Nodi Khoje Hatimare Mae Jiu 32:10 - Buka Blahi Ka Cheke Holo

¹⁰ Naikno te diꞌare ginauna au papara fara ka nakarhadire, nu naikno te rouronu kolho ka Lord re, Lord ginauna na kokhonidi reireghi fakelidi.

Nodi Khoje Hatimare Mae Jiu 32:10 ပူးပေါင်းရင်းမြစ်များ

Proveb 16:20

Mae te fanomho fakeli na, nakarhagna na ginauna keli fara. Mae te rouronu ka Lord na, mana ginauna kelitagna fara.

Proveb 13:21

Puhi biꞌo leghuni naikno te diꞌa na. Nu nakarha te keli na leghuni naikno te doglo na.

Nodi Khoje Hatimare Mae Jiu 146:5

Iheire te fatutuani ni nogna God mae Jekop te mala toghodi na, mare thono keli tadi fara.

Nodi Khoje Hatimare Mae Jiu 34:8

Ghotilo mei ka Lord mala au balugna mana. Ghotilo ginauna filoni mana. Iheire te mei ka mana re ginauna keli tadi fara naugna mare ginauna laseni Lord te reireghidire.

Nodi Khoje Hatimare Mae Jiu 5:12

Lord, iagho fablahidi naikno te leghudi nou chekere. Iagho na jateula greoreo eghu mala reireghi fakelidi naiknore.

Ululahu Timoti 6:10

Magnahaghei sileni biꞌo na u glathigna puhi diꞌa fateote'o. Keha naiknore jifla kokoni khiloau gne naugna mare magnahaghei sileni biꞌo. Nu mare khogla fadiꞌa nagnafadi nei paradi eghu kolho thedi.

Nodi Khoje Hatimare Mae Jiu 84:12

Lord God, mae ihei te au nolaghi fateo, iheire te fatutuani nigho iagho re te thofno glealeꞌa nodi fara re.

Nodi Khoje Hatimare Mae Jiu 16:4

Iheire te tufru soru ka mumuju tuare ginauna hata mei kmana hoholo kolho ka thedi. Iara ginauna na theome fafara fodu baludi, ba cheke thakledi nanghadi nodi god mare tuare.

Nodi Khoje Hatimare Mae Jiu 2:12

Ghotilo mala mhaghuni nei tufru soruni eghu mana. Te theo ghotilo na, ghotilo ginauna ghosei lehe kate diꞌatagna fara mana na. Nu ihei te fatutuani God nei au famaku ka mana teuna, mae tuana keli tagna fara.

Profet Isaia 3:11

Nu kokhonidi fara iheire te leghuni puhi te diꞌa na! Lord ginauna tughu fapulo ka mare glepo te diꞌa fateote'o teke edi mare ra.

Eklesiasti 8:12

Glahu kaisei mae te diꞌa tapla jafrahi kaisei gobi fata ka nakhibo, nu mana karha raugha ne theome ghosei lehe. Nu te laseni iara na, kaisei cheke te au agne na cheke eghu, “Jame iagho te leghuni God na, gobigna lepore ginauna keli kolho, naugna iagho ne ghatho tahuni God.

Nodi Khoje Hatimare Mae Jiu 140:11

Jame te keli na naikno te susurei chaichaghi eidi nodi vido glose keha naiknore igre nabadi na mala lus fabrahu ka kot. Jame te keli na glepo te diꞌa fateote'o gre kolho jame te thokedi mae te magra gre mala kokhoana mare.

Nodi Khoje Hatimare Mae Jiu 40:4

Ihei te fatutuani ni Lord na, mana keli tagna fara. Nafnata mae igne theome leghuni naikno te ghatho tahuni thegna na, eghuteuna ihei te ghatho ihoni God nei jaola tarai lao ka mumuju.

Profet Isaia 57:21

Uve, pharikeli na theome au ka nagnafadi nafnata naikno te diꞌa igre.” Igne chekegna Lord nogu God.

Nodi Khoje Hatimare Mae Jiu 11:6

Mana ginauna na tofa soru khaꞌaghi te ngire na ke klignadi mala thunu mare thinidire. Mana ginauna paradi nafnata naikno igre, eigna mare ne eni puhi te diꞌa na.