Nodi Khoje Hatimare Mae Jiu 36:4 - Buka Blahi Ka Cheke Holo

⁴ Kate thuru teu ka sape na, mana hironi kolho nabrou te mala eni puhi te diꞌa na. Mana leghuni kolho nabrou te diꞌa na, nei mana theome tangomana te figri tagruni puhi te diꞌa na.

Nodi Khoje Hatimare Mae Jiu 36:4 ပူးပေါင်းရင်းမြစ်များ

Profet Maeka 2:1

Kokhoni ghami fara ghotilo iheire te edi unha gaoghatho te diꞌa kate thuru teu ka sape na! Eghuteuna hamerane na, ghotilo edi fabrahu nomi gaoghatho te diꞌa tuare, theo kaisei naikno te lhoti ghami ghotilo na.

Proveb 4:16

Mare theome thuru ghilei eni mare glepo te diꞌa na, ba goigonini keha mae na.

Letas Teke Riso Tei Mae Pol Ka Khiloau Rom 12:9

Thosei namha chaichaghi. Filo uchuni unha te diꞌa. Loku famaku ka nagnafami unha te keli.

Profet Isaia 65:2

Nu leuleghu fata na phaꞌumi ghotilore maku fara jateula thina eghu leghudi fabrahu puhimi themi te diꞌare. Neuba, iara tarabana te mala faꞌuve ghami ghotilo na.

Thakle 2:2

Iara lase ghamihi ghotilo thofno loku heta fara ranghi ghau iara nei au heta ka nomi fatutuani na eghu kolho. Iara jaola lase ghami ghotilo te theome magnahaghedi naikno te leghudi puhi te diꞌare. Eghuteuna iara lase ghami ghotilo te lasedihi iheire te chaichaghi te kilodi thedi mae khuru, nei ghotilo la glanidihi te chaichaghi kolho mare re.

Nodi Khoje Hatimare Mae Jiu 97:10

Lord na namhadi fara iheire te thono tirodini fara puhi te diꞌa na, nei mana bara fothidi kau glehe. Uve, mana fakarhidi ka iheire te diꞌa fara puhi dire.

Letas Teke Riso Tei Mae Pol Ka Khiloau Rom 1:32

Mare lasenihi nogna vetula God na la cheke eidihi iheire te edi glepo igre, mare nabadi na mala lehe kolho. Neuba, naiknore heta ghedi fara ka puhi te diꞌare, nei jaola keli tadi ka keha naikno te edila puhi te diꞌare.

Mae Khuru 23:12

Hamerane keha mae Jiure ne faidu poru ne hiro phoge mala faleheni mae Pol. Mare ne eni kaisei nhaꞌa cheke mala theome ghamu ba ko'uni eghu kaisei gano ghilei faleheni ghu mae Pol.

Matiu 27:1

Hamerane boibongi, hatimare mae pris ulu nei hatimare mae biꞌo teu igre ne kafe roghe mala faleheni mae Jisas.

Profet Maeka 6:8

Lord la chekehi ka tahati unha te keli te magnahaghedi fara mana te mala edi tahati: Tahati mala leghuni puhi te doglo na. Tahati mala thofno namhani nei ghatho tahuni noda God te au baludi nogna naiknore, nei tahati mala theome leghudi noda puhi theda tahati re, nu thofno leghuni noda God.

Profet Emos 5:15

Ghotilo lilisei puhi te diꞌa na mala leghuni kolho puhi te keli na. Eghuteuna ka fate na, ghotilo leghuni kolho puhi te doglo na. Jame te eni ghotilo igne na, God ginauna kokhoni ghami ghotilo naiknomi Israel te karha teu gognaro ra.

Profet Jeremaea 8:6

Leuleghu fata na iara fanomho fakeli koba ka ghotilo, nu ghotilo theome chekeni kaisei cheke te tutuani. Theo kaisei ka ghotilo te tughu puhigna te diꞌa na. Ghotilo te gnafa na jateula hose te chari umhu te tei ka magra ra eghu leghuni fabrahu kolho puhi te diꞌa na.

