Nodi Khoje Hatimare Mae Jiu 37:14 - Buka Blahi Ka Cheke Holo

¹⁴ Mae te diꞌare na korho fajifla nodi naflahi mala magra re nei na kulu lolho nodi phalohore eghu mala fadi falehedi naikno te kuma nei au kokhonidi teure, nei mala goigonidi eghu naikno te edi puhi te kelire.

Nodi Khoje Hatimare Mae Jiu 37:14 ပူးပေါင်းရင်းမြစ်များ

Proveb 29:27

Naikno te doglore theome magnahaghedi naikno te diꞌare. Eghuteuna naikno te diꞌare theome magnahaghedi naikno te doglore.

Ululahu Jone 3:12

Thosei jateula mae Kein, mana nogna mae Satan neke faleheni mae tahigna na. Mana faleheni mae tahigna naugna glepo te edi mana re diꞌa fara, eghuteuna glepo te edi mae tahignare keli fara.

Nodi Khoje Hatimare Mae Jiu 11:2

Naugna hatimare mae te diꞌa gre la lolhohi nodi phalohore. Mare poru kate romno na la fatoti laohi nodi jatare ka gnarhodi nodi phalohore mala fada ka nagnafadi naikno te doglore.

Mae Khuru 12:11

Ka vido tuana mae Pita neke snagla gaoghathogna na, ne cheke eghu, “Tutuani fara, aola thofno laseni nga iara te snakre meini God nogna engel na te mala fakarhi ghau ka khamegna mae King Herod na, nei ka gobigna lepo teke mala eni ranghi ghau iara teku mae Jiura.”

Mae Khuru 7:52

Mae ku'emi ghotilo re neke paradi fara mae profet te gnafa tifa re. Mae profet re neke chekeni meigna nogna Mae Gloku God te Doglo Fara na, eghuteuna mae ku'emi ghotilo re ngala teke falehedi mae profet re. Tutuani, gognaro na ghotilo neke majorani nei faleheni eghu nogna Mae Gloku God na.

Proveb 29:10

Mae te aknu poru na theome magnahaghedi naikno te keli re, eghuteuna mana fariuriu mala falehedi naikno te doglo re.

Nodi Khoje Hatimare Mae Jiu 35:10

Eghuteuna ka nagnafagu fateo na iara ginauna cheke eghu ka God, “Theo kaisei naikno te jateula iagho teuna, iagho togho fakelidi naikno te nigra re. Eghume naikno te nheta re theome tangomana te goigonidi re naikno te kumare.”

Ululahu Samuel 24:17

Mae Sol ne cheke eghu ka mana, “Iagho doglou, iara nga te jafra na. Iagho eni unha glepo te keli na ranghi ghau iara. Nu iara eni unha glepo te diꞌa na ranghi nigho iagho.

Ululahu Samuel 24:11

Mama, filo mei sagho ka nou nabreku pohe igne. Jame magnahaghei aknu falehe nigho iara na, iagho jame neke falehehi! Nu iara neke atha kolho katha nou nabreku pohe iagho! Filo sagho, iara theome ghathoni kaisei glepo te mala falehe nigho iagho na. Iara jaola neke theome eni kaisei glepo te diꞌa ranghi nigho iagho, nu iagho hiro ghau iara mala falehe ghau iara!

Mae Khuru 12:23

Eghuteuna mae Herod ne snakredi naiknore mala cheke fakelini thegna kolho nei theome cheke ranghidi mala kilo fnaknoni God. Aonu kaisei engel nogna God ne fafograni mae Herod. Eghuteuna momogo ikodi ne ghamu ka thinigna mana na ne ghilei lehe.

Profet Habaku 1:13

Iagho thono blahi fara, eghuteuna iagho theome magnahaghei te filoni kaisei glepo te diꞌa. Naugna unha sagho te au kmu te theome paradi naiknodi Babilonia te diꞌa igrea? Mare lalamadi fara naikno te doglo te uludi mare igre.

Nogna Buka Esta 5:14

Aonu Seres baludi kheragna mana igre ne kafe cheke eghu, “Iagho na chekedi keha mae mala fakegra haghe kaisei gaju, nabagna varadaki glima mita haghegna na. Eghuteuna iagho ginauna tei hamerane nathuꞌu mala toreni king mala haru graragna mae Modikae ana mala fagefe hagheni mana ka gaju tuana. Aonu ke leghugna igne, iagho ginauna gleale'a kate tei ka gaghamu na.” Mae Haman nomhini igne ne thofno keli tagna fara. Aonu mae Haman ne chekedi nogna mae glokure ne tei jokra haghe kaisei gaju brahu mala haru graragna mae Modikae na mala fagefe haghe ka gaju tuana mala lehe mana.