Nodi Khoje Hatimare Mae Jiu 32:9 - Buka Blahi Ka Cheke Holo

⁹ Iagho thosei jateula hose ghe dongki eghu, eigna phei glepo igre theo kaisei glalase tadi. Eghume tahati mala lilisei phukri ka foflodire mala bligi te sagheleghudire. Te theome eghu tahati na, repa na theome leghuni unha te magnahaghei tahati na.”

Nodi Khoje Hatimare Mae Jiu 32:9 ပူးပေါင်းရင်းမြစ်များ

Proveb 26:3

Hata khodo nei phukri eghu te mala saghe leghuni hose na, eghuteuna hata khodo te mala puphuri ka thagrugna mae te fameomekro na.

Profet Jeremaea 4:22

Lord ne cheke eghu, “Nogu naikno iara igre theome au tadi kaisei gaoghatho te keli. Mare jateula sua te theome lalase nei fagoigoli tafri teura eghu theome lase ghau iara. Mare laseni kolho te mala eni puhi te diꞌa na, nu mare theome tangomana te eni unha puhi te keli na.”

Thoutonu Eigna Mae Job 35:11

Neuba God ne vuavuha naikno mala lalase salaꞌudi nanghaji ka maloa gne neu, naiknore theome figri tei ka mana mala toghodi.

Jemes 3:3

Jaola ghathoni igne. Mare haru kaisei phukri ka gaju ikoi te lilisei ka foflogna hose na. Mare eni igne mala tangomana te batuni hose biꞌo na mala tei ka vido aheva te magnahaghei tei mare na.

Profet Jeremaea 31:18

“Iara nomhidihi nodi diꞌanagnafa nei natanhi teu vikegna mae Efrem ra. Mare tanhi ne cheke eghu, ‘Lord, ghehati gne jateula sua buluka mata te theome au snoto ra eghu. Nu iagho para ghami mala leghu nigho. Iagho Lord, nomi God ghehati, atha fapulo ghami ka iagho.

Thoutonu Eigna Mae Job 30:11

God faglaꞌe ghau iara nei para ghau iara, eghume mare eni kolho unha glepo te mala nenei ghau iara na.

Thoutonu Eigna Mae Job 41:13

Theome tangomana kaisei naikno te ligi koko guligna na. Uve, theome tangomana kaisei naikno te vahe guligna te jateula aean teuna.