Nodi Khoje Hatimare Mae Jiu 35:5 - Buka Blahi Ka Cheke Holo

⁵ Kuru meini sagho nou engel na mala ngolhidi mae igre mala jateula chara wit te flalo tafri ka nuri ia eghu mare mala sopagna tei kolho.

Nodi Khoje Hatimare Mae Jiu 35:5 ပူးပေါင်းရင်းမြစ်များ

Thoutonu Eigna Mae Job 21:18

God na theome koko teidi mare delei kolho, jateula buburu moja pala te tei delei te dofidi ka nuri ra eghu.

Profet Isaia 29:5

“Nu nomi naoka ghotilo igre ginauna kokhonidi fara. Mare ginauna na jateula gaughavu eghu kolho. Uve, mare ginauna na jateula khune wit te moja te flalo te tei ka nuri ra eghu.

Hibru 11:28

Mana ne fatutuani ni God. Naugna igne, mana ne fufunu narane Gaghamu Ghasa-Polho na. Mana neke cheke ranghidi naiknogna Israel mala fuafusa dadaradi sua sipure ka grengathadi nodi sugare. Ka puhi igne nogna engel God ne falelehe fateo goro sua nalhaꞌu teke kulu karha ka naiknodi Ijep. Eghuteuna theo kaisei sua te lehe ka goro sua nalhaꞌu teke kulu karha ka naiknodi Israel.

Mae Khuru 12:23

Eghuteuna mae Herod ne snakredi naiknore mala cheke fakelini thegna kolho nei theome cheke ranghidi mala kilo fnaknoni God. Aonu kaisei engel nogna God ne fafograni mae Herod. Eghuteuna momogo ikodi ne ghamu ka thinigna mana na ne ghilei lehe.

Profet Hosia 13:3

Naugna te edi ghotilo puhi te diꞌa igre, ghotilo ginauna na ghosei tei dofi ghami jateula khoveo ke kligna thogele te ghosei te tei dofini hamerane boibongi ra eghu. Eghuteuna na jateula nabubla te ghosei te moja kate brana naprai ia eghu. Ghotilo ginauna dofi ghami na jateula chara wit te flalo te tei ka nuri, ba jateula gagahu khaꞌaghi te tei te dofini ka maloa ra eghu kolho.

Profet Isaia 37:36

Aonu ka bongi igne kaisei engel nogna Lord ne mei ka vido te au teu mae soldiadi Asiria igre ne aknu falehe kaisei gobi nhana salei glima thogha ka mare. Kate dofra haghe mare hamerane boibongi na, mare ne filodi thinidi mae soldia te lehere.

Profet Isaia 17:13

Nu neuba mare ne chari ne mei jateula galo biꞌo te longa te poha mata ra neu ka tahati, kate cheke Lord ka mare na, mare ginauna kafe figri na rikha. Eghuteuna mana na ngolhi fajifladi mare, eghuteuna mare na flalo jateula khakla gaju moja te flalo te tei ka nuri ra eghu kolho.

Nodi Khoje Hatimare Mae Jiu 1:4

Naikno te diꞌa puhidire na theome jateula tuana eghu. Thono theo fara. Mare na jateula chara te flalo ka nuri ia eghu kolho.

Eksodas 14:19

Leuleghu fata na nogna engel God na tei koba ke uludi nodi soldia mae Israel gre, nu gognaro na mana ke au ke leghudi mare. Kaisei khoveo biꞌo na neke jaola neke au ke uludi mare. Nu kaisei bongi na khoveo igne mei ke leghudi naiknodi Israel.

Nodi Khoje Hatimare Mae Jiu 90:9

Kate diꞌatamu na, iagho fakmoꞌei arini kolho naranemi ghehati te mala au ka nauthoglu igne na. Uve, ghehati ghosei lehe kolho jateula vido gaghafa te mei nei ghosei me salaꞌu ari teu ia eghu kolho.

Lamentations 3:66

Ngolhidi nei roꞌedi eghu sagho kate diꞌatamu te salaꞌui na mala dofidi mare ka nauthoglu igne.