Nodi Khoje Hatimare Mae Jiu 33:12 - Buka Blahi Ka Cheke Holo12 Keli tadi fara naiknodi kantri te nodi Lord na God ngala teu igre. Keli tadi fara naikno teke vavahi mana te mala atha unha teke nhaꞌa cheke ranghidi mana re. အခန်းကိုကြည့်ပါ။ |
Nu ghotilo naikno vavahi. Tutuani fara, God neke vahi ghami ghotilo mala nogna vike mana. Ghotilo nogna pris mae King, eghuteuna ghotilo nogna naikno blahi mana. Ghotilo thofno nogna naikno God thegna, neke vahi ghami mala toutonu ranghidi glepo te keli teke edi mana re. Mana neke kilo ghami ghotilo mala jifla mei ka vido te romno na mala ruma lamna nogna famane naphae na.
Gognarona ghotilo Israel glealeꞌa fara. Theo kaisei naikno te jateula ghotilo te fakarhi ghamihi Lord teu igre. Lord na jateula nomi greoreo eghu ghotilo mala theome tangomana nodi jata nomi naoka ghotilo are te fadi ghami ghotilo na. Eghuteuna mana jateula nomi famane naflahi eghu ghotilo mala uludi ghotilo naokare. Naoka igre ginauna mei mhaghu fififri balu tanhi ke ulumi ghotilo, nu ghotilo ginauna tapla ke klignadi nei goigonidi eghu mare.”
Eghuteuna mana ne cheke eghu ka Lord, “Lord, jame te thofno keli tamu fara iagho ka iara na, iagho mei balumi ghehati. Tutuani fara, naikno gre patu gama fara, nu iara tore nigho iagho mala atha koko gnafa puhimi te diꞌa nei nakhibomi teu ghehati gre, eghuteuna ke atha fapulo ghami jateula nou naikno themu eghu.”
Nomi namono ghehati igne kaisei namono ulu fara ka kantri Israel. Ghehati naikno gna namono igne, ghehati magnahaghei te au ka pharikeli, eghuteuna ghehati ghatho tahuni fabrahu noda Lord. Nu gognarona iagho magnahaghei te mei roꞌeni namono igne. Naugna unha sagho te magnahaghei goigonidi nogna glepo Lord igrea?”