Nodi Khoje Hatimare Mae Jiu 37:18 - Buka Blahi Ka Cheke Holo

¹⁸ Lord na reireghi fakelini naikno te leghudi nogna cheke na, eghuteuna nogna vido glose teke tusu ranghini mana Lord na ginauna nogna mana fabrahu.

Nodi Khoje Hatimare Mae Jiu 37:18 ပူးပေါင်းရင်းမြစ်များ

Nodi Khoje Hatimare Mae Jiu 1:6

Naikno te leghuni nabrou te diꞌa na mala lehe kolho. Eghuteuna naikno te leghuni nabrou te keli na mala karha fabrahu tifa tifa.

Letas Teke Riso Tei Mae Pol Ka Khiloau Rom 6:23

Tutuani ihei te tapla jafra ka nakhibo na, tabagna na u glehe ngala, u glehe te theo ka huigna na. Nu God neke tusu ranghi ghita u karha fei tifa na naugna ka glehegna Kraes noda Lord.

Nodi Khoje Hatimare Mae Jiu 103:17

Nu God namha ghita tahati iheire te ghatho tahudi nei leghudi teu fabrahu nogna chekere. Eghuteuna mana ginauna na jateula tuana eghudi fabrahu thuda nei grada teu tahati te karha mei thogheiro re.

Fapea Timoti 2:19

Nu neuba ngau, God na la liliseihi thina biꞌo na ke pari gringni ka khiloau gne, eghuteuna thina igre ginauna kegra maku fabrahu. Cheke teke risoni mare ka thina igre cheke eghu, “Lord God lasedi iheire te thofno nogna mana re”, nei keha cheke na jaola cheke eghu, “Ihei te chekeni, ‘Iara nogna Lord God’ teuna, thosei eni kaisei puhi te diꞌa.”

Nodi Khoje Hatimare Mae Jiu 73:24

Iagho farirhiu ghau iara fabrahu mala leghudi iara puhimu iagho re, eghuteuna ke leghu na, iagho ginauna ghatho tahu ghau iara nei hata ghau iara mala au balumu.

Nodi Khoje Hatimare Mae Jiu 49:5

Iheire te rouronu ka sileni na nei me eha tonganadi ka keha naiknore teu igre ngala te magnahaghei te mei goigoni ghau iara re, nu iara sa tirogu mhaghudi kolho hatimare mae naoka te mei kegra falithui ghau iara igre eghu.

Nodi Khoje Hatimare Mae Jiu 31:7

Iara keli tagu nei glealeꞌa eghu fara ka iagho eigna iagho ne kokhoni ghau iara kate filo meidi te diꞌanagnafa nei au papara teu iara gre.

Ululahu Jone 2:25

Eghuteuna igne unha teke nhaꞌa chekeni thegna mae Kraes te mala tusu ranghi ghita tahati na, eigna u karha fei tifa.

Letas Teke Riso Tei Mae Pol Ka Khiloau Rom 5:21

Eghume, neuba ne au nogna nolaghi nakhibo tifa na te mala falehedi naiknore, gognaro na nogna khokofakasai God na au nolaghi biꞌo te mala au doglo tahati ka tathagna thegna na, nei mala hatini u karha fei tifa na ka nogna gloku noda Lord Jisas Kraes.

Matiu 6:32

Mae bongihehe site mala ghatho tahudire glepo igrea. Nu iara magnahaghei ghami ghotilo te mala nhogri ka mare. Tutuani, mae Kmami ghotilo te au kligna na laseniu te magnahaghedi ghotilo glepo igre.

Profet Isaia 60:21

Ghotilo te gnafa na ginauna doglo fara ke ulugu iara, eghuteuna ghotilo ginauna khotogna fabrahu kantri igne. Iara neke lilisei ghami ghotilo ka namono igne, jateula gaju teke joꞌu iara ia eghu, eghuteuna naikno te gnafa igre ginauna cheke fakeli ghau iara eidi glepo te keli teke edi iara ra.

Nodi Khoje Hatimare Mae Jiu 37:13

Nu Lord, noda mae funei tahati na rogna maꞌedi mae te diꞌare, naugna mana laseni kaisei narane na mana ginauna mei fatedi mare, eghuteuna mae te diꞌare ginauna dofidi ke leghugna fate igne.

Nodi Khoje Hatimare Mae Jiu 31:15

Nakarhagu iara na au ka khamemu iagho na kolho. Hata fajifla ghau ka khamedi hatimare mae naoka te au faligoho ghau teu iara igre eigna mare magnahaghei te falehe ghau iara.

Nodi Khoje Hatimare Mae Jiu 21:4

Iagho neke tusu lao u nakarha te keli teke toreni mana na. Eghuteuna iagho neke tusu lao u nakarha te keli tuana ka mana mala au fabrahu tifa e tifa.

Nodi Khoje Hatimare Mae Jiu 16:11

Iagho falalase fabrahu ka iara u nafnata nakarha te magnahagheni iagho na. Kate au teu iara balumu na, iara keli tagu fara, nei gaoghathogu na fodu fabrahu kau glealeꞌa.

Diutronomi 33:25

Ghotilo tangomana te au fakeli fabrahu naugna ghotilo tangomana te hata aean nei bras eghu mala horo grengathadi gringni thinagna nomi namono na mala maku fakeli. Eghuteuna nakarhami ghotilore ginauna rheta fabrahu leghu rane.”

Proveb 2:21

Naikno te doglo te tangomana te rouronudi iagho re, mare ginauna tangomana te au fabrahu ka nodi glose na.