Nodi Khoje Hatimare Mae Jiu 31:8 - Buka Blahi Ka Cheke Holo

⁸ Iagho neke theome snakredi mae nogu naoka iara re mala loki ghau iara. Iagho neke togho ghau iara neke fakarhi ghau iara.

Nodi Khoje Hatimare Mae Jiu 31:8 ပူးပေါင်းရင်းမြစ်များ

Thoutonu Eigna Mae Job 36:16

“God ginauna togho nigho iagho mala jifla mei ka puhi biꞌo, eghuteuna mana ginauna reireghi nigho ka namono te keli. Mana ginauna fafodu nou tevo iagho na ka famane gano te keli.

Nodi Khoje Hatimare Mae Jiu 18:19

Mana neke togho ghau iara neke hata fajifla ghau iara ka u glehe. Naugna mana neke keli tagna ka iara.

Nodi Khoje Hatimare Mae Jiu 4:1

God, iara laseni puhimu iagho na, eigna iagho edi koba unha te keli re. Iara jaola lase nigho te taji ghau nei bara fothi ghau teuna. Eghume, kate au iara ka hoholo te kilo ari ka iagho na, iagho kokhoni ghau nei togho ghau eghu iara! Gognarona iagho kokhoni mei ghau iara nei nomhidi eghu nogu tharai gre.

Diutronomi 32:30

Ghathodi nogu ghusna iara gre. Faꞌunha eghu tangomana kaisei soldia kolho te uludi kaisei thogha mae ka magra na? Faꞌunha eghu tangomana phei soldia kolho te ngolhi teidi nabotho thogha mae ka magra na? Ghotilo mala filo glani tuana: Glepo igne na thoke mei naugna Lord nomi vido keli mala poru ghotilo naiknomi Israel igne tei koko ghami ghotilo.

Profet Isaia 19:4

Iara ginauna vahini kaisei mae king te diꞌa fara puhigna na mala funei frunidi naiknodi Ijep.” Igne cheke gna Lord mae ihei te au nolaghi fateote'o.

Ululahu Samuel 24:18

Gognarona, iara laseni, iagho kokhoni ghau iara. Lord neke atha mei ghau iara ka khamemu iagho, nu iagho neke theome falehe ghau iara.

Ululahu Samuel 17:46

Gognarogne, Lord ginauna snakre mei nigho iagho ka khamegu iara. Iara ginauna falehe nigho iagho, eghuteuna iara ginauna kusu phaꞌumu iagho na. Eghuteuna iara ginauna snakre lao thinimi ghotilo mae Filistia are ka nanghaji nei ka glepo te tautagu are eghu mala ghamu reꞌe. Aonu naikno te gnafare ginauna laseni te God na reireghini Israel.

Nodi Khoje Hatimare Mae Jiu 88:8

Iagho neke toghodi mae kheragu iara re neke tei koko ghau iara. Uve, iagho neke toghodi mare neke thono tirodi ghau iara. Iagho neke lisa lao ghau iara farihotei hoholo mala theome tangomana iara teke jifla na.

Thoutonu Eigna Mae Job 16:11

God na snakre lao ghauhi iara ka naikno te diꞌa re, eghuteuna koko lao ghau iara ka khamedi mae te diꞌa re.

Ululahu Samuel 26:8

Mae Abisae ne cheke eghu faꞌikoi ka mae Devet, “Ka bongi gognarogne God snakreni nou naoka iagho igne ka nou nolaghi iagho. Snakre ghau iara sagho mala fada balu gloseni iara ka nogu goru gne. Iara tangomana te kaisei fata fada nu la lehe la mana teuna.”

Eksodas 2:25

Aonu God ne filo ka naiknodi Israel te jateula naikno sneka teu te loku heta fara igre ne kokhoni nognadi fara.

Diutronomi 26:7

Nu ghehati tanhi ka Lord nodi God kuꞌemi ghehati ra. Lord nomhidi nomi natanhi ghehati re, eghuteuna mana filo ghami te papara fara, nei diꞌanagnafa nei au ka narane te ninhigrana.

Nodi Khoje Hatimare Mae Jiu 10:14

Nu iagho la filodihi puhidi mae te diꞌara. Iagho la lasedihi khabru nei papara eghu te edi mare ka keha naiknora, eghume iagho tarabana mala toghodi naikno te au papara are. Naikno te au kokhonidi nei glehe kokoi teu igre lisei soru ka khamemu iagho nakarhadi re.