Nodi Khoje Hatimare Mae Jiu 32:5 - Buka Blahi Ka Cheke Holo

⁵ Nu, Lord, u gaoghathogu na iara magnahaghei te cheke thakledi nakhibogure ka iagho. Eghume, iara neke eni tuana. Ke leghugna te cheke thakledi iara nakhibogure ka iagho na, iara neke theome porudi nakhibogure. Kate cheke thakledi te hui iara re, iagho hata kokodi najafragu nei nakhibogu teu iara re.

Nodi Khoje Hatimare Mae Jiu 32:5 ပူးပေါင်းရင်းမြစ်များ

Proveb 28:13

Jame te pophoru iagho nakhibomure, iagho ginauna na theome au fakeli. Nu jame te cheke thakledi iagho nakhibomure, eghuteuna figri tagrudi iagho nakhibo igre teuna, God ginauna kokhoni nigho iagho.

Fapea Samuel 12:13

Mae Devet nomhini igne ne cheke eghu, “Iara la thofno tapla jafra ke ulugna Lord.” Mae Natan ne cheke eghu ka mana, “Lord ginauna hata fadelei nakhibo teke eni iagho igne. Eghuteuna iagho na theome lehe eigna nakhibo igne.

Nodi Khoje Hatimare Mae Jiu 38:18

Iara cheke thakledi nakhibogu gre ka iagho, nei diꞌanagnafa eidi thua glepo te diꞌa teke edi iara ra.

Profet Isaia 65:24

Neuba mare ne theome kilo mei ka iara, iara kulu nomhidihi mare. Neuba mare ne tarai fabrahu ka iara, iara kulu enihi unha te toreni mare na.

Profet Hosia 6:1

Naiknore na cheke eghu, “Tahati nake figri ka Lord. Eigna mana ne snakre mei ka tahati fogra biꞌo igne mala thoke ghita tahati, nu mana tangomana te fagnafani fogra ka tahati. Mana kolho teke nhaꞌa mei thubu igne, nu mana tangomana na teke fakeli ghita tahati na.

Thoutonu Eigna Mae Job 33:27

Ke leghu na mae igne ginauna koje eghu ka naiknore, ‘Iara tapla jafra ka nakhibo, eghuteuna iara theome edi glepo te doglo re, nu God theome para ghau iara eidi nakhibo igre.

Fapea Samuel 24:10

Nu mae Devet ne mamaja nogna fara ka unha te eni thegna kate kaha tela gnafahi mare naiknore, ne tarai eghu ka Lord, “Unha teke eni iara ia thono fameomekro nei thofno diꞌa fara eghu. Lord, hata fadelei nakhibogu gre.”

Nodi Khoje Hatimare Mae Jiu 103:12

Ke maghati na thono khaba fara theome namo ke mosu. Eghume jateula tuana eghu God koko tei delei nakhiboda tahatire ka vido aheva te khaba fara.

Nodi Khoje Hatimare Mae Jiu 30:5

Mana diꞌatagna katha vido kmoꞌei kolho, nu puhigna mana te keli na au fabrahu ghilei ari gnafa nakarhagna naikno na. Fei grafi na tahati na tanhi nei diꞌanagnafa eghu, eghuteuna fei hamerane na tahati na keli nagnafada nei ke glealeꞌa fapulo eghu.

Efesus 4:32

Nu te keli na ghotilo fathaegoi nei fari namhai. Fari hata fadelei nakhibo jateula God teke hata fadeleidi nakhibomira eghu naugna ghotilo fatutuani ni Kraes.

Luku 7:47

Uve, naikno biꞌo igne au kmana nakhibogna fara. Nu te chekeni iara ka iagho na, iara la hata fadeleihi nakhibognare. Naugna naꞌa ne namha ghau fara iara. Nu ihei te theome kmana nakhibogna te mala hata fadelei iara na, mana theome tangomana te namhadi fara keha naiknore.”

Nodi Khoje Hatimare Mae Jiu 103:3

Mana hata kokodi nakhibogu iara re, eghuteuna fagaota fapulodi khabrugu iara re.

Nodi Khoje Hatimare Mae Jiu 86:15

Nu Lord, iagho ngala God mae ihei te kokhonidi fara, nei namhadi fara teu naiknore. Uve, iagho thofno keli fara, eigna iagho theome ghosei diꞌatamu, nei iagho tangomana te tajini fabrahu nou nhaꞌa cheke na.

Nodi Khoje Hatimare Mae Jiu 86:5

Lord God, iagho thofno keli fara, nei iagho atha kokodi koba nakhibomi ghehatire. Eghuteuna iagho namhadi fara iheire te tarai ari ka iagho re.

Fapea Samuel 12:9

Naugna unha sagho te tirouni fara chekegna Lord gnea? Naugna unha sagho te eni puhi te diꞌa ignea? Eigna iagho neke snakreni mae Uraea ka mae soldia di Amon igre neke faleheni mana neke blau khetogna mana na!

Josua 7:19

Eghuteuna mae Josua ne cheke eghu ka mae Ekan, “Ghema, iagho gognarona kegra ke ulugna God, noda Lord tahati maeda Israel! Iara magnahaghei nigho iagho te cheke thakledi unha teke edi iaghore. Iagho thosei pophoru kaisei glepo ka iara.”

Profet Jeremaea 3:13

Uve, ghotilo nabami te au papara na, naugna ghotilo ne huhughu ghau iara ne eni fabrahu puhi te diꞌa na ne tei tarai koba ka mumuju god ka vido te keli ke pari gaju.

