Nodi Khoje Hatimare Mae Jiu 35:20 - Buka Blahi Ka Cheke Holo

²⁰ Mare tirodi cheke fakeli baludi iheire te magnahaghei pharikeli, nu mare edi kmana cheke chaichaghi fara.

Nodi Khoje Hatimare Mae Jiu 35:20 ပူးပေါင်းရင်းမြစ်များ

Mae Khuru 25:3

Mare ne cheke eghu ka mana, “Ghema, ghehati thono magnahaghe nigho iagho te kuru fapuloni mae Pol Jerusalem.” Mare ne cheke eghu, naugna mare ghaoghaho mala falehe poruni mae Pol kate mei mana ka nabrou na.

Mae Khuru 23:15

Eghume igne unha te magnahagheni ghehati te mala eni ghotilo na: Fatei kaisei nonomho ka mae funei biꞌodi mae armi ra mala hata meini mae Pol ka ghotilo. Cheke ka mana ghotilo magnahaghei te famane ghusnani mae Pol keha glepo eigna mana. Ghehati na ofou mala faleheni kate mei mana agne na.”

Matiu 26:4

Ka faidu tuana hatimare ghaoghaho mala loki poruni mae Jisas mala faleheni mana.

Matiu 12:24

Kate nomhini hatimare mae Farasi cheke igne, mare ne cheke eghu, “Mae Satan, nodi mae funei hatimare mae naitu are, site tusu ranghini mana nolaghi te mala bruedi naitu area.”

Matiu 12:19

Mana ginauna na theome fapoaphola ba fnaja fabiꞌo, ba cheke fabiꞌo eghu tafri farihotei glalaba.

Profet Daniel 6:5

Aonu phei mae funei igre baludi mae minista igre ne cheke eghu fari thedi, “Tahati theome tangomana te filoni kaisei najafra ka nogna gloku mana igre te mala hatini mana kau fate na. Tahati na hironi kolho ka puhi te leghuni mana nogna vetula God thegna igne.”

Profet Jeremaea 11:19

Iara theome laseni gaoghatho te diꞌa te eni mare ranghi ghau iara igne! Iara jateula sipu ikoi te atha te tei mare te mala falelehe ia eghu kolho. Mare roghe ne cheke eghu, “Mei ghotilo mala falehe tahati mae igne, mala jateula gaju te kato soru te goigoni fuꞌagna ra eghu. Tahati na faleheni mae igne mala theo kaisei naikno teke ghathoni mana na.” Aonu mana ne cheke eghu,

Nodi Khoje Hatimare Mae Jiu 52:2

Iagho kaisei mae chaichaghi fara. Foflomu iagho na jateula kaisei bled te fnonu fara eghu goigoni ni fara keha naikno na ka narane te ghathoni teu iagho puhi te mala goigoni ni keha naikno na.

Nodi Khoje Hatimare Mae Jiu 38:12

Iheire te magnahaghei falehe ghau iara re lilisei phighoro mala fakhale ghau iara. Iheire te magnahaghei goigoni ghau iara re mare cheke fapari ghau iara. Eghuteuna leuleghu fata na mare theome gnafa te gaoghatho te mala eni ranghi ghau iara puhi te diꞌa na.

Nodi Khoje Hatimare Mae Jiu 31:13

Iara nomhidi kmana mae naoka hatimare buiburi ghau iara. Eghuteuna ka vido aheva te tei salaꞌu iara na mare famamhagu ghau iara fara. Mae iheire te magnahaghei tapla soru ghau iara re, mare hiro phoge mala falehe ghau iara.