Nodi Khoje Hatimare Mae Jiu 33:9 - Buka Blahi Ka Cheke Holo

⁹ Naugna kate cheke na, mana neke vuavuhani nauthoglu gne. Ka chekegna mana na, gobigna lepore neke thakle mei.

Nodi Khoje Hatimare Mae Jiu 33:9 ပူးပေါင်းရင်းမြစ်များ

Jenesis 1:3

Aonu God ne cheke eghu, “Iara na cheke ranghini naphae na mala phae!” Aonu la meila naphae na.

Nodi Khoje Hatimare Mae Jiu 33:6

Gobigna lepo ka maloa na are neke vuavuha ka chekegna Lord kolho. Naprai nei glaba nei nathunu teu are neke jifla mei ka chekegna mana.

Thakle 4:11

“Nomi Lord God, iagho neke vuavuhadi gobigna lepo ka nauthoglu igne, eghuteuna tusu lao karha tadi. Naugna igne unha teke magnahaghei eni iagho na. Eghume nabami ghehati te koje te mala pala hagheni nanghamu na nei kilo fnakno nigho nei cheke fakeli nigho eigna nou nolaghi te biꞌo.”

Hibru 11:3

Tahati fatutuani ni God. Eghume tahati laseni God tifa na neke hohoro u nauthoglu te filoni tahati igne ka chekegna. Mana hohoro gobigna lepo te filodi tahati igre ka unha te theome filodi tahati.

Hibru 1:3

Mae Thugna na ne fathakleni u siasigla gna God. Eghuteuna mana ngala te thofno hata puhigna God na. Mana ne loku fodu gobigna lepore kau chekegna te nolaghi. Ke leghugna te hata fadelei mana u nakhibodi naiknore, mana ne gnokro soru kau sape nafnakno kligna ka khame nhetagna God mae ihei te nolaghi fara.

Nodi Khoje Hatimare Mae Jiu 93:5

Lord God, nou vetula iagho re ginauna kegra fabrahu. Eghuteuna, nou Sugablahi iagho na thono blahi fara, nei ginauna na au fabrahu tifa tifa.

Jenesis 1:1

Tifa na neke theo kaisei glepo te au na, aonu God neke vuavuhadi maloa ghe nauthoglu nei gobigna lepo fateo te au ke lamnadi.

Lamentations 3:37

Ba, ihei tangomana te eni kaisei glepo jame te theome snakreni Lord na? Thono theo fara!