Nodi Khoje Hatimare Mae Jiu 33:11 - Buka Blahi Ka Cheke Holo

¹¹ Nu unha te vaovatoni mana na ginauna kegra maku fabrahu. Gaoghathogna mana re theome tangomana te tughu na.

Nodi Khoje Hatimare Mae Jiu 33:11 ပူးပေါင်းရင်းမြစ်များ

Proveb 19:21

Naiknore tangomana te gaoghatho te mala edi kmana nafnata glepo. Nu glepo te ghathoni Lord mala eni teu igne ngala nate kegra na.

Profet Isaia 46:10

Funu tifa te mei na, iara neke chekedi unha nate thoke mei na. Funu tifa na iara neke chekenihi unha nate thoke mei ke leghu na. Uve, nogu gaoghatho iara na ginauna thoke mei tutuani, eghuteuna iara ginauna edi unha glepo te magnahaghedi iara re.

Thoutonu Eigna Mae Job 23:13

“Mana theome tangomana teke tughu na, eghuteuna theo kaisei naikno tangomana teke tughu gaoghathogna mana na. Eghuteuna theo kaisei naikno tangomana te lhotini ka mana unha te magnahaghei eni mana na.

Profet Jeremaea 29:11

Iara Lord, iara ghathonihi unha te magnahaghei eni iara te mala togho ghami ghotilo na. Iara magnahaghei ghami ghotilo te au fakeli fabrahu mala theo kaisei puhi biꞌo nate thoke ghami ghotilo na. Iara magnahaghei ghami ghotilo te fatutuani ghau iara ghilei thoke mei narane te vahini iara na.

Lamentations 3:37

Ba, ihei tangomana te eni kaisei glepo jame te theome snakreni Lord na? Thono theo fara!

Profet Isaia 14:24

Lord mae ihei te au nolaghi fateote'o igne ne eni kaisei nhaꞌa cheke, ne cheke eghu, “Glepo teke ghathoni iara igne ginauna thoke mei tutuani fara!

Profet Isaia 14:27

Lord mae ihei te au nolaghi fateote'o igne la ghathonihi unha te mala eni na, theo kaisei naikno nate fanograni mana na. Eghuteuna kate ngafa haghe mana khamegna na te mala paradi naiknore, theo kaisei naikno jaola nate fanograni mana na.

Profet Daniel 4:37

Iara mae Nebukadnesa, iara gognarona cheke fakelini God mae king gna kligna. Gobigna lepo fateote'o te edi Mana igre thofno keli fara nei doglo eghu. Eghuteuna Mana tangomana te nhaꞌa faparini ihei te magnahaghei nhaꞌa hagheni thegna kligna lahu na.”

Efesus 1:11

Gobigna lepo igre God neke edi leghuni nogna gaoghatho nei glalase teu thegna na. Mana ne leghuni nogna gaoghatho thegna na neke vahi ghita tifa mala nogna naikno Kraes.

Nodi Khoje Hatimare Mae Jiu 92:5

Lord God, nou gloku iagho re thofno biꞌo fara, nei gaoghathomu iagho re jaola theome tangomana ghehati te lasedire.

Profet Maeka 4:12

Nu mae igre theome laseni gaoghathogna Lord. Tutuani, naiknodi kantri igre theome laseni Lord te kilodi mare te mala khapru mei ka vido igne, eghuteuna Lord ginauna thofno goigonidi fara mare. Lord ginauna na jateula mae te bubukrei sisi wit te mala mei buluka te tapla ke kligna te mala fagagae khune ra eghu.

Fapea Kings 19:25

“ ‘King Senakerib! Ba? Iagho theome laseni ngau? Iara Lord neke ghathoni igne funu tifa, mala edi iagho glepo igre, eghuteuna gognarona iara na eni igne mala thoke mei. Iara neke tusu ari nolaghi ka iagho mala goigonidi namono biꞌo te bara ligoho ka thina igre, mala vuhai bukrei thina kolho.

Eklesiasti 3:14

Te laseni iara na, gobigna lepo te edi God re ginauna au fabrahu na theome gnafa. Theo kaisei naikno na teke nhaꞌa lao kaisei glepo tagna na, eghuteuna theo kaisei naikno na teke hata koko kaisei glepo tagna na. Gobigna lepo te edi God re thofno doglo fara, mala ghatho tahuni tahati.