Nodi Khoje Hatimare Mae Jiu 34:21 - Buka Blahi Ka Cheke Holo

²¹ Naikno te diꞌa na faleheni thegna ka puhi te diꞌa teke edi thegnare. Eghuteuna jame ihei te tirognadi nogna naikno Lord re naikno tuana ginauna au papara fara!

Nodi Khoje Hatimare Mae Jiu 34:21 ပူးပေါင်းရင်းမြစ်များ

Nodi Khoje Hatimare Mae Jiu 94:23

Mana ginauna paradi naikno te diꞌa puhidire. Uve, Lord mae ihei te noda God tahati na, ginau roꞌe fahuidi eidi nakhibodire.

Fapea Tesalonika 1:9

God ginauna paradi fabrahu naikno tuare. Mana ginauna theome snakredi iheire te theome laseni God nei iheire te theome magnahagheni thofno karha te mala au balugna Lord, nei lisei fadeleidi ka nogna nolaghi te biꞌo.

Profet Isaia 3:11

Nu kokhonidi fara iheire te leghuni puhi te diꞌa na! Lord ginauna tughu fapulo ka mare glepo te diꞌa fateote'o teke edi mare ra.

Proveb 24:16

Neubane thoke mei kmana fata puhi biꞌo ka mae te keli igne, nu mae te keli igne ginauna kegra heta. Nu puhi biꞌo ginauna goigonini mae te diꞌa na.

Nodi Khoje Hatimare Mae Jiu 89:23

Iara ginauna roꞌedi nogna naoka mana re, eghuteuna iara ginauna falehedi iheire te tirodini mana re.

Luku 19:14

“Nu naiknogna namono teke jifla kokoni mana igne ne theome magnahagheni mana. Aonu, mare ne kurudi keha mae ke leghugna mana mala tei cheke eghu, ‘Ghehati theome magnahaghei nigho te mala nomi king ghehati na!’

Fapea Tesalonika 1:6

Eghuteuna God ginauna eni unha te doglo fara. Mana ginauna foli fapulo puhi biꞌo fara ka iheire te ei puhi biꞌo ranghi ghami ghotilo.

Luku 19:27

Eghuteuna, nogu mae naoka iara te theome magnahaghei ghau iara te funei frunidire, hata mei agne mala falelehe ke ulugu iara.’ ”

Nodi Khoje Hatimare Mae Jiu 40:15

Iheire te maꞌe ghau iara igre te keli na iagho tapla faparidi kolho ka magra te eni mare igne mala jaglo nodi kolho mare.

Ululahu Samuel 31:4

Aonu mae Sol ne cheke eghu ka mae majaghani te pala nogna glepo mala magra mana re, “Iagho atha nou naflahi mala magra na mala aknu falehe ghaula iara. Theome keli te au teu iara agne te mei mae bongihehedi Filistia igre te mei maꞌe ghau nei falehe ghau teu iara na.” Nu mae majaghani igne ne thono mhaghu nogna fara, ne theome leghuni unha te chekeni mana na. Aonu mae Sol ne korho fajifla nogna naflahi mala magra thegna na ne uka soru ke kligna gna ne lehe.

Jone 7:7

Naiknogna nauthoglu igne mare na theome diꞌa tadi ka ghotilo. Nu ka iara na mare diꞌa tadi fara, naugna iara ne cheke thakledi u puhidi mare te diꞌare.

Ululahu Kings 22:37

Aonu King Ehab ne lehe, mare hata thinigna mana na neke pulo Samaria, neke giugiluni mana jare.

Ululahu Kings 22:8

Aonu King Ehab ne cheke eghu, “Uve, kaisei nogna profet Lord na au agne, nanghagna na mae Maekaea, thugna mae Imla. Tapa tangomana te ghusnani mana te mala nomhini gaoghathogna Lord na. Nu iara tiroguni mae igne eigna leuleghu fata na mana theome chekeni kaisei glepo te keli ka iara, nu nonomho diꞌa eigu iara kolho!” Mae Jehosafat ne cheke eghu ka mana, “Iagho theome tangomana te cheke jateula tuana teuna. Fanomho sagho ka unha te chekeni mana na!”

Eksodas 20:7

“Thosei cheke faparini nanghagu iara na. Iara nomi Lord nei God eghu ghotilo. Tutuani, iara ginau na paradi naikno te cheke faparini nanghagu iara na.

Eksodas 12:46

“Naiknore mala ima lamna suga ka suga teke tarabana ghotilo na. Thosei snakreni kaisei naikno mala atha gano tei ima kosi. Eghuteuna ghotilo mala jaola mala thosei lolhopa kaisei nhubra ka sipu te falelehe ghotilo re.

Nodi Khoje Hatimare Mae Jiu 20:8

Nu nafnata naikno te rouronu ka chariot nei jata teu te magra igre ginauna tothokei mala uka pari. Nu tahati ginauna kegra heta fabrahu tifa tifa.