Nodi Khoje Hatimare Mae Jiu 32:1 - Buka Blahi Ka Cheke Holo

¹ Mae ihei Lord te hata koko nakhibognare nei hata fadeleidi gobigna lepo te diꞌare teu tagna na, mae tuana thono keli tagna fara.

Nodi Khoje Hatimare Mae Jiu 32:1 ပူးပေါင်းရင်းမြစ်များ

Profet Isaia 44:22

Eghuteuna iara la hata fadeleihi nakhibomi ghotilo re, jateula khoveo te pala te tei nuri delei ra eghu. Ghotilo ke figri mei ka iara, naugna iara neke fakarhi ghami ghotilo!”

Nodi Khoje Hatimare Mae Jiu 85:2

Iagho neke atha koko nakhibomi nei atha fasnaglidi najafra teke edi ghehati nou naiknore.

Profet Isaia 43:25

“Nu tutuani fara, iara Lord nomi God ghotilo. Eghuteuna iara hata koko nakhibomi ghotilo tuare leghuni puhigu iara na. Eghume iara ginauna nake theome ghathodi nakhibomi ghotilo re.

Thakle 22:14

“Naiknore te theo nakhibodi naugna Lam na neke thofa dadaragna na neke lehe, mare keli tadi tutuani fara. Naugna mare nabadi te ima sisigna gaju te tusu mei karha fei tifa na, eghuteuna mare naba dila te ruma ke lamnagna grengathagna namono biꞌo na mala au balugna God.

Profet Isaia 1:18

Lord neke cheke eghu, “Mei ghotilo mala fadoglini tahati glepo igne! Neuba ne jateula dadara ka pohe vegha ra neu ne ninhigrana fara atha kokodi nakhibomi ghotilore, iara tangomana te togho ghami ghotilo te mala thofno gae fara jateula khakla sipu teu ghotilo na.

Nodi Khoje Hatimare Mae Jiu 40:4

Ihei te fatutuani ni Lord na, mana keli tagna fara. Nafnata mae igne theome leghuni naikno te ghatho tahuni thegna na, eghuteuna ihei te ghatho ihoni God nei jaola tarai lao ka mumuju.

Nodi Khoje Hatimare Mae Jiu 106:3

Iheire te leghudi nogna cheke, nei iheire te edi glepo te doglo re eghu, mare keli tadi fara.

Luku 11:28

Nu mae Jisas ne cheke eghu, “Theo, iheire te nomhini chekegna God na, nei iheire te eni unha te chekedi mana re eghu ngala te tangomana te gleale'a na.”

Nodi Khoje Hatimare Mae Jiu 53:1

Naikno te fameomekro na cheke eghu ka nagnafagna na, “Jare na theo kaisei God kolho.” Mae igne kaisei mae gnognoro fara kolho, mana ngala kaisei mae te mala eni u puhi te diꞌa na. Theo kaisei naikno te tangomana te mala eni unha puhi te keli na.

Nodi Khoje Hatimare Mae Jiu 42:1

God, iara magnahaghei fara te pogho soru nigho. Uve, iara thofno magnahagheni fara te eni igne, jateula kaisei nanigot te magnahaghei mei koꞌu ka khoꞌura eghu.

Matiu 16:17

Mae Jisas ne cheke eghu ka mae Simon, “Iagho keli tamu, ghema Simon, thugna mae Jone. Theo kaisei naikno teke farirhiu nigho tuana. Nu mae Mama te au kligna neke falalase nigho eigu iara.

Nodi Khoje Hatimare Mae Jiu 128:1

Keli tadi fara iheire te ghatho tahuni Lord nei leghudi nogna chekere teuna.

Nodi Khoje Hatimare Mae Jiu 89:15

Iheire te koje kilo fnakno nigho iagho gre ngala te glealeꞌa nodi na, naugna iagho ne keli fara ranghidi, nei kaisei phile baludi.

Nodi Khoje Hatimare Mae Jiu 84:12

Lord God, mae ihei te au nolaghi fateo, iheire te fatutuani nigho iagho re te thofno glealeꞌa nodi fara re.

Nodi Khoje Hatimare Mae Jiu 52:1

Iagho mae biꞌo te nheta fara kau magra ia, naugna unha sagho te fahaehaeghedi fara puhi te diꞌa grea? Eigna puhigna God te keli ranghini naikno na au fabrahu tifa tifa.

Nodi Khoje Hatimare Mae Jiu 45:1

Kmana famane cheke au ka gaoghathogu iara na. Iara magnahaghei te riso soruni khoje igne mala tusu lao ka king. Foflogu iara na jateula nogna baero mae glalase te mala rioriso ra eghu.

Nodi Khoje Hatimare Mae Jiu 55:1

God, fanomho mei ka nogu tharai gre. Thosei figri mei thagrumu na kate tanhi iara na.

Nehemaea 4:5

Iagho thosei ghatho ihodi puhi te diꞌa teke edi mare ra, eghuteuna iagho thosei hata fadeleidi nakhibodi re, naugna mae igre neke cheke fadiꞌa ghami ghehati fara mae iheire teke babana fapulo gringni thina igne.”

Fapea Samuel 12:13

Mae Devet nomhini igne ne cheke eghu, “Iara la thofno tapla jafra ke ulugna Lord.” Mae Natan ne cheke eghu ka mana, “Lord ginauna hata fadelei nakhibo teke eni iagho igne. Eghuteuna iagho na theome lehe eigna nakhibo igne.

Nodi Khoje Hatimare Mae Jiu 103:3

Mana hata kokodi nakhibogu iara re, eghuteuna fagaota fapulodi khabrugu iara re.