Nodi Khoje Hatimare Mae Jiu 37:21 - Buka Blahi Ka Cheke Holo

²¹ Mae te diꞌa mana lase kaoni fara, eghuteuna mana theome tangomana teke tughu fapulo na. Nu mae te keli puhigna na mana magnahaghei fara te tufa glepo ka keha naiknore.

Nodi Khoje Hatimare Mae Jiu 37:21 ပူးပေါင်းရင်းမြစ်များ

Hibru 13:16

Nu thosei ghatho ihoni te mala edi gloku te keli tangomana te mala toghodi keha naiknore, naugna fafara jateula tuana eghu te keli tagnani God na.

Nodi Khoje Hatimare Mae Jiu 112:5

Ihei te eni bisnis ka puhi te doglo na, nei snakreni kaoni na ka keha naiknore teuna, mae igne keli tagna fara.

Proveb 22:7

Mae te dedei na saghe leghuni mae te kuma na. Mae te kaoni na sneka ka mae te snakreni kaoni na.

Fapea Korin 8:9

Ghotilo laseni nogna khokofakasai noda Lord Jisas Kraes. Ghotilo laseni eigna mana kaisei mae dedei fara kligna na, nu malami ghotilo mana neke fakumani thegna. Mana neke au jateula kaisei mae te kuma neku ka nauthoglu igne mala tangomana ghotilo te mala naikno dedei kligna na.

Nodi Khoje Hatimare Mae Jiu 112:9

Mana tangomana te toghodi iheire te kuma, aonu puhigna mana te keli igre ginauna au fabrahu. Naiknore ginauna ghatho tahuni mana.

Diutronomi 28:12

“Maloa gne jateula kaisei suga te mala liliseidi nogna famane glepo Lord ra eghu, eghuteuna mana ginauna tothora maloa gne mala soru mei nakhete ka thofno narane gna na. Lord ginauna fablahidi ghemi nagare ghotilo are mala au kmana gano. Eghume ghotilo ginauna au ghemi kmana gano, eghuteuna naiknodi keha kantri are tangomana te mei kaoni ka ghotilo. Eghuteuna theo kaisei glepo nate faꞌiho ghami ghotilo te mala tei kaoni ghotilo ka keha kantri delei.

Luku 6:30

Mae ihei te tore glepo ka iagho na, iagho toghoni mana. Eghuteuna mae ihei te hata kaisei nou glepo iagho na, thosei ke toreni iagho mala ke hata fapulo mana ka iagho.

Hibru 6:10

God theome lolodiadi nei theome ghatho ihodi nomi gloku te keli nei nomi namha eghu ghotilo ranghini mana ka teke toghodi ghotilo nogna naiknore. Eghuteuna mana ginauna ghathoniu ngala te toghodi fabrahu ghotilo re na taba ghami ghotilo.

Mae Khuru 20:35

Ka nogu gloku te gnafare, iara falalase ka ghotilo unha jame te edi koba tahati te mala toghodi iheire te nigra. Eghume tahati thosei ghatho ihoni u chekegna noda Lord Jisas, teke cheke eghu mana ia, ‘Mae ihei te tuatufa na, mana keli tagna fara ke tulaogna mae ihei te hata glepo malagna thegna kolho.’  ”

Mae Khuru 11:29

Aonu mae fanomhore ne kaisei gaoghatho ngala mala toghodi naikno khiloau te kmo'e ka glepo ka Provins Judia. Igne lelheghu ka ihei te tangomana te toghodi mare na.

Profet Isaia 32:8

Nu mae te keli na sasaꞌa te mala toghodi keha naiknore, eghuteuna leuleghu fata na mana ghaoghatho te mala edi glepo te kelire.