Nodi Khoje Hatimare Mae Jiu 37:30 - Buka Blahi Ka Cheke Holo

³⁰ Mae te doglo igne au tagna u gaoghatho te keli, eghuteuna unha te chekedi mana ka naiknore famane keli koba. Mana tangomana te cheke ka puhi te doglo.

Nodi Khoje Hatimare Mae Jiu 37:30 ပူးပေါင်းရင်းမြစ်များ

Kolose 4:6

Leuleghu fata na nomi chekere mala keli nei doglo eghu fabrahu te mala toghodi keha naiknore. Eghuteuna God ginauna togho ghami ghotilo te mala tangomana te cheke tughu ka puhi te doglo ka naikno te gnafare.

Efesus 4:29

Kate cheke na, ghotilo thosei chekeni kaisei cheke te diꞌa. Nu te keli na, chekeni ngala unha te nabagna te mala nomhini naiknore, eghuteuna nomi cheke ghotilo re ginauna tangomana te toghodi naikno te fanomhore.

Proveb 15:7

Ihei te autagna gaoghatho te keli na, mana tangomana te tufa gaoghatho te keli ka naiknore. Nu ihei te theome au tagna gaoghatho te keli na, mana na theome jateula tuana eghu.

Matiu 12:35

Eghume naikno te keli na au gaoghatho te keli ka nagnafagna na, eghuteuna mana tangomana te chekedi glepo te kelire. Naikno te diꞌa na au gaoghatho te diꞌa ka nagnafagna na, eghuteuna mana tangomana te chekedi glepo te diꞌare.

Proveb 10:21

Nogna cheke naikno te doglo na toghodi kmana naikno. Nu naikno te theome autagna gaoghatho te keli na, ginauna lehe, naugna nagnafagna na thono diꞌa fara.

Proveb 10:31

Nogna cheke naikno te doglo na mana chekeni gaoghatho te keli na. Nu mare ginauna korho fajifla glapi gna naikno te chaichaghi na.

Nodi Khoje Hatimare Mae Jiu 71:15

Iara ginauna cheke edi glepo te doglo teke edi iagho ra, funu hamerane ghilei posa fei grafi. Iara ginauna cheke eigna nou nolaghi iagho te mala fakarhidi naiknore. Neubane theome raꞌe lase fakelidi iara, iara ginauna cheke fajifladi ngala.

Proveb 27:9

Insens nei famane oel teu igre tangomana te fagleꞌa nigho na, nu khetomu na ginauna fagleꞌa nigho salaꞌui.

Nodi Khoje Hatimare Mae Jiu 71:24

Leuleghu narane, te funu hamerane te ghilei posa fei grafi na, iara ginauna toutonu eidi puhimu iagho te doglo fara are, naugna mae iheire te magnahaghei goigoni ghau iara ra, iagho la tapla faparidihi mare e mamaja nodi fara.

Proveb 10:20

Nogna cheke naikno te keli na, jateula silva eghu. Nu nagnafagna naikno te diꞌa na, theo nafugna kolho.