Nodi Khoje Hatimare Mae Jiu 33:16 - Buka Blahi Ka Cheke Holo

¹⁶ Theo kaisei armi biꞌo ba kaisei mae soldia te nheta fara te mala tapla sorudi nogna naokare ka nogna nanheta thegna te mala fakarhini nodi mae king na.

Nodi Khoje Hatimare Mae Jiu 33:16 ပူးပေါင်းရင်းမြစ်များ

Nodi Khoje Hatimare Mae Jiu 44:3

Nou naikno iagho igre neke theome atha namono igne ka magra, ba ka nodi nolaghi thedi. Theo. Mare neke atha vido igne ka nou nolaghi nei ka khamemu eghu iagho, naugna iagho magnahaghedi mare te lase nigho te au teu baludi na. Ka puhi igne iagho falalase ranghidi iagho te namhadi fara nou naiknore.

Profet Jeremaea 9:23

Lord ne cheke eghu, “Ihei te lalase na thosei fahaehagheni nogna glalase na. Eghuteuna ihei te nheta na thosei fahaehagheni nogna nanheta na. Eghuteuna ihei te dedei na thosei fahaehagheni nogna dedei na.

Fapea Kronikols 20:23

naugna soldia di Amon nei soldia di Moab teu igre ne magra ka soldia di Idom, eghuteuna mare aknu falehe ne hui soldiadi Idom. Aonu soldia di Amon nei Moab teu igre neke magra farithedi ne falehedi thedi.

Eksodas 14:28

Ka teke pulo mei thongna na, nogna soldia mae king gna Ijep teke tei ke leghudi mae Israel ra ne thafru ka thongna balu nodi chariot nei hose neu ne kafe lehe ne hui, theo kaisei te karha na.

Fapea Kronikols 32:21

Aonu, Lord ne kuruni kaisei engel mala aknu falehedi soldia te gnafa nei mae komanda di Asiria te au falithuini Jerusalem. Aonu king gna Asiria gne neke figri ka nogna kantri na, eghuteuna mana ne mamaja nogna fara ka tathadi nogna naiknore. Ke leghu, kate tei mana ka Sugablahi nogna god na, phei thugna mana re hata naflahi ne aknu faleheni mana.

Fapea Kronikols 20:12

Nomi God, paradi sagho mare. Ghehati theome nheta te mala magra ka armi biꞌo te mei magra ka ghehati igne. Ghehati theome laseni unha nate eni na, nu ghehati filo ari ka iagho kolho te mala togho ghami na.”

Ululahu Samuel 17:4

Aonu mae Golia, kaisei mae nhetagna Gat au ka armi gna Filistia igne. Mana jifla mei ka vido te au mare na ne mei kegra pari ka glogu na. Mae nheta igne thogra thilo mita brahugna na.

Josua 14:12

Eghume, iagho snakre mei ka iara thogele teke chekeni Lord ka narane teke toutonudi iara unha teke filodi ka phei tathagure. Iagho nomhinihi unha teke chekeni iara ia, jame maedi Anak te nheta fara nei mae brahu eghu te au ka namono biꞌo te bara te maku na. Nu jame te au teu Lord balugu iara na, iara tangomana te tei brue fajifladi mae igre jateula teke chekeni Lord igne eghu.”

Ululahu Kings 20:10

Aonu, King Ben-Hadad neke fatei cheke igre ka King Ehab, “Iara ginauna kuru ari kmana soldia mala ari roꞌeni Samaria. Eghuteuna mare ginauna na paꞌe soru nomi suga ghotilo are ghilei vuhai chara kolho. Jame te theome eni iara igne na, nogu god iara igre ginauna falehe ghau iara.”

Jajis 7:4

Lord neke cheke eghu ka Gidion, “Mae igre kmana fara! Hatadi soru ka glokha khoꞌu gno mala fariuriudi iara. Jame cheke eghu iara ka iagho, ‘Mae igne theome naba,’ mana ginauna theome tangomana te tei na. Nu jame iara cheke eghu, ‘Mae igne nabagna,’ mana ginauna tei mala magra.”

Ululahu Samuel 2:9

Mana reireghi fakelidi iheire te ghatho tahuni mana re, nu mae te diꞌa re, mala snivi fabrahu kate romno. “Theo kaisei naikno tangomana te uluni Lord ka nogna nolaghi thegna na.

Ululahu Kings 20:15

Aonu King Ehab ne kafe kilo meidi hatimare mae soldia te gnafa te au ke paridi hatimare mae komanda ka Provins. Mae soldia igre thokeni phei gobi tolufulu phei. Eghuteuna mana jaola ne kilo meidi keha soldia di Israel, eghuteuna mare te gnafa na thokeni fitu thogha. Eghuteuna ne kaikaliti mala magra.

Fapea Kronikols 13:8

“Eghuteuna gognarona, ghotilo mei balu gaoghatho te mala magrini tharaknagna king mae ihei Lord teke vahini mare te mala king, mana tharaknagna King Devet. Nomi soldia ghotilo gre thono kmana, eghuteuna ghotilo pala mei balumi mumuju god teke eni mae Jeroboam ka gol.

Thoutonu Eigna Mae Job 36:7

God na theome filo kokodi iheire te doglo, eghuteuna mana fagnokro haghedi ka sape funei, eghuteuna fafnaknodi fabrahu.

Thoutonu Eigna Mae Job 39:11

Neuba ne nheta fara naꞌa, iagho theome tangomana te ronuni naꞌa thegna te mala edi nou gloku iagho re.

Nodi Khoje Hatimare Mae Jiu 20:8

Nu nafnata naikno te rouronu ka chariot nei jata teu te magra igre ginauna tothokei mala uka pari. Nu tahati ginauna kegra heta fabrahu tifa tifa.

Eklesiasti 9:11

Keha glepo te filoni iara ka nauthoglu na igne, keha fata mae te lase chari na theome uluni fangenghele na, keha fata mae te nheta na theome uluni magra na, keha fata mae te lalase na theome autagna nakarha te keli na, keha fata mae te ghaoghatho fakeli na theome dedei, keha fata mae te lalase fara na theome fnakno nanghagna na, naugna glepo te diꞌa na kafe thoke ghita hui.

Profet Jeremaea 48:14

“Ghotilo naiknomi Moab! Naugna unha site cheke eghu ghotilo gnea, ‘Ghehati mae nheta mala magra, ghehati mae soldia theome tangomana te mhaghu na’?

Profet Hosia 10:13

Nu ghotilo joꞌu fabrahu puhi te diꞌa na. Naugna igne sisi te diꞌa na ure ka nagnafami ghotilore. Eghuteuna ghotilo boho kolho ka nomi cheke themi te chaichaghire. Kate filodi te kmana nomi soldia re, ghotilo rouronu ka nomi nolaghi themi.

Profet Emos 2:14

Ka narane igne, mae te lase chari ra, ginauna theome tangomana te rikha na. Mae te nhetara ginauna nigra theome tangomana te fakarhidi thedi na.

Profet Emos 2:15

Mae soldia te lase magra ka phaloho nei jata teura ginauna theome tangomana te kegra heta ka magra na. Mae te lase chari ra ginauna theome tangomana te rikha na. Eghuteuna mae te lase magra ka hose ra ginauna jaola theome tangomana te rikha na. Theo. Mae naokare ginauna faleheni mana.