Nodi Khoje Hatimare Mae Jiu 36:6 - Buka Blahi Ka Cheke Holo

⁶ Puhimu iagho te doglo na ke tulaogna tuanai, thono haghe fara jateula thogele are eghu, puhimu iagho te mala fateni naikno ne soru pari fara jateula nhorora te mamhara eghu. Lord, naikno nei hose nei buluka, nei bosu mhata, nei saba, nei nanghaji teu igre au ka khamemu iagho.

Nodi Khoje Hatimare Mae Jiu 36:6 ပူးပေါင်းရင်းမြစ်များ

Ululahu Timoti 4:10

Eigna igne tahati loku heta, naugna tahati thofno fatutuani ni God mae ihei tangomana te fakarhadi naikno fateote'o. Eghuteuna mana ginauna kafe fakarha ghita gnafa, tulao iheire te fatutuani ni mana.

Letas Teke Riso Tei Mae Pol Ka Khiloau Rom 11:33

Tutuani fara, God na keli fara ka naikno te gnafare! Nogna glalase mana na biꞌo fara nei gaoghathogna mana na krepa fara! Tahati theome tangomana te filo glanini gaoghathogna God na, tahati theome tangomana te ghatho thokedi puhigna mana re!

Nodi Khoje Hatimare Mae Jiu 77:19

Iagho neke nonolo ke kligna galo, eghuteuna iagho neke kasa farihotei nhorora, nu theo kolho kaisei naikno teke filo nigho na eghu.

Nodi Khoje Hatimare Mae Jiu 71:19

God, puhimu iagho na thono doglo fara tei posa ka glepo te au kligna ka maloa gno. Iagho neke edi gloku te biꞌo fara igre eghuteuna glepo igre salaꞌudi fara nomi glalase ghehatire. Uve, God, theo kaisei naikno te jateula iagho teuna.

Profet Isaia 45:19

Iara theome porudi nogu cheke re, ba poruni gaoghathogu na ka ghotilo. Eghuteuna iara neke theome cheke ghami ghotilo mala fiti hiro ghau iara kate theo nafugna. Iara Lord, iara chekeni kolho cheke te tutuani na. Uve, leuleghu fata na, iara chekeni kolho unha te doglo na.”

Nodi Khoje Hatimare Mae Jiu 145:9

Leuleghu fata na thono keli fara ranghi ghita hui, nei mana tangomana te kokhoni ghita na eghu.

Nodi Khoje Hatimare Mae Jiu 97:2

Khoveo nei gromno teura au faligohoni mana. Mana funei frunidi nei fatedi eghu naiknore ka puhi te thofno doglo fara.

Nodi Khoje Hatimare Mae Jiu 92:5

Lord God, nou gloku iagho re thofno biꞌo fara, nei gaoghathomu iagho re jaola theome tangomana ghehati te lasedire.

Letas Teke Riso Tei Mae Pol Ka Khiloau Rom 3:25

God neke kuru meini mana mala lehe jateula kaisei fafara. Tutuani, dadara ka glehegna na mala hata fadeleidi nakhibodi naikno te gnafa te fatutuani ni mae Jisas. God neke eni igne mala laseni tahati te eni mana unha te doglo na. Naugna tifa na God neke sasaꞌani te ofo na, eghuteuna mana neke theome ghosei paradi naiknore eigna nakhibodire. Nu gognaro na God jaola falalase ranghi ghita mana te eni unha te doglo na, naugna mana neke snakreni mae Jisas mala lehe. Tutuani, mana neke eni igne mala falalase ranghidi iheire te fatutuani ni mae Jisas kaisei nabrou mala au doglo ke ulugna thegna.

Profet Jona 4:11

Gaju te kokhoni nouni iagho igne thono ikoi fara. Nu namono Ninive igne thono biꞌo fara, salaꞌuni kaisei gobi varadaki thogha naikno te au tagna na. Gaoghathodire jateula sua te theome laseni unha te keli ba unha te diꞌa teura eghu, eghuteuna kmana buluka jaola au ke lamnagna namono biꞌo igne. Ba, te ghathoni iagho na theome naba iara te mala kokhonidire?”

Profet Isaia 40:28

Ba? Ghotilo theome laseniu kolho? Ghotilo theome nomhini kolho? Lord na God mae ihei te au fabrahu funu tifa, eghuteuna mana neke vuavuha gobigna lepo ka nauthoglu igne. Theo kaisei naikno tangomana te thokeni gaoghathogna Lord na. Mana theome tangomana te babaꞌo ba te nigra na.

