Nodi Khoje Hatimare Mae Jiu 33:15 - Buka Blahi Ka Cheke Holo

¹⁵ Mana neke vuavuhani u gaoghathogna naikno na, eghume mana tangomana te filo suplidi u puhi te edi naiknore.

Nodi Khoje Hatimare Mae Jiu 33:15 ပူးပေါင်းရင်းမြစ်များ

Profet Jeremaea 32:19

Iagho edi glepo te biꞌo igre ka nou nolaghi te biꞌo. Leuleghu fata na iagho filo glanidi puhidi naiknore, eghuteuna iagho ke tughu fapulo ka mare unha teke eni mare na.

Nodi Khoje Hatimare Mae Jiu 44:21

tutuani fara, iagho laseni ngala glepo igne, naugna iagho lasedi gaoghatho te poru teu ka ghehati gre.

Profet Hosia 7:2

Nu mae igre theome laseni te filodi iara unha te edi teu mae igre. Naugna unha glepo te diꞌa te edi mare igre toku tafru tathadire.”

Ululahu Korin 4:5

Eghume thosei fate naikno nu ofou ghilei thoke mei Lord. Mana ginauna hata fajifla kate phae glepo te diꞌa fara te poru teu kate romno na, eghuteuna mana ginauna fakakhana glepo teke poru ka nagnafadi naiknore. God ginauna jaola fafnaknodi gnafa naikno te leghuni nodi puhi te kelire.

Mae Khuru 17:26

Vike te gnafa te au ka nauthoglu thongana igne neke fufunu mei ka kaisei mae ngala eghuteuna God tusu ranghidi soasopaigna nodi vido glose te mala au na ke lamnagna u nauthoglu igne. Mana la kulu lilisei naranedihi te mala karha ba te mala lehe na, ba ka vido glose aheva te mala thuru sorudire.

Profet Isaia 64:8

Nu Lord, iagho kmami ghehati. Ghehati jateula glose eghu, eghuteuna iagho jateula mae ihei te hohoro suspen ka glose ra eghu. Iagho neke vuavuha ghami ghehati hui ka khamemu iagho.

Eklesiasti 7:29

Igne ngala unha te laseni iara na, God neke toghodi naiknore mala doglo, nu tahati leghudi kolho thua nafnata puhi te diꞌa re.

Proveb 27:19

Kate filo soru ka khoꞌu na, ginauna filoni naungo gna na. Eghuteuna kate filo suplini puhigna, mana ginauna laseni unha nafnata naikno mae igne.

Proveb 24:12

Iagho thosei cheke eghu, “Iara theome laseni glepo tuana!” God na laseni thiꞌamu iagho na. Naugna mana te reireghini nakarhagna naikno na. Mana ginauna foli fapulo ka naikno te gnafare leghuni unha teke eni mare na.

Proveb 22:2

Neubane mae dedei ba ne mae kuma, phiamare kaisei nanabau kolho. Lord neke vuavuhadi phiamare gnafa.

Thoutonu Eigna Mae Job 11:11

Mana lasedi iheire te diꞌa fara re, eghuteuna mana lasedi glepo te diꞌa te edi mare re.

Thoutonu Eigna Mae Job 10:8

“Iagho neke vuavuha ghau iara. Jau gognarona iagho themula na teke goigoni ghau iara na.

Profet Jeremaea 16:17

Iara ginauna eni igne, naugna iara filodi gobigna lepo te edi ghotilora. Puhi te diꞌa igre ghotilo theome tangomana te pophoru ka tathagu iara na, naugna leuleghu fata na iara filodi nakhibomi ghotilore.