Nodi Khoje Hatimare Mae Jiu 35:1 - Buka Blahi Ka Cheke Holo

¹ Lord, diꞌatamudi sagho naikno te diꞌatadi ghau iara igre. Magridi sagho naikno te magri ghau iara igre.

Nodi Khoje Hatimare Mae Jiu 35:1 ပူးပေါင်းရင်းမြစ်များ

Nodi Khoje Hatimare Mae Jiu 43:1

God, chekeni sagho ka naiknore te kaisei mae doglo iara te theome eni kaisei glepo te diꞌa na. Kaisei phile sagho ka iara mala tapla sorudi naikno te theome keli ranghi nigho re. Bara fothidi sagho naikno te chaichaghi nei naikno te diꞌa teu are mala fakarhi ghau iara.

Nodi Khoje Hatimare Mae Jiu 119:154

Togho ghau nei fakarhi ghau eghu iara sagho mala snagla nogu iara. Uve, fakarhi ghau iara sagho leghuni nou nhaꞌa cheke na.

Profet Jeremaea 51:36

Aonu Lord ne cheke eghu ka naiknodi Jerusalem, “Ghotilo nogu naikno iara ra, iara ginauna phile ka ghotilo, eghuteuna iara ginauna paradi nomi naoka ghotilo teke eidi puhi biꞌo ka ghotilo are. Khoꞌu biꞌodi Babilonia baludi keha khoꞌu biꞌo are ginauna kafe gata.

Profet Isaia 49:25

Nu Lord ne cheke eghu, “Tutuani fara iara ginauna atha fapulo glepo teke atha mae soldia ra. Eghuteuna iara ginauna fakarhidi naikno teke hata mae te nheta ra. Iara ginauna magridi mae iheire teke magri ghami ghotilo ra, eghuteuna iara ginauna fakarhidi thumi ghotilo ra.

Proveb 23:11

Iagho thosei eni igne, naugna Lord mae ihei te nheta fara na, ginauna toghodi mare ka fate na.

Lamentations 3:58

Lord, mei au balugu iara, mala fakarhi ghau iara.

Proveb 22:23

Naugna Lord ginauna toghodi mare, eghuteuna ginauna goigonini ihei te goigonidi mare na.

Ululahu Samuel 24:15

Toreni Lord mala fate ghita, nei cheke ranghi ghita, ihei ka tapa te jafra na. Toreni Lord mala fifilo ka puhi igne mala togho ghau nei fasnagla ghau eghu iara ka glepo te eni iagho ka iara igne.”

Eksodas 14:25

Nodi chariot re ne chakhi ne theome tangomana te thugha na. Aonu hatimare mae Ijep gre ne cheke eghu fari thedi, “Tore, lisa laodi naikno igre, eigna Lord na la toghodi mare la magri ghita tahati! Faghose, rikha noda!”

Mae Khuru 5:39

Nu jame teke funu ka God na, ghotilo ginauna theome tangomana te lhotidire. Na eghunu magra ghotilo ka thegna God eghu.” Hatimare mae mala fate ne leghuni unha te chekeni mae Gamalio na.

Mae Khuru 23:9

Aonu kaisei nafnaja biꞌo ne eni farihoteidi phei tothoghei igre. Keha mae velepuhigna vetula nogna mae Moses ka mae Farasi gre kegra haghe ne cheke eghu faheta, “Ghehati theome filoni kaisei najafra ka mae igne! Glahula me kaisei engel ba kaisei tharunga teke facheke mei ka mana na!”

Profet Maeka 7:9

Tahati tapla jafra neke figri tagruni Lord. Naugna igne mana diꞌatagna ka tahati. Nu ke leghu, mana ginauna phile ka tahati, eghuteuna mana ginauna fadoglidi glepo te diꞌa teke edi noda naoka ka tahati. Mana ginauna atha fajifla ghita ka naphae funu kate romno. Eghuteuna tahati ginauna filoni Lord te doglo fabrahu.

Nehemaea 4:20

Kate nomhini ghotilo naoglagna trampet na, ghotilo faghose chari mei mala khapru faligoho ghau iara. Noda God tahati na ginauna magra ranghi ghita tahati!”

Josua 10:42

Ka narane tuare, Lord, nodi God maedi Israel igne ne toghodi mare mala uludi nei hata eghu nodi namono mae naoka igre.

Eksodas 14:14

Megeu kolho si ghotilo, Lord thegna ginau na magra tughu ghami ghotilo. Nu ghotilo na theome eni kaisei glepo ka mare eghu.”

Eksodas 23:22

Nu jame te thofno leghudi ghotilo unha te chekedi mana re nei edi ghotilo glepo teke chekedi iara ra teuna, iara ginau na kegra tughu ghami ghotilo mala magridi nomi mae naoka ghotilo are.