Nodi Khoje Hatimare Mae Jiu 34:19 - Buka Blahi Ka Cheke Holo

¹⁹ Kmana glepo te diꞌa thoke mei ka nogna naikno Lord re, nu Lord na toghodi mala theome tangomana glepo te diꞌa igre te tapla sorudire.

Nodi Khoje Hatimare Mae Jiu 34:19 ပူးပေါင်းရင်းမြစ်များ

Nodi Khoje Hatimare Mae Jiu 34:17

Kate tarai nogna naiknore mala toghodi teuna, Lord ginau na toghodi nei hata fajifladi eghu ka hoholo.

Fapea Korin 4:17

Ghehati au papara katha vido te kmoꞌei kolho gognaro na, nu hoholo igne mala togho ghami mala hatani u nakarha te keli te theo ka huigna na ka God kligna! Nakarha igne ke uluni hoholo tuana.

Jone 16:33

“Iara chekedi glepo igre ka ghotilo mala au ghotilo ka pharikeli balugu iara. Tutuani fara, kate au teu ghotilo ka nauthoglu igne naiknore ginauna para ghami fara ghotilo. Nu thosei mhaghu ghotilo eghu, naugna iara la tapla sorunihi mae funei te batu fadiꞌadi naiknore te edi fabrahu puhi te diꞌa igre.”

Nodi Khoje Hatimare Mae Jiu 34:6

Iara gne theo ihei nga te kokhoni ghau na, nu kate tore iara na, Lord nomhi ghau iara ne togho ghau iara ne atha fadeleidi puhigu iara re.

Nodi Khoje Hatimare Mae Jiu 34:4

Iara neke toreni Lord mala togho ghau, eghuteuna mana ne nomhi ghau iara ne cheke tughuni nogu tharai iara na. Mana ne atha fadeleidi ne gnafa namhagu teke au teku ka thi'agu iara na.

Proveb 24:16

Neubane thoke mei kmana fata puhi biꞌo ka mae te keli igne, nu mae te keli igne ginauna kegra heta. Nu puhi biꞌo ginauna goigonini mae te diꞌa na.

Thoutonu Eigna Mae Job 5:19

God ginauna fakarhi nigho ka puhi biꞌo. Neubane thoke nigho kmana glepo te diꞌa, mana ginauna reireghi fakeli nigho.

Nodi Khoje Hatimare Mae Jiu 71:20

Iagho hata mei puhi biꞌo igre ka iara mala papara iara neku, nu te laseni iara na, iagho nake faheta fapulo ghau iara, eghuteuna iagho theome tangomana te snakre lao ghau iara ka glehe na.

Thoutonu Eigna Mae Job 42:12

Aonu Lord ne fablahini mae Job eigna fapea vido ka nakarhagna mae Job, salaꞌuni vido ulu lahu ka nakarhagna mana na. Eghume gognarona mana au nabotho fati thogha sipu, eghuteuna namno thogha kamel, eghuteuna phei thogha buluka, eghuteuna kaisei thogha dongki.

Mae Khuru 14:22

Phiamare ne toutonu ranghidi naikno khiloaudi thilo namono tuare mala rhetau nodi fatutuani na. Mae Pol ghe mae Banabas ne cheke eghu, “Ghotilo hetau ngala nomi fatutuani na ka mae Jisas. Naugna tahati naikno te leghuni mae Jisas gre mala ruma ke lamnadi thuagna naꞌau papara gre ame tangomana nga tahati te hatini u thofno karha te funei frunini God na eghu.”

Nodi Khoje Hatimare Mae Jiu 51:19

Eghuteuna iagho ginauna keli tamu fara ka buluka te gahu ghehati ka khaꞌaghi te fafara ari ka iagho na. Uve, ghehati ginauna na gahu buluka nalhaꞌudi ke kligna olta mala fafara ari ka iagho, naugna iagho ne togho ghami ghehati.

Nodi Khoje Hatimare Mae Jiu 147:3

Iheire teke au diꞌanagnafa ra kela glealeꞌa fapulo, eghuteuna iheire teke kabru ra kela gaota fapulo.

Profet Isaia 55:6

Ghotilo figri ka Lord! Mana gognarona au balumi ghotilo, eghume ghotilo tarai ka mana.

Profet Isaia 57:15

Lord mae ihei te haghe nei blahi fara, nei karha fabrahu te tifa te tifa igne, mana ne cheke eghu, “Iara au ka vido te haghe nei blahi, nu iara jaola au baludi naikno te nhaꞌa faparidi thedi nei au diꞌanagnafa fara eidi nakhibodi re teu igre, eghuteuna iara tusu lao ranghidi nakarha majaghani.