Profet Jeremaea 2:35

Neuba, te chekeni ghotilo na, puhimi ghotilore doglou kolho eghu koba, uve, iara theome diꞌatagu ka ghotilo. Nu iara ginauna na para ghami ghotilo, naugna ghotilo ne cheke chaichaghi koba, eigna iara neke theome eni kaisei najafra.

Profet Jeremaea 2:23

Lord ne cheke eghu, “Naugna unha si ghotilo te chekeni koba ne theome tarai ka god Baal teu gnea? Ghaoghatho fakeli si ghotilo eidi glepo te diꞌa te edi ghotilo jare ka gloha Hinom! Ghotilo jateula kamel gaꞌasegna te hiro kamel nalhaꞌugna teu te tei tafri te theome au snoto ra eghu puhimire.

Proveb 30:20

“Igne puhigna gaꞌase tholaghi te eni puhi te diꞌa na, naꞌa tei thuru balugna kaisei mae ngau, naꞌa na ghamu nei dadalu eghu, aonu naꞌa na cheke eghu, ‘Iara theome eni kaisei najafra.’

Profet Malakai 3:8

“Eghume te chekeni iara ka ghotilo na, ‘Ghotilo blau nogu glepo iara re. Puhi te diꞌa igre theome gnafa ka ghotilo eghu.’ “Thogheiro na ghotilo nake cheke ka iara, ‘Naugna unha sagho te chekeni ne blau ghehati nou glepore teu gnea?’ “Filo si ghotilo, ghotilo chaghi ghau iara, naugna ghotilo ne theome atha ne mei ka iara fabothodi gobigna lepo malagu iara teku ghotilora.

Thoutonu Eigna Mae Job 31:33

Kmana naikno fariuriu pophoru nakhibodi re, nu iara theome tangomana te pophoru nakhibogu re.

Luku 16:15

Mae Jisas ne cheke eghu ka mare, “Ghotilo magnahaghedi naiknore te ghatho tahu ghami themi te doglo ke ulugna God. Nu God na thofno laseni unha te au ka nagnafami ghotilo re. Tutuani, glepo te ulu ka naiknore theo nafudi kolho ka God.”

Profet Jeremaea 31:20

Nu te chekeni iara ka ghotilo gognarona. Efrem gne thofno mae thugu iara, iara thofno namhani nei gleale'ani eghu mana. Kmana fata iara diꞌatagu fara ka mana eidi nakhibogna manare. Nu neuba, leuleghu fata na iara ghathoni mana, naugna iara namhani nei kokhoni noguni eghu mana.

Levitikas 5:5

Jame kaisei mae nabagna te papara eigna kaisei nafnata puhi te diꞌa ka teke edi mana igre, mana cheke fajiflani nakhibo teke eni mana na.

Fapea Samuel 24:17

Kate filoni King Devet engel te goigonidi naiknore igne, mana ne tarai eghu ka Lord, “Lord, iara la thofno tapla jafra ka nakhibo! Naikno igre jateula sipu eghu leghuni nodi mae mala baubatu na kolho. Mare theome eni kaisei glepo te diꞌa. Jame te keli na, iagho para ghau iara nei tharaknagu iara gre eghu kolho.”

Ululahu Kings 8:50

Hata fadelei sagho nakhibodi nou naikno iagho te figri tagru nigho gre. Iagho tusu lao gaoghatho keli ka naokare mala keli ranghidi nou naikno iagho gre.

Fapea Kronikols 6:29

Te eghuna, iagho fanomho ka nodi tharai nou naikno iagho Israel. Lord, iagho ngala te lasedire gaoghathodi mare te gnafa na. Eghume, kate theome doglo gaoghathodire, mare na tarai ari ka Sugablahi igne, eghuteuna mare na ngafa haghe khamedire mala tarai ari ka iagho, neuba iagho ne au neu kligna, iagho fanomho ka nodi tharaire. Hata fadelei nakhibodire. Naugna iagho ngala te laseni nagnafagna naiknogna nauthoglu igne, iagho tangomana te fadoglidi mare leghuni unha teke eni mare na.

Esra 10:11

Gognarona, ghotilo mala cheke thakledi nakhibomire ka Lord, nodi God kuꞌeda tifara. Eghuteuna ghotilo mala leghudi puhi te magnahaghedi mana re. Eghume ghotilo au fadelei ka naikno bongihehe te au ka noda glose tahati gne eghuteuna ghotilo koko gaꞌase bongihehe te tolaghi ghotilo are.”

Nodi Khoje Hatimare Mae Jiu 25:16

Filo kokhoni mei ghau iara sagho. Iara gne theome nheta, nei theo kaisei kheragu te mala togho ghau na.

Nodi Khoje Hatimare Mae Jiu 25:18

Ghatho mei ghau, eigna iara gne au papara fara, nei kokhoni ghau eghu. Hata fadeleidi nakhibogu fateote'o gre.

Nodi Khoje Hatimare Mae Jiu 38:19

Nogu naoka iara gre mare theome fogradi e thono heta ghedi fabrahu. Kmana mae fara te tirodi ghau iara na, nu mare theo nafudi kolho eghu.

Nodi Khoje Hatimare Mae Jiu 51:6

Iagho magnahagheni fara naikno te cheke kate tutuani na. Eghume, iara magnahaghei nigho iagho te fafodu mei gaoghatho te keli ka iara.