Nodi Khoje Hatimare Mae Jiu 31:3 - Buka Blahi Ka Cheke Holo

³ Tutuani fara, iagho jateula nogu vido keli eghu mala poru iara. Iagho au ke ulugu iara mala baubatu ghau iara ka nabrou te keli, jateula teke nhaꞌa chekenihi iagho ia eghu.

Nodi Khoje Hatimare Mae Jiu 31:3 ပူးပေါင်းရင်းမြစ်များ

Luku 1:79

Na phae jateula naprai eghu ka tahati te au kate romno, nei au ke parigna naungogna u glehe. Mana ginauna na batu fadoglo ghita kau nabrou te mala hatini tahati u pharikeli na.”

Nodi Khoje Hatimare Mae Jiu 79:9

God, togho ghami nei fakarhi ghami eghu ghehati sagho. Hata kokodi sagho nakhibomi ghehati gre, mala ghatho tahu nigho naikno te gnafa igre eghu.

Jone 16:13

Nu kate mei mae Tharunga te Blahi na, mana ginauna batu ghami ghotilo ka tutuani fateoteo eigna God. Mana ginauna theome cheke leghudi nogna gaoghatho thegna re. Mana ginauna chekedi kolho ka ghotilo unha teke nomhini mana na nei toutonuni ka ghotilo eigna unha nate thoke mei nathuꞌu nauriha.

Profet Jeremaea 14:7

Aonu naiknore na cheke eghu, “Lord, tutuani fara ghehati la figri tagru nighohi la edi kmana nakhibo ka tathamu iagho na. Nu kokhoni ghami nei togho ghami eghu mala fafnaknoni naiknore nanghamu iagho na. Tutuani kmana fata ghehati lisa koko nighohi, nei ei puhi diꞌa ranghi nigho.

Profet Isaia 49:10

Mare ginauna na theome ke rofo, ba roi koꞌu. Eghuteuna nabranagna naprai nei nuri teu igre ginauna theome goigonidi. Naugna iara ne kokhoni nogudi, iara ginauna batudi mala tei ka vido aheva te au khoꞌu te keli.

Nodi Khoje Hatimare Mae Jiu 139:24

God, filo meini sagho nakarhagu iara gne, glahula me au meu keha thona tagna. Baubatu ghau iara sagho ka puhimu iagho te keli fara te au fabrahu te tifa te tifa ana.

Nodi Khoje Hatimare Mae Jiu 43:3

Snakre meidi sagho naphaemu nei thofno chekemu teure. Iara magnahaghedi naphaemu nei chekemu teu gre te mala batu ghau te mala atha fapulo ghau ka sugamu te blahi te au ka nou namono blahi Saion, ka vido aheva te au teu iagho na.

Nodi Khoje Hatimare Mae Jiu 25:11

God, leghuni sagho nou nhaꞌa cheke na hata fadeleidi nakhibogu gre, naugna nakhibogu iara gre kmana fara.

Nodi Khoje Hatimare Mae Jiu 25:5

Nogu God, iagho ngala te fakarhi ghau iara na. Eghume, farirhiu ghau mala leghuni iara thofno chekemu na. Iara ofo nigho fabrahu mala togho ghau.

Nehemaea 9:12

Ka narane na, iagho au ke lamna grokho biꞌo mala tei ke uludi mala leghu nigho mare. Eghuteuna ka bongi na, iagho au ke lamna khaꞌaghi biꞌo, eghuteuna naphaemu iagho na falalase nabroudi mare.

Nodi Khoje Hatimare Mae Jiu 25:9

Mana falalase puhi te doglo na ka naikno te nhaꞌa faparidi thedire, nei farirhiudi puhi te magnahaghedi thegna re.

Nodi Khoje Hatimare Mae Jiu 18:2

God na jateula nogu bara eghu iara, mala bara fothi ghau fabrahu. Mana tangomana teke hata fapulo ghau iara ka khamedi nogu naokare. Nogu God na jateula kaisei thina biꞌo eghu te mala tei te porudi iara nogu naokare. God na jateula kaisei greoreo eghu te mala tafra iara ka nogu naokare. Mana au nolaghi biꞌo te mala fakarha ghau nei reireghi ghau teu iara fabrahu na.

Nehemaea 9:19

“Naugna puhimu iagho te thofno kokhonidi naiknore, iagho neke theome lisa kokodi jare ka namono nagou na. Ka narane na gromno na kegra fadoglo haghe ne batudi ka nabrou na. Ka bongi na khaꞌaghi na kegra fadoglo haghe ne falalase ranghidi nabrou na.

Josua 7:9

Jame nomhini naiknogna kantri igne eigna igne meuna, mare ginauna mei falehe ghami ghehati. Nafnata puhi igne naiknore ginauna cheke faparini nanghamu iagho na, eghume iagho togho ghami ghehati!”

Efesus 1:12

Naugna igne, God neke vahi ghami ghehati mala fafnaknoni thegna ka iheire teke kulu fatutuani ni mae Kraes.

Nodi Khoje Hatimare Mae Jiu 71:3

Leuleghu fata na iara mei koba ka iagho mala poru, eghuteuna filo ari kolho ka iagho te mala batu ghau na. Iagho ngala vido te keli te mala poru iara na. Fakarhi ghau.

Nodi Khoje Hatimare Mae Jiu 102:3

Thinigu na fobo jateula khaꞌaghi eghu, eghuteuna iara na theome raugha lehe jateula gagahu te flalo ka nuri ia eghu.

Nodi Khoje Hatimare Mae Jiu 116:2

Ka nakarhagu na iara ginauna tarai koba naugna mana ne fanomho ka iara.