Nodi Khoje Hatimare Mae Jiu 36:3 - Buka Blahi Ka Cheke Holo

³ Leuleghu fata na mae igne cheke diꞌa nei chaichaghi eghu koba ka keha naiknore. Mana theo kaisei gaoghatho te keli te mala eni puhi te doglo na.

Nodi Khoje Hatimare Mae Jiu 36:3 ပူးပေါင်းရင်းမြစ်များ

Nodi Khoje Hatimare Mae Jiu 55:21

Nogna chekere mamahe fara jateula suka eghu, nu gaoghathogna mana na theome magnahaghei kaisei naikno te cheke faparini, eghuteuna nogna cheke igre fagano salhu jateula sedi eghu mala au kmu naiknore. Nu nogna cheke mana igre fagoreho ghami ghehati jateula naflahi te fnonu eghu.

Profet Jeremaea 4:22

Lord ne cheke eghu, “Nogu naikno iara igre theome au tadi kaisei gaoghatho te keli. Mare jateula sua te theome lalase nei fagoigoli tafri teura eghu theome lase ghau iara. Mare laseni kolho te mala eni puhi te diꞌa na, nu mare theome tangomana te eni unha puhi te keli na.”

Nodi Khoje Hatimare Mae Jiu 10:7

Foflogna mae igne thono diꞌa fara. Naugna e fodu ka chaichaghi nei famamhagu eghu koba. Mana ghosei ngala te cheke fajifladire cheke te diꞌa te mala goigonidi keha naiknore.

Ululahu Jone 2:19

Nogna naoka mae Kraes gre neke au baluda tahati. Nu gognaro na mare la jifla koko ghitahi. Naugna mare theome thofno nogna tothoghei tahati gne. Jame thofno nogna tothoghei tahati gne na, mare au ngau baluda tahati. Nu mare tei koko ghita tahati, eghume gaglana fara te theo kaisei mae ka mare tarabana te mala leghuni mae Kraes baluda tahati na.

Hibru 10:39

Nu tahati gne theome naikno mala figri fapulo mala au ka glehe te theo gnafagna. Theo. Tahati naikno mala fatutuani ni God mala au ka karha tifa tifa.

Matiu 22:35

Aonu kaisei mae ka hatimare mae Farasi, mana laseni fara nogna vetula mae Moses. Mana mei ne saosagroni mae Jisas ne ghusna eghu ka mana, “Velepuhi, vetula aheva gne te biꞌo tulao ka nogna vetula mae Moses igre?”

Profet Sefanaea 1:6

Iara ginauna paradi naikno te figri tagru ghau, nei tirodi leghu ghau, nei tirodi mei mala toghodi, nei mala saghe leghudi eghu iara.”

Nodi Khoje Hatimare Mae Jiu 140:3

Foflodire jateula khe'i phanaga eghu. Uve, cheke te diꞌare jateula poesen te jifla ka foflogna u phanaga ia eghu.

Nodi Khoje Hatimare Mae Jiu 125:5

Nu kate paradi iagho naikno te diꞌa are, ke paradila ngau iagho naikno te theome leghudi puhimu iagho te keli fara are eghu. Tahati toreni Lord mala tusu mei pharikeli ka tahati naiknoda Israel gre eghu.

Nodi Khoje Hatimare Mae Jiu 94:8

Ghotilo naikno te diꞌara thono meomekro fara! Ba! Niha fata fameomekro fabrahu si ghotilo ia?

Nodi Khoje Hatimare Mae Jiu 58:3

Naikno te diꞌare neke tapla jafra fabrahu neke mei ngala funu tifa kani au teku ka thiꞌadi idodire, mare neke cheke chaichaghi neke mei ngala funu karha meidi.

Nodi Khoje Hatimare Mae Jiu 5:9

God, nogu naoka iara gre nodi chekere theome tutuani kolho. Unha te ghathoni mare na mala goigonidi keha naiknore kolho. Nodi chekere famane mamahe fara jateula suka eghu. Nu thiꞌadire fodu ka saosagro nei falehe naikno eghu.

Ululahu Samuel 26:21

Aonu mae Sol ne cheke eghu, “Ghema Devet, thofno tututani fara. Puhi te eni iara igne thofno diꞌa fara. Thuguo, ke pulo mei. Iara ginauna na theome falehe nigho, naugna iagho ne ghatho tahu ghau iara, eghuteuna bongi ia iagho neke theome falehe ghau iara. Iara naikno fameomekro fara te eni glepo te diꞌa igne ka iagho.”

Ululahu Samuel 18:21

Mana ne cheke eghu ka nagnafagna na, “Keli fara te snakreni iara Mikal gne ka mae Devet, gaꞌase igne kaisei nabrou te mala lehe mana ka maedi Filistia igre.” Aonu mana ne cheke eghu ka mae Devet, “Igne fapea nhaꞌa cheke iara ka iagho te mala tolaghi ka thugu gaꞌase na.”

Ululahu Samuel 16:14

Aonu Tharunga gna Lord na ne theome au balugna king Sol. Eghuteuna Lord ne kuru tei kaisei naitu mala mhaghu mana.

Ululahu Samuel 15:26

Nu mae Samuel ne cheke eghu, “Iara theome tangomana te tei balumi iagho na. Naugna iagho ne tirouni chekegna Lord na, eghume mana theome magnahaghei nigho iagho te king Israel gognarona.”

Fapea Samuel 22:22

Leuleghu fata na, iara leghuni koba puhigna Lord eghuteuna iara theome tei fajafra ka mana.

Fapea Kronikols 20:32

Mana edi kmana glepo te doglo ka tathagna Lord jateula teke edi kmagna King Asa tifa ra neu.

Proveb 4:16

Mare theome thuru ghilei eni mare glepo te diꞌa na, ba goigonini keha mae na.

Profet Hosia 8:3

Nu theo eghu. Mare theome magnahaghei te leghuni puhi te keli na nei doglo na teuna. Eghume, mae naokare ginauna mei ngolhi fajifladi ka namonodire.

Luku 11:25

Aonu kate pulo ka naikno tuana, mana ne filoni naikno tuana jateula suga te haglu fagae te doglo hira eghu ke lamna na.