Nodi Khoje Hatimare Mae Jiu 31:19 - Buka Blahi Ka Cheke Holo

¹⁹ Iagho tangomana te edi famane gloku te keli fara te mala toghodi iheire te ghatho tahu nigho igre. Iagho tangomana te reireghi fakelidi iheire te fatutuani nigho re nei toghodi eghu ke uludi naiknore.

Nodi Khoje Hatimare Mae Jiu 31:19 ပူးပေါင်းရင်းမြစ်များ

Ululahu Korin 2:9

Nu grioriso te blahi na cheke eghu, “Unha God teke kulu tarabana maladi naikno te namhani mana re, theo kaisei naikno te filoni ba nomhini na. Theo kaisei naikno teke ghathoni unha nate thoke mei ginauna.”

Profet Isaia 64:4

Funu tifa te mei na neke theo kaisei naikno te filoni, ba te nomhini kaisei God te jateula iagho teu te edi glepo te biꞌo te mala toghodi iheire te fatutuani nighore.

Jemes 2:5

Kheraguro, fanomho fakeli ghotilo ia. God neke vahidi naikno te kuma igre mala biꞌo nodi fatutuani na ka mana. Eghuteuna mana jaola neke vahidi naikno igre mala tusu ranghidi u thofno nakarha na. Eghuteuna, mana neke eni igne naugna mana neke kulu nhaꞌa chekehi te mala namhadi naikno te kuma igre.

Nodi Khoje Hatimare Mae Jiu 16:11

Iagho falalase fabrahu ka iara u nafnata nakarha te magnahagheni iagho na. Kate au teu iara balumu na, iara keli tagu fara, nei gaoghathogu na fodu fabrahu kau glealeꞌa.

Nodi Khoje Hatimare Mae Jiu 23:5

Iagho tarabana kaisei gaghamu biꞌo malagu iara ka tathadi nogu naokare. Iagho taji fakeli ghau iara jateula kaisei mae biꞌo eghu ka suga muna. Eghume nogu glealeꞌa iara na thono biꞌo fara jateula kaisei kapu khoꞌu te fodu te salauꞌi ra eghu.

Fapea Korin 5:5

God neke vuavuha ghita mala tughu tahati neku, eghuteuna mana neke tusu ranghi ghitahi u Tharunga te Blahi na igne kaisei nhaꞌa cheke eigna u karha majaghani nate thofno tusu ranghi ghita na.

Profet Isaia 35:10

Uve, iheire teke foli fapulodihi Lord ra ginauna nake pulo mei Jerusalem. Eghuteuna ka narane teke pulo mei mare Saion na, mare ginauna eha fabiꞌo, naugna mare ne glealeꞌa fara. Mare ginauna theome tangomana te diꞌanagnafa nei tanhi teuna, naugna mare glealeꞌa fabrahu kolho ka namono igne.

Jone 3:21

Nu mae ihei te edi glepo te tutuanire mana ginauna mei kau naphae na. Aonu u naphae na ginauna falalase fakeli ka naiknore unha glepo teke edi God ka mana re.”

Nodi Khoje Hatimare Mae Jiu 73:1

Tutuani fara, God na keli fara ka tahati naiknoda Israel, eigna gaoghathoda tahatire thofno gae fara.

Profet Isaia 26:12

Lord, iagho tusu ranghi ghami pharikeli, naugna ka nou nolaghi iagho te mala tangomana ghehati te edi re gloku te kelire.

Nodi Khoje Hatimare Mae Jiu 68:28

God, falalase mei ka ghehati nou nolaghi na, jateula teke eni iagho ka ghehati tifa ia eghu.

Letas Teke Riso Tei Mae Pol Ka Khiloau Rom 11:22

Ghathoni si ghotilo God na mae keli fara, nu mana tangomana te fate ghita la. Mana fatedi iheire te theome leghuni puhigna mana re, nu mana keli fara ka ghotilo, naugna ghotilo ne leghuni nogna puhi mana na. Nu jame te theome leghuni ghotilo igne na, mana ginauna jaola kato koko ghami ghotilo.

Hibru 10:34

Ghotilo diꞌanagnafa baludi keha ka ghotilo te au ka suga sosolo. Eghuteuna kate hata keha naiknore gobigna lepo teke khotodi ghotilo re, ghotilo gleale'a kolho, naugna ghotilo lasenihi glepo te keli fara na ofo ghami ghotilo teu kligna. Eghuteuna glepo igre te au fabrahu tifa tifa.

Mae Khuru 15:12

Tothoghei mae biꞌo na ne theome ghagri kaisei cheke ne fanomho kolho ka mae Pol ghe mae Banabas eidi u kofubobhoi nei fagaglana eghu teke edi phiamare ka iheire te theome Jiu.

Naba 23:23

Theo kaisei naikno te tangomana ei naitudi vikegna mae Jekob na. Eghuteuna theo kaisei mae te au nolaghi te mala goigonidi naiknodi Israel re. Gognaro na naiknore mala tonu eidi kokhologna mae Jekob, naiknodi Israel igre. Mare ginauna cheke eghu, ‘Mei ghotilo mala filoni nogna gloku God igne!’

Nodi Khoje Hatimare Mae Jiu 12:5

Nu God ne cheke eghu, “Iara ginauna mei, naugna naikno te diꞌa gre ne goigonidi naikno te kuma gre ne au kokhonidi nei tanhi neu. Iara ginauna na tusu ranghidi u nablagna te magnahagheni fara mare na.”