Nodi Khoje Hatimare Mae Jiu 35:4 - Buka Blahi Ka Cheke Holo

⁴ Mae igre magnahaghei te mei te falehe ghau iara. Mei sagho mala tapla sorudi pari naikno igre mala mamaja nodi kolho mare. Mae igre roghe nodi te mala goigoni ghau iara na. Fasnividi sagho pha'udire mala ke figri ke pulo mare.

Nodi Khoje Hatimare Mae Jiu 35:4 ပူးပေါင်းရင်းမြစ်များ

Profet Jeremaea 46:5

Nu unha glepo si ignea? Uve, iara filodi mae soldiadi Ijep igre mare mhaghu nodi fara. Mare suaraghi rikha kela figri. Mare theome tangomana teke filo fapulo na, naugna mae naoka uludihi mare. Eghuteuna glepo kmana fara au faligohodi mare.

Nodi Khoje Hatimare Mae Jiu 38:12

Iheire te magnahaghei falehe ghau iara re lilisei phighoro mala fakhale ghau iara. Iheire te magnahaghei goigoni ghau iara re mare cheke fapari ghau iara. Eghuteuna leuleghu fata na mare theome gnafa te gaoghatho te mala eni ranghi ghau iara puhi te diꞌa na.

Nodi Khoje Hatimare Mae Jiu 35:26

Iheire te glealeꞌa kate filoni te diꞌanagnafa iara na, te keli na iagho famamajadi nei faꞌihodi eghu mare. Tapla sorudi sagho mae iheire ne au doglohi thedi ke ulugu iara teu are mala mamaja nodi kolho mare.

Nodi Khoje Hatimare Mae Jiu 129:5

God, brue fadeleidi sagho naikno te tirodini Jerusalem are mala mamaja nodi fara mare.

Nodi Khoje Hatimare Mae Jiu 71:24

Leuleghu narane, te funu hamerane te ghilei posa fei grafi na, iara ginauna toutonu eidi puhimu iagho te doglo fara are, naugna mae iheire te magnahaghei goigoni ghau iara ra, iagho la tapla faparidihi mare e mamaja nodi fara.

Ululahu Samuel 23:23

Ghotilo tei hirodi vido aheva te tei poru mana na, eghuteuna ghotilo faghose mei cheke ka iara. Iara ginauna ari balumi ghotilo, jame au teu mana ka vido tuana na, iara ginauna hiro ghilei deni mana. Neuba iara ne tei tongana ka nodi vido vikegna mae Juda, iara ginauna filoni mana.”

Jone 18:6

Kate cheke eghu mae Jisas, “Uve, iara ngala mana na” teuna, mare ne kafe ghogro faleghu ne uka soru pari.

Profet Esikiel 13:19

Ghotilo goigonini kolho nanghagu iara na ka tathadi nogu naikno iara re, eghuteuna ghotilo hata katha gano kolho tabami ghotilo na. Ghotilo theome gnafa te chaghidi nogu naikno iara re, eghuteuna naiknore fatutuani ghami ghotilo kolho. Ghotilo jateula te aknu falehedi eghu naikno te theome mala lehe re, eghuteuna naikno te nabadi te lehe re, ghotilo tajidi kolho nakarhadi re.

Profet Isaia 37:29

Naugna iara laseni te fahaehaghe fara iagho na, nei iara laseni te cheke diꞌatamu fara iagho ka iara ra, iara ginauna lilisei kaisei thagho ka foflomu iagho na, nei kaisei vido aean ka foflomu iagho na, mala ke korho fapulo nigho ka nabrou aheva teke meimu iagho na.

Ululahu Kings 19:10

Eghuteuna mana ne cheke eghu, “Lord, iagho mae ihei te au nolaghi fateote'o. Leuleghu fata na iara thofno ghatho tahu nigho ne loku ranghi nigho. Nu naiknodi Israel igre, tirodini nou nhaꞌa cheke iagho na. Mare paꞌe soru nou olta iagho ra, eghuteuna mare aknu falehe nou profet iagho ra. Kaisei iara ngala te au na, eghuteuna mare jaola fariuriu mala falehe ghau iara.”

Matiu 27:1

Hamerane boibongi, hatimare mae pris ulu nei hatimare mae biꞌo teu igre ne kafe roghe mala faleheni mae Jisas.

Nodi Khoje Hatimare Mae Jiu 83:18

Lord God, te thofno keli fara na jame mare laseni eigna te iagho ngala God mae ihei te thofno fnakno fara na, eghuteuna iagho ngala king te funei frunidi naikno te gnafa ka nauthoglu igne.