka thiꞌadire, eghuteuna rioriso soru ka nagnafadire. Iara ginauna nodi God mare, eghuteuna mare ginauna mala nogu naikno iara.

Profet Isaia 51:7

“Ghotilo iheire te leghuni puhi te doglo na, nei ghotilo iheire te loku famaku chekegu iara na ka nagnafamire teu ra, thosei mhaghudi naikno te maꞌe ghami nei cheke fadiꞌa ghami teu are.

Hibru 8:10

Nu igne u nhaꞌa cheke nate chekeni iara ka naiknodi Israel re: Kate thokei mei narane tuare iara ginauna lilisei nogu vetula na ka nagnafadi nei jaola rioriso ka gaoghathodi. Iara ginauna nodi God mare, mare jaola nogu naikno iara.

Proveb 4:4

mae kmagu iara na neke farirhiu ghau iara neke cheke eghu, “Thuguo, ghathodi gobigna lepo teke chekedi iara ka iagho ra. Te leghu fakelidi iagho nogu cheke iara igre na, iagho ginauna karha.

Nodi Khoje Hatimare Mae Jiu 121:3

Uve, Lord na theome thuru nei ghatho iho ghau eghu iara. Leuleghu fata na mana na reireghi fakeli ghau iara.

Nodi Khoje Hatimare Mae Jiu 119:98

Nou cheke iagho ra au fabrahu ka iara nei tusu mei gaoghatho te keli ka iara. Eghume, gaoghathogu iara re uludi fara nodi gaoghatho nogu naoka re.

Nodi Khoje Hatimare Mae Jiu 44:18

Ghehati theome tei koko nigho, nu ghehati leghu nigho iagho fabrahu kolho.

Nodi Khoje Hatimare Mae Jiu 1:2

Naikno igre na iu'ijuni nei ghathoni eghu fabrahu nogna vetula Lord na bongi narane.

Thoutonu Eigna Mae Job 23:11

Leuleghu fata na, iara ghatho tahuni mana, eghuteuna iara leghudi puhigna mana re. Iara theome tei kokoni mana mala leghuni kaisei nabrou delei.

Proveb 14:15

Naikno te iho na, ginauna fiti fatutuanidi kolho unha te nomhire. Nu naikno te lalase na, ginauna ghatho fakelini puhi te mala leghuni na.

Nodi Khoje Hatimare Mae Jiu 17:5

Leuleghu fata na iara leghuni nabroumu iagho na. Eghume iara theome tangomana te snivi ka nabrou na.

Nodi Khoje Hatimare Mae Jiu 73:2

Nu kate filodi iara nodi glepo te keli naikno te diꞌare, nei fahaehaghedi fara teu mare na, nogu gaoghatho nheta nei fatutuani teu iara re namo ari luvu theo tokadi kolho. Naugna iara goghotu fara kate au nodi glepo te keli naikno te diꞌa puhidi igre.

Profet Esikiel 27:6

Mare neke horo nou gorha iagho re, ka famane gaju funudi Basan, eghuteuna mare neke horo nou dek iagho na, ka gaju saepras funudi ka moumolu Saepras, eghuteuna lalaoni nou dek iagho na ka kheꞌi elefant.

Nodi Khoje Hatimare Mae Jiu 40:9

God, iara neke toutonuni u nonomho te keli igne kate khapru teu nou naikno iagho re, neke cheke eghu, “Lord, na tangomana te fakarhi ghita tahati na.” Lord, iagho laseni, iara ginauna theome tangomana te gnafa na nafnata cheke igre.