Nodi Khoje Hatimare Mae Jiu 31:23 - Buka Blahi Ka Cheke Holo

²³ Ghotilo naikno te fatutuani ni Lord ra, ghotilo namhani mana. Mana tangomana te reireghi fakelidi iheire te ghatho foboni mana re. Nu mana tangomana te thono paradi fara iheire te fahaehaghe fara re.

Nodi Khoje Hatimare Mae Jiu 31:23 ပူးပေါင်းရင်းမြစ်များ

Nodi Khoje Hatimare Mae Jiu 97:10

Lord na namhadi fara iheire te thono tirodini fara puhi te diꞌa na, nei mana bara fothidi kau glehe. Uve, mana fakarhidi ka iheire te diꞌa fara puhi dire.

Nodi Khoje Hatimare Mae Jiu 145:20

Mana ginauna na roꞌe fahuidi naikno te diꞌare, nu mana na reireghidi iheire te namhani mana re.

Nodi Khoje Hatimare Mae Jiu 94:2

Iagho ginauna fatedi naikno te gnafa gre. Paradi sagho naikno te fahaehaghe are, leghuni unha najafra teke eni mare na.

Nodi Khoje Hatimare Mae Jiu 34:9

Ghotilo nogna naikno Lord ra, ghatho tahuni mana. Ghotilo iheire te leghuni mana ra, ghotilo theome kmoꞌe ka glepo te keli na.

Nodi Khoje Hatimare Mae Jiu 30:4

Tahati nogna naikno Lord te ghatho tahuni mana ra, tahati koje kilofnaknoni mana. Mana mae blahi. Tahati ghathodi glepo teke edi mana ra, nei tegioni eghu mana.

Ululahu Tesalonika 4:1

Uve kheraguro, gognaro na iara au keha glepo te mala chekedi ka ghotilo. Ghehati neke farirhiu ghami ghotilo nafnata nakarha te keli tagnani God igne. Eghuteuna ghotilo auhi ka nafnata nakarha tuana. Gognaro na ghehati tore ghami ghotilo ka nanghagna Lord Jisas mala au fabrahu ka nafnata nakarha te keli tuana.

Thakle 18:6

Ghotilo mala ke foli fapulo unha teke edi naꞌa ranghi ghami re, nu ghotilo mala foli fapulo phei fata ke tulaodi glepo te diꞌa teke edihi naꞌa ka ghotilo ra.

Nonomho Te Keli Teke Risoi Mae Mak 12:23

Fitu mae thabusigna igre neke kafe tolaghi ka naꞌa. Ba, ginau ka narane karha fapulo na, na khetogna mae ihei si naꞌa gnea?”

Nodi Khoje Hatimare Mae Jiu 89:7

Kaisei iagho God ngala te mhaghu nigho nei ghatho tahu nigho teu tothoghei engel di klignare. Uve, kaisei iagho ngala te fnakno ke klignadi mare te hui na. Naugna igne te kilo fnakno nigho mare na.

Nodi Khoje Hatimare Mae Jiu 54:5

God na tangomana te goigonidi nogu naoka iara re. Puhi te diꞌa teke edi mare ka iara re, mana tangomana teke eni fafigri ka mare puhi te diꞌa tuana. God, thosei tei koko ghau, nu iagho tangomana te fahuidi naoka igre!

Ululahu Samuel 2:9

Mana reireghi fakelidi iheire te ghatho tahuni mana re, nu mae te diꞌa re, mala snivi fabrahu kate romno. “Theo kaisei naikno tangomana te uluni Lord ka nogna nolaghi thegna na.

Diutronomi 33:3

Tutuani, Lord namhadi nogna naiknore. Mana thofno reireghi fakeli ghami ghotilo nogna naikno blahi mana ra. Eghume ghotilo mei mala pogho soru ka mana, eghuteuna mana na farirhiu ghami ghotilo.

Diutronomi 32:41

iara ginauna hata nogu naflahi mala magra te siasigla fara na. Iara ginauna jaha ghilei fnonu fara. Aonu iara ginauna tughu fapulo ka nogu naokare, eghuteuna iara ginauna paradi iheire te tirodi ghau iara re.

Diutronomi 10:12

Aonu mae Moses ne cheke eghu, “Ghotilo naiknomi Israel. Unha te magnahaghei eni ghotilo teu Lord nomi God ghotilo na? Ghotilo mala ghatho tahuni nei leghuni eghu puhigna mana na, eghuteuna tahati mala namhani nei loku ranghini eghu mana ka nagnafada fateote'o nei ka gaoghathoda fateote'o.

Letas Teke Rioriso Mae Jud 1:1

Iara mae Jud tahigna mae Jemes nei nogna mae gloku Jisas Kraes. Uve kheraguro, iara rioriso ari letas igne ka ghotilo naikno te gnafa God teke kilo ghami. God Kmada namha ghami ghotilo, nei mae Jisas Kraes jaola reireghi fakeli ghami ghotilo.

Nodi Khoje Hatimare Mae Jiu 145:10

Lord God, gobigna lepo teke edi iagho ra ginauna kilo fnakno nigho, nei nou naikno te gnafa iagho gre ginauna tegio ranghi nigho iagho.

Profet Isaia 56:6

Eghuteuna ghotilo naiknomi ka keha kantri ra neke nhaꞌa cheke mala leghu ghau iara, eghuteuna iheire te namha ghau iara te loku ranghi ghau iara ra, nei iheire te tajini narane Sabat na teura, ghotilo tajini fabrahu nogu nhaꞌa cheke iara na.

Diutronomi 30:16

Iara cheke faheta ka ghotilo gognaro na, mala namhani Lord nomi God. Ghotilo mala leghudi nogna cheke, nogna farirhiu nei nogna vetula teu mana re. Jame te eghu ghotilo na, ghotilo ginauna au ka nakarha te keli, nei vikemi, nei thumi teu ghotilore ginauna kmana fara, eghuteuna Lord nomi God ginauna fablahi ghami ghotilo ka glose nate tei ghotilo te au tagna na.

Profet Isaia 38:10

“Fari hotei ka nakarhagu na, iara ginauna tei salaꞌu ka bara gna Beku na. Eghuteuna keha finogha ka nakarhagu iara na jame sokmo kolho.

Profet Esikiel 37:11

Lord neke cheke eghu ka iara, “Maegna ka nauthoglu. Naiknodi Israel igre jateula nhubra te thono mojadi ra eghu. Mare cheke eghu, ‘Ghehati gne theome tangomana te au fakeli na naugna ghehati gne jateula tela lehehi ra eghu. Gaoghathomi re glaꞌe fara naugna kantri igne la diꞌa fara.’