Nodi Khoje Hatimare Mae Jiu 33:2 - Buka Blahi Ka Cheke Holo

² Ghotilo koje ka gita mala cheke fakelini nanghagna Lord.

Nodi Khoje Hatimare Mae Jiu 33:2 ပူးပေါင်းရင်းမြစ်များ

Nodi Khoje Hatimare Mae Jiu 144:9

God, iara ginauna na kojeni kaisei khoje majaghani ka iagho. Uve, iara na atha gita mala koje ka iagho.

Eksodas 15:20

Profet Miriam, gregagna mae Eron gne ne atha nogna tamborin na ne baubatudi keha gaꞌasere ne koje balu ragi.

Thakle 14:2

Eghuteuna iara ne nomhini kaisei naogla gna kligna. U naogla igne jateula te oa'ongha galo ka thongna ba poha fila ka maloa eghu. Naogla te nomhini iara igne jateula naikno kmana te lalahu ka gitara eghu.

Thakle 5:8

Eghuteuna kate hata mae Lam pepa na, fati glepo te karha gre baludi hatimare varadaki fati mae biꞌo ka khiloaure mare ne pogho soru ke ulugna mae Lam ne kilo fnaknoni mana. Mare te gnafa na kafe hata gita biꞌo mala koje nei dis teke hohoro ka gol te fodu ka insens. Dis igre nodi tharai iheire te fatutuani ni God re.

Ululahu Kronikols 25:6

Mae igre loku ke parigna mae Heman, eghuteuna mare belo nei lalahu thua nafnata gita ka narane te tarai mare ka God ka nogna Sugablahi Lord na. Thilo mae igre loku ke parigna king: Mae Asaf, mae Heman nei mae Jedutun.

Ululahu Kronikols 25:3

Namno thugna nalhaꞌu mae Jedutun te au ka fapea tothoghei na igre: Mae Gedalaea, mae Seri, mae Jesaea, mae Simei, mae Hasabaea, nei mae Matitaea. Mae igre loku ke parigna mae Jedutun, eghuteuna mare lalahu gita, ragi nei koje mala cheke fakelini Lord nei tegioni mana.

Ululahu Kronikols 15:28

Aonu naiknodi Israel te gnafa igre hata ne haghe Jerusalem nogna Bokis Nhaꞌa Cheke Lord na, mare ne eha fabiꞌo ne glealeꞌa fara. Eghuteuna mare kufli nei lalahu babuban nei lalahu thua nafnata gita.

Ululahu Kronikols 15:16

Eghuteuna mae Devet ne cheke ka mae funeidi mae Livaet igre mala vavahi keha mae mala koje ka gita, ka babuban, ka khodili nei ka sesele, fagaglanagna nodi glealeꞌa na kate pala te mei mare Bokis Blahi igne.

Fapea Samuel 6:5

Aonu mae Devet nei kmana naiknodi Israel eghu ne ragi balu koje mala kilo fnaknoni nanghagna Lord. Mare lalahu gita, tamborin, belo nei sesele.

Nodi Khoje Hatimare Mae Jiu 149:3

Tahati ragi balu kilo fnaknoni nanghagna mana na, tahati belo balu gita mala kilo fnaknoni mana.

Nodi Khoje Hatimare Mae Jiu 71:22

Nogu God, iara ginauna cheke fakeli nigho balu gita. Uve, iara ginauna cheke fakeli nigho, naugna iagho ne tathaji fabrahu nou nhaꞌa cheke na. Iagho nomi God ghehati naiknomi Israel, nei iagho thono blahi fara, eghuteuna iara ginauna lalahu gita mala koje kilo fnakno nigho.

Nodi Khoje Hatimare Mae Jiu 92:4

Lord God, nou gloku iagho re thofno biꞌo fara. Uve, iara koje kilo fnakno nigho eidi glepo te edi iagho ranghi ghau iara ra.