Nodi Khoje Hatimare Mae Jiu 147:9

Mana tusu lao ghedi gano buluka, nei faghamudi sua nanghaji ka vido te rofo te magnahaghei ghedi gano na.

Thoutonu Eigna Mae Job 37:23

Nogna nolaghi God mae ihei te au nolaghi fateote'o igne, biꞌo fara, tahati theome tangomana te lao namo tagna na. Naugna puhigna mana na thofno doglo fara, mana theome tangomana te goigoni ghita na.

Thoutonu Eigna Mae Job 7:20

Iagho filo ka naiknore, nu jame te tapla jafra iara ka nakhibo na unha glepo te diꞌa teke eni iara ka iagho na? Naugna unha sagho te eni ghau iara jateula te lilisei nou vido mala fada tagna teu gnea? Ba, iara te edi kmana puhi biꞌo ka iagho na?

Nehemaea 9:6

Iagho kaisei Lord kolho. Iagho kolho teke vuavuha maloa baludi gobigna lepo te au ke lamnagna, nei nauthoglu baludi gobigna lepo te au ke lamnagna, nei thongna baludi gobigna lepo te au ke lamnagna. Eghuteuna iagho tusu lao karha na ka glepo igre. Eghuteuna engel kligna re pogho soru tarai ka iagho.

Ululahu Samuel 14:15

Eghuteuna soasopai tothoghei ka nodi armi maedi Filistia igre ne mhaghu nodi fara, neuba mare ne tei magra ba au ka suga tapuale, mare ne rhana nodi fara. Eghuteuna God ne famhaghudi maedi Filistia gre ne faꞌihodi tafri.

Diutronomi 32:4

Lord na vido keli mala poru. Puhigna mana na keli fara, eghuteuna mana doglo fabrahu kolho. God na ghatho tahu ghami ghotilo nogna naiknore. Mana doglo kolho theome eni kaisei glepo te diꞌa.

Eksodas 9:28

U gromno nei nakhete thina aes teu igne la thono goigoni ghami farahi ghehati, eghume ghopa toreni Lord mala atha fadelei mana glepo igne ka ghehati. Iara ginau na snakre tei ghami ghotilo. Ghotilo theome tangomana teke au teu ka vido igne na.”

Jenesis 18:25

Tutuani, iagho ginauna na theome falehedi naikno te doglo tuare baludi naikno te diꞌa re! Eghuteuna iagho na theome eni kaisei nafnata puhi ngala ranghidi naikno te doglo nei naikno te diꞌa teu gre. Iagho ginauna fatedi naiknogna nauthoglu igne mala eni ngala mare unha te doglo na!”

Profet Jeremaea 12:1

Lord, iagho eni fabrahu puhi te doglo na, eghume, iara theome tangomana te fapholai balumu iagho na. Nu iara magnahaghei te ghusna ka iagho eidi keha puhi te theome raꞌe glola ka gaoghathogu na. Ba, ne faꞌunha si mae te diꞌa puhidire igre te au fakeli nodi koba grea? Ba, ne faꞌunha si mae te theome namo ka iagho igre te au ka nakarha te keli igrea?

Diutronomi 7:9

Te mala laseni ghotilo na Lord nomi God ghotilo na, mana ngala God mae ihei te ghatho tahu ghami ghotilo na. Eghuteuna mana tajini nogna nhaꞌa cheke na, eghuteuna mana namha ghami ghotilo iheire te namhani nei leghudi teu nogna vetula mana re. Kate namhani nei leghuni teu ghotilo mana na, mana tangomana te tajini u nhaꞌa cheke na balumi ghotilo nei thumi ghotilo re eghu fabrahu ghilei posani kmana thogha finogha.

Nodi Khoje Hatimare Mae Jiu 31:20

Iagho pophorudi ka vido aheva te au teu themu na, nei reireghi fakelidi ka vido aheva te theome tangomana mae iheire te magnahaghei cheke fadiꞌani nei falehedi teu mare re.

Lamentations 3:23

Uve, puhigna Lord na au fabrahu, jateula narane majaghani te haghe fabrahu hamerane boibongi ra eghu. “Uve, Lord, iara cheke fakeli nigho eigna iagho ne namhadi fabrahu nou naiknore!”