Nodi Khoje Hatimare Mae Jiu 35:8 - Buka Blahi Ka Cheke Holo

⁸ Nu Lord, kate iho teu mare na, iara magnahaghei nigho iagho te eꞌei puhi ranghidi mare na. Fakhaledi thedi kolho sagho ka phighoro teke lilisei mare thedi ana. Fasnoꞌodi thedi kolho sagho ka khora teke dokha thedi mare ana.

Nodi Khoje Hatimare Mae Jiu 35:8 ပူးပေါင်းရင်းမြစ်များ

Luku 21:34

“Fiofilo ghami ghotilo ia! Na eghunu ima ghemi kolho, koꞌu ghemi kolho, ba nangani kolho eghu ghotilo glepo gna nauthoglu igne. Naugna jame te eghu ghotilo na, ghotilo ginauna theome tangomana te ghaoghatho fadoglo eigna thofno nakarha na. Eghuteuna narane leghu lahu na ginauna megei nga mei kate theome tarabana teu ghotilo na.

Proveb 5:22

Nakhibogna naikno te diꞌa na tangomana te haru famakuni mana na, jateula phighoro te haru famakudi nanghaji ra eghu.

Nodi Khoje Hatimare Mae Jiu 9:15

Hatimare mae bongihehe gre neke dokha kaisei khora malami ghehati neku, nu ke snoꞌo kolho thedi. Phigoro malami ghehati teke lilisei mare na neke khale kolho thedi.

Ululahu Tesalonika 5:3

Kate chekeni naiknore, “Pharikeli nei nasnagla,” God ginauna ghosei roꞌedi, jateula khabru ghosei te mei ka gaꞌase te namo karha sua ia eghu. Eghuteuna naikno tuare ginauna theome rikha.

Profet Isaia 47:11

Nu kaisei puhi biꞌo ginauna thoke mei ka iagho, eghuteuna iagho theo kaisei nou nolaghi nate kegra fothini glepo igne. Puhi biꞌo igne ginauna thoke mei ka iagho, eghuteuna iagho ginauna na theome tangomana te eni kaisei glepo te mala fanagrini nabrou gna puhi biꞌo igne. Glepo te diꞌa te theome ghathodi iaghore ginauna thoke mei mala goigoni nigho iagho.

Nodi Khoje Hatimare Mae Jiu 57:6

Nogu naoka iara gre mare lilisei kaisei fangna mala fakhale ghau iara teuna, eghume iara gne thofno au diꞌanagnafa fara. Hatimare dokha kaisei khora ka nabrou na mala snoꞌo iara teuna. Nu iara theome snoꞌo kolho tagna eghu, mare thedi nga kolho teke snoꞌo tagna na.

Proveb 29:1

Mae ihei te patugama fabrahu neuba mare ne cheke faheta kmana fata tagna, mae tuana ginauna parani fara, eghuteuna theo kaisei glepo nate toghoni mana na.

Nogna Buka Esta 7:10

Aonu mare ne fagefe hagheni mae Haman ka gaju teke lisei haghe mana malagna mae Modikae teku igne. Kate eni te gnafa mare igne diꞌatagna mae king na ne hui.

Ululahu Samuel 18:17

King Sol ne cheke eghu ka mae Devet, “Iara magnahaghei nigho iagho te tolaghi ka thugu gaꞌase biꞌo lahu iara Merab. Nu praes gna thugu iara igne, iagho mala nogu mae soldia nheta iara, eghuteuna iagho mala loku rheta fabrahu gaoghathomu na ka iara. Iagho mala tei koba ka magra leghuni unha te chekeni Lord ka iagho na.” Mae Sol magnahagheni mae Devet te tei lehe ka magra, eigna mana theome tangomana te faleheni mana na. Eghume, te ghathoni mana na, armi gna Filistia kolho te tangomana te faleheni mana na.

Nodi Khoje Hatimare Mae Jiu 64:7

Nu God ginauna na tirogna toghodi mare nogna, eghuteuna mare na megei nga ghoreho nodi kolho ka hatimare mae naokare.

Fapea Samuel 17:23

Kate laseni mae Ahitofel te theome leghuni mare nogna cheke na, mana saghe ka nogna dongki na neke pulo ka nogna namono na. Kate fadoglidi te gnafa tharakna gna nei nogna bisnis teure, mana froro ne lehe. Tharakna gna mana re hata thinigna mana na ne giugilui ka nodi beku thedi na.