Nodi Khoje Hatimare Mae Jiu 35:12 - Buka Blahi Ka Cheke Holo

¹² Iara keli ranghidi mare, nu mare theome keli ranghi ghau iara, eghume iara la namo glaꞌehi nagnafagu na eghu.

Nodi Khoje Hatimare Mae Jiu 35:12 ပူးပေါင်းရင်းမြစ်များ

Jone 10:32

Nu mae Jisas ne cheke eghu ka mare, “Iara neke edi kmana gloku te keli ka nogna nolaghi mae Mama tela filodihi ghotilo ra. Kau gloku te keli aheva gre site romi fadi falehe ghau iara ghotilo ka thina gnea?”

Profet Jeremaea 18:20

Ba, keliu kolho te tughu fapulo glepo te diꞌa na ka glepo te keli na? Theo. Neuba mare ne magnahaghei falehe nigho iagho neu, iara tore nigho iagho mala thosei diꞌatamu nei paradi eghu mare. Nu mae naoka igre magnahaghei te goigoni ghau iara, jateula kaisei mae te dokha khora te mala snoꞌo bosu tagna te mala falelehera eghu.

Nodi Khoje Hatimare Mae Jiu 38:20

Iara eni puhi te keli na ranghidi, nu mare fapulo meini puhi te diꞌa na ka iara. Mare naoka ranghi ghau iara, naugna iara ne leghuni puhi te doglo na.

Proveb 17:13

Jame te foli fapulo iagho glepo te keli ka glepo te diꞌa na, glepo te diꞌa tuana ginauna au fabrahu ka tharaknamu iagho na.

Ululahu Samuel 19:15

Mare figri neke pulo cheke ka mae Sol, nu mana neke kuru fapulodi mare ne cheke faheta eghu, “Tei pala balu sape mei agne mala aknu falehe iara.”

Ululahu Samuel 25:21

Mae Devet neke cheke eghu ka gaoghathogna na, “Mala unha neku neke reireghi fakelidi si iara nogna gobigna lepo mae igne ka namono nagou ra? Theo kaisei mae si teke blaudi nogna glepo mana ra. Iara neke thofno toghoni fara mana. Nu mana theome keli ranghi ghau iara!

Ululahu Kronikols 19:4

Aonu King Hanun nomhini cheke igne ne loku famaku nogna tothoghei mae King Devet igre. Eghuteuna mare ne ghoighori kaisei phile gremohodi re, eghuteuna kusu fakmoꞌei nodi pohere mala tangomana naiknore te filodi pesidi mare re, gnafa teuna ame ke kuru fapulodi nga.

Nodi Khoje Hatimare Mae Jiu 38:21

Lord, thosei lisa lao ghau. Nogu God, thosei tei koko ghau.

Nodi Khoje Hatimare Mae Jiu 142:5

Lord God, iara eha mei ka iagho mala togho ghau, naugna iagho ngala vido keli te mala poru iara na. Iara magnahaghei kaisei glepo kolho, glepo igne mala au balumu iagho fabrahu.