Nodi Khoje Hatimare Mae Jiu 32:7 - Buka Blahi Ka Cheke Holo

⁷ Iagho nogu vido keli mala poru iara, iagho pophoru ghau iara mala theome tangomana kaisei puhi te thoke ghau iara na. Iara na koje fabiꞌo eigna nou nolaghi iagho te fakarhi ghau iara, eigna iagho ne pophoru ghau nei reireghi ghau neu iara.

Nodi Khoje Hatimare Mae Jiu 32:7 ပူးပေါင်းရင်းမြစ်များ

Nodi Khoje Hatimare Mae Jiu 91:1

God na fnakno kligna lahu nei au nolaghi biꞌo eghu. Naikno te rouronuni Lord te mala reireghi fakelidire na cheke eghu, “Iagho nogu God iara, eghume iara rouronu nigho. Iagho mala reireghi ghau nei baubatu ghau eghu iara.”

Nodi Khoje Hatimare Mae Jiu 119:114

Kaisei iagho ngala nogu vido te keli te mala poru iara na. Eigna iara thofno fatutuanidi nou cheke iagho te tutuani re.

Nodi Khoje Hatimare Mae Jiu 27:5

Kate thoke mei puhi biꞌo ka iara na, mana ginauna pophoru ghau iara ka nogna suga na. Mana ginauna bobotho grengatha na mala pophoru fakeli ghau iara mala jateula te au teu iara ka phaꞌu thina biꞌo kligna ra eghu mala theome tangomana nogu naoka iara gre te mei te mala roꞌe ghau iara na.

Nodi Khoje Hatimare Mae Jiu 9:9

Lord iagho jateula suga te maku ia eghu. Naikno te au papara ka nodi naokare, mare tangomana te tei au jare na. Kate au diꞌanagnafa na mare tangomana te tei poru jare na.

Nodi Khoje Hatimare Mae Jiu 31:20

Iagho pophorudi ka vido aheva te au teu themu na, nei reireghi fakelidi ka vido aheva te theome tangomana mae iheire te magnahaghei cheke fadiꞌani nei falehedi teu mare re.

Nodi Khoje Hatimare Mae Jiu 143:9

Lord God, iara mei ka iagho mala reireghi fakeli ghau. Fakarhi ghau iara sagho ka khamedi nogu naoka gre.

Nodi Khoje Hatimare Mae Jiu 98:1

Tahati kojeni kaisei khoje majaghani mala koje kilo fnaknoni Lord, naugna mana edi glepo te biꞌo. Mana la uludihi nogna naokare kau magra. Uve, mana ulu ka nogna nolaghi te blahi nei nheta fara.

Nodi Khoje Hatimare Mae Jiu 40:3

Mana neke farirhiu ghau iara kaisei khoje majaghani mala koje kilofnaknoni ngala God. Kate filoni igne ka iara na kmana naikno ginauna pala hagheni nei fatutuani ni eghu nanghagna Lord.

Thakle 7:10

Aonu mare ne eha eghu fabiꞌo, “Noda God te gnokro teu ka nogna sape nafnakno mae King na balugna Lam, phiamare mala fakarha ghita.”

Fapea Samuel 22:1

Mae Devet ne koje kaisei khoje mala cheke fakelini Lord ke leghugna Lord te fakarhini mana ka nogna naoka re, tulao ka mae king Sol. Igre chekedi nogna khoje mae Devet re:

Nodi Khoje Hatimare Mae Jiu 32:10

Naikno te diꞌare ginauna au papara fara ka nakarhadire, nu naikno te rouronu kolho ka Lord re, Lord ginauna na kokhonidi reireghi fakelidi.

Kolose 3:3

Eigna ghotilo jateu tela lehehi eghu, eghuteuna thofno nakarhami ghotilo na poru ka mae Kraes, mae ihei te au balugna God Mama.

Nodi Khoje Hatimare Mae Jiu 5:12

Lord, iagho fablahidi naikno te leghudi nou chekere. Iagho na jateula greoreo eghu mala reireghi fakelidi naiknore.

Profet Jeremaea 36:26

Aonu mae king ne kuruni Jeramel thugna mana na, mae Seraea thugna mae Asriel, nei mae Selemaea thugna mae Abdel teu igre mala tei lokidi mae profet Jeremaea ghe mae Baruk. Nu mare ne theome filodi mae Jeremaea ghe mae Baruk, naugna Lord ne pophorudi phei mare.

Nodi Khoje Hatimare Mae Jiu 18:5

U glehe na loku famaku ghau iara jateula phighoro eghu mala hata tei ghau iara kau gluma.

Jajis 5:1

Ka narane tuana Debora ghe Barak, repa ne eni kaisei khoje. Khoje igne cheke eghu,