Nodi Khoje Hatimare Mae Jiu 37:22 - Buka Blahi Ka Cheke Holo

²² Iheire Lord te fablahidire ginauna atha vido glose teke nhaꞌa cheke mana ranghidire. Nu iheire te diꞌatagnadi Lord naugna te leghuni mare puhi te diꞌa na, mana ginau brue fajifladi.

Nodi Khoje Hatimare Mae Jiu 37:22 ပူးပေါင်းရင်းမြစ်များ

Proveb 3:33

Lord snakreni hoholo na mala thokeni tharakna gna mae te diꞌa na, nu mana fablahi ni tharakna gna mae te doglo na.

Ululahu Korin 16:22

Jame ihei te theome namhani Lord na, iara magnahagheni mae tuana ginauna mala fnota fabrahu ka God tifa tifa. Nomi Lord, mei iagho!

Galesia 3:13

Mae Kraes neke hata fadelei ghitahi ka puhigna vetula te mala para ghita na, naugna mana neke tughu ghita ka naꞌau papara igne. Naugna u grioriso te blahi na jaola neke cheke eghu, “Mae ihei teke fafroroni mare ke kligna gaju na, God ginauna thofno fateni mana.”

Nodi Khoje Hatimare Mae Jiu 37:9

Iheire te fatutuani ni Lord ginauna atha nodi vido glose, nu iheire te diꞌa puhidire Lord ginauna kuru fajifladi.

Galesia 3:10

Ihei te loku famaku ka nogna vetula mae Moses na mala karha nogna teuna, God ginauna fateni mana. Naugna u grioriso te blahi na cheke eghu, “Ihei te theome thofno leghudi gobigna lepo te risodihi ka buka vetula na igre, God ginauna thofno fateni mana.”

Matiu 25:41

“Iara ginauna cheke eghu ka naikno te diꞌa te au fei mairigure, ‘Tei nomi delei! Naugna te chekeni God na ghotilo ginauna mala tei au ka fate! Ghotilo ginauna tei au ke lamna khaꞌaghi te karha fabrahu na. Khaꞌaghi tuana neke kulu tarabana God malagna mae Satan nei nogna tothoghei engel.

Nodi Khoje Hatimare Mae Jiu 128:1

Keli tadi fara iheire te ghatho tahuni Lord nei leghudi nogna chekere teuna.

Nodi Khoje Hatimare Mae Jiu 119:21

Diꞌatamu sagho ka naikno te thonu fahaehaghedi fara are, nei paradi iheire te theome leghudi teu nou cheke iaghore are.

Nodi Khoje Hatimare Mae Jiu 115:15

Iara magnahagheni Lord mae ihei teke vuavuhani u maloa kligna nei nauthoglu pari igne teu te fablahi ghami ghotilo.

Nodi Khoje Hatimare Mae Jiu 37:28

Lord na magnahagheni fara puhi te doglo na. Mana theome snakredi te lisa laodi nogna naiknore. Leuleghu fata na mana tangomana te baubatu fakeli nogna naiknore mala tei ka nabrou te fadoglo. Nu vikegna mae te diꞌa na mana ginauna brue fajifladi mala tei au delei.

Nodi Khoje Hatimare Mae Jiu 37:18

Lord na reireghi fakelini naikno te leghudi nogna cheke na, eghuteuna nogna vido glose teke tusu ranghini mana Lord na ginauna nogna mana fabrahu.

Nodi Khoje Hatimare Mae Jiu 37:11

Nu iheire te lisei faparidi thedire, mare na atha nodi vido glose teke nhaꞌa cheke God ranghidi na. Mare na au fakeli nodi nei na au glealeꞌa nodi eghu.

Nodi Khoje Hatimare Mae Jiu 32:1

Mae ihei Lord te hata koko nakhibognare nei hata fadeleidi gobigna lepo te diꞌare teu tagna na, mae tuana thono keli tagna fara.

Thoutonu Eigna Mae Job 5:3

Iara la filonihi mae te fameomekro te au fakeli fabrahu gognarona, nu hoholo megei nga thoke mei ka mana.

Diutronomi 5:33

Ghotilo mala leghudi mare gnafa. Eghuteuna jame te eni ghotilo igne na, nakarhami ghotilo re ginauna keli fara, eghuteuna ghotilo ginauna tangomana te au raugha ka glose nate au ghotilo tagna na.”

Nodi Khoje Hatimare Mae Jiu 25:13

Nafnata mae igne ginauna au nogna kmana glepo te keli, eghuteuna thugnare ginauna au fakeli nodi ka nogna vido glose mana na.

Profet Isaia 57:13

Ka narane te ehani ghotilo ihei te mala mei togho ghami na, ghotilo snakredi god chaichaghi tuare mala fakarhi ghami. Nu fiofilo ghami eghu! Neubane kaisei nuri ikoi kolho tangomana nate ifu sorudi mare na. Nu iheire te rouronu ghau iara te mala reireghidire, ginauna au fabrahu ka kantri igne, eghuteuna mare ginauna tufru soru ghau iara ka nogu Thogele Blahi iara igne.”