Nodi Khoje Hatimare Mae Jiu 31:18 - Buka Blahi Ka Cheke Holo

¹⁸ Fofotho foflodi mae te patugama igre sagho, eigna mare lase cheke fahahage nei cheke fadiꞌadi mae te doglore igre neu. Nu mare mae lase cheke chaichaghi kolho eghu.

Nodi Khoje Hatimare Mae Jiu 31:18 ပူးပေါင်းရင်းမြစ်များ

Letas Teke Rioriso Mae Jud 1:15

Mana ginauna fatedi naikno diꞌa te gnafa ka nauthoglu gne, eghuteuna paradi fara naikno te theome leghuni mana re, naugna mare ne edi glepo te diꞌare nei cheke fadiꞌani mana.”

Nodi Khoje Hatimare Mae Jiu 94:4

Naikno igre huhughuni u vetula na. Niha fata fahaehaghedi si mare puhidi te diꞌa grea?

Ululahu Samuel 2:3

“Ghotilo iheire te cheke fahaehaghe ra, ghotilo koko puhi tuare, ghotilo mala au kmu. Lord na kaisei God mae ihei te lasedi gobigna lepo fateote'o, eghuteuna mana fatedi puhidi naiknore.

Thakle 22:15

Nu keha naiknore theome nabadi te tei lamna na. Igre naikno te leghudi puhi te chara, nei iheire te au naitu khoraphaꞌu, nei iheire te gnognoro, nei iheire te falehe naikno, nei iheire te pogho soru ka mumuju, nei iheire te lase chaichaghi fara.

Thakle 21:8

Nu naikno te diꞌa te gnafare ginauna tei au ka kholo khaꞌaghi. Tutuani, iheire te tirodi leghu ghau iara igre, naugna mare ne mhaghuni u glehe, nei iheire te theome fatutuani, nei iheire te edi puhi te diꞌa, nei iheire te falehe naikno, nei iheire te gnognoro, nei iheire te au khoraphaꞌu, nei iheire te pogho soru ka mumuju, nei iheire te chaichaghi fara teu igre, ginauna thokedi kholo biꞌo te dudulu ka khaꞌaghi te ngire ka thina ngaja na. Kholo khaꞌaghi igne jaola kiloni fapea glehe na.”

Mae Khuru 25:7

Kate thakle mei mae Pol ka chogho mala fate na, hatimare mae Jiu teke soru mei funudi Jerusalem re mare lao ne kegra faligohoni mana. Mare ne funu fathoro kmana glepo te diꞌa ranghini mae Pol. Nu mare theome tangomana te cheke thakleni kaisei glepo te tutuani.

Jone 8:48

Hatimare mae Jiu ne cheke eghu ka mana, “Tutuani fara te chekeni ghehati ka iagho na, iagho theome mae Jiu nu iagho maemu ka namono Samaria, eghuteuna kaisei naitu au ke lamnamu iagho. Ba, theome doglo si cheke te edi ghehati grea?”

Jone 8:44

Ghotilo mae kmami na mae Satan. Ghotilo nogna naikno mana eghuteuna ghotilo magnahaghei edi unha glepo te magnahaghedi mana re. Mana kaisei mae falehe naikno funu tifa. Mana theome magnahaghei te leghuni u nabrou te tutuani na, naugna theo kaisei tutuani ke lamnagna mana. Mana kaisei mae chaichaghi, eghuteuna mana jateula chaichaghi te chekedi thegna tuare eghu. Eghuteuna, u chaichaghi te gnafare mei funudi ka mana.

Matiu 12:24

Kate nomhini hatimare mae Farasi cheke igne, mare ne cheke eghu, “Mae Satan, nodi mae funei hatimare mae naitu are, site tusu ranghini mana nolaghi te mala bruedi naitu area.”

Profet Isaia 54:17

Nu theo kaisei glepo mala magra ka igre nate ghoreho ghotilo na. Eghuteuna ghotilo ginauna tangomana te cheke tughu ka iheire te cheke fapari ghami ghotilo na. Uve, iara ginauna edi glepo te keli ka ghotilo nogu mae gloku iara ra, eghuteuna togho ghami ghotilo mala ulu.” Igne chekegna Lord.

Proveb 12:19

Cheke te tutuani na au fabrahu. Nu cheke te chaichaghi na theome au raugha kolho.

Nodi Khoje Hatimare Mae Jiu 120:2

Iara ne cheke eghu ka mana, “Lord God, mei fakarhi ghau ka naikno te chaichaghi nei ka iheire te lase saosagro te mala fakokhoana ghau iara na.”

Nodi Khoje Hatimare Mae Jiu 63:11

Nu iara mae King. Iara ginauna keli tagu fara eigna iagho ginauna togho ghau iara mala theome tangomana nogu naoka iara re te ulu ghau iara na. Iheire teke nhaꞌa cheke ka nanghamu iagho re ginauna cheke fakeli nigho iagho, nu iheire te chaichaghire iagho ginau fofotho foflodire.

Nodi Khoje Hatimare Mae Jiu 59:12

Nakhibo na au fabrahu ka foflodire eigna nodi chekere thono diꞌa fara. Te keli na nodi puhi fahaehaghe thedi tuare mala ke fakokhoanadi kolho thedi. Eigna mare tibri ghami ghehati na nei chaichaghi koba eghu.

Nodi Khoje Hatimare Mae Jiu 12:3

God, fofotho sagho foflodi naikno te cheke famaemahe koba are, nei fofotho foflodi naikno te cheke fahaehaghe te cheke eghu are,

Fapea Kronikols 32:16

Mae biꞌodi Asiria igre edi kmana cheke mala cheke faparini Lord God, nei cheke faparini Hesekaea nogna mae gloku God.

Matiu 10:25

Mae sikolu na nabagna te mala jateula nogna mae velepuhi na teuna, nu mae gloku na nabagna te mala jateula nogna mae funei na teuna. Nu keha naiknore kilo ghau iara Bielsebul, kaisei nanghagna mae Satan. Nu te cheke eghu mare ka iara nomi mae funei ghotilo na, mare ginauna na eghu la cheke fadiꞌa ghami ghotilo ke tulao gu iarai.”

Nodi Khoje Hatimare Mae Jiu 25:3

Iheire te rouronu nigho re theome tangomana te mamaja na, nu iheire ngala te ghosei te kegra te tapla soru nigho re ngala nate mamaja nodi na.