Profet Jeremaea 6:16

Lord ne cheke eghu ka nogna naiknore, “Ghotilo ghaoghatho fakeli mala laseni nabrou aheva nate leghuni ghotilo na. Ghotilo mala filoni famane nabrou teke leghuni mae kuꞌeda tifa ra. Eghuteuna ghotilo mala jaola leghuni nabrou igne. Jame te eni ghotilo igne na, ghotilo ginauna na au fakeli nei na au ka pharikeli ka nakarhami na.” Nu ghotilo tiromi neke cheke eghu, “Theo! Ghehati theome magnahaghei te leghuni nabrou te keli igne!

Proveb 24:23

Igre langau keha nodi famane cheke mae ihei te au tagna gaoghatho te keli na. Mae mala fate na mala theome mala phile balugna ihei nga ka kot.

Nodi Khoje Hatimare Mae Jiu 52:3

Iagho theome magnahagheni puhi te keli na. Nu iagho magnahagheni kolho puhi te diꞌa na. Iagho theome magnahagheni te chekeni unha te tutuani na. Nu iagho magnahagheni kolho puhi te cheke chaichaghi na.

Nodi Khoje Hatimare Mae Jiu 38:12

Iheire te magnahaghei falehe ghau iara re lilisei phighoro mala fakhale ghau iara. Iheire te magnahaghei goigoni ghau iara re mare cheke fapari ghau iara. Eghuteuna leuleghu fata na mare theome gnafa te gaoghatho te mala eni ranghi ghau iara puhi te diꞌa na.

Thoutonu Eigna Mae Job 15:16

Eghume faꞌunha eghu God tangomana te ronu ghita tahati te thono diꞌa fara, eghuteuna tahati magnahaghei te koꞌuni puhi te diꞌa na.

Nogna Buka Esta 6:4

Aonu mae King ne ghusna eghu ka mare, “Keha nogu mae ofisa iara au ka suga igne, ba theo?” Ka vido igne la mae Haman ne ruma mei ka baragna nogna suga king na. Mana mei mala toreni King mala haru graragna mae Modikae na mala fagefe hagheni mana ka gaju na.

Nogna Buka Esta 5:14

Aonu Seres baludi kheragna mana igre ne kafe cheke eghu, “Iagho na chekedi keha mae mala fakegra haghe kaisei gaju, nabagna varadaki glima mita haghegna na. Eghuteuna iagho ginauna tei hamerane nathuꞌu mala toreni king mala haru graragna mae Modikae ana mala fagefe hagheni mana ka gaju tuana. Aonu ke leghugna igne, iagho ginauna gleale'a kate tei ka gaghamu na.” Mae Haman nomhini igne ne thofno keli tagna fara. Aonu mae Haman ne chekedi nogna mae glokure ne tei jokra haghe kaisei gaju brahu mala haru graragna mae Modikae na mala fagefe haghe ka gaju tuana mala lehe mana.

Ululahu Samuel 19:11

Ka bongi igne, king ne kurudi keha mae mala tei ka sugagna mae Devet na mala tei faleheni mana hamerane ka keha narane na. Nu Mikal, khetogna mae Devet igne ne cheke eghu ka mana, “Jame te theome jifla iagho agne ginau bongi na, iagho ginauna lehe ka mare hamerane na.”

Proveb 24:2

Mare magnahaghei magra fabrahu kolho, eghuteuna mare chekeni koba eigna te mala eni puhi biꞌo na.

Profet Jeremaea 4:22

Lord ne cheke eghu, “Nogu naikno iara igre theome au tadi kaisei gaoghatho te keli. Mare jateula sua te theome lalase nei fagoigoli tafri teura eghu theome lase ghau iara. Mare laseni kolho te mala eni puhi te diꞌa na, nu mare theome tangomana te eni unha puhi te keli na.”