Nodi Khoje Hatimare Mae Jiu 31:15 - Buka Blahi Ka Cheke Holo

¹⁵ Nakarhagu iara na au ka khamemu iagho na kolho. Hata fajifla ghau ka khamedi hatimare mae naoka te au faligoho ghau teu iara igre eigna mare magnahaghei te falehe ghau iara.

Nodi Khoje Hatimare Mae Jiu 31:15 ပူးပေါင်းရင်းမြစ်များ

Mae Khuru 1:7

Mae Jisas ne cheke eghu ka mare, “Theome nomi ghotilo te mala laseni u narane ba u nhigra teke nhaꞌa soru mae Mama kau nogna nolaghi thegna na.

Jone 17:1

Ke leghugna te chekedi mae Jisas glepo igre, mana filo haghe kligna ne tarai, “Mama, narane na la meihi. Fatakle meini nou nolaghi biꞌo na ka iara mae Thumu gne mala fatakle ari langau iara mae Thumu gne nolaghi biꞌo na ka iagho.

Jone 7:6

Mae Jisas ne cheke eghu ka mare, “U thofno nogu narane iara te mala tei jare na theome mei ngau. Nu ghotilo na lelheghu kolho ka themi te tei eni unha te magnahagheni na.

Nodi Khoje Hatimare Mae Jiu 142:6

Fanomho mei sagho ka nogu tharai thotogho iara gre, naugna gaoghathogure la thofno glaꞌe soruhi. Mei fakarhi ghau iara sagho naugna hatimare mae naoka gre theome tangomana iara te tapla sorudire.

Thoutonu Eigna Mae Job 24:1

“Naugna unha si God gne te theome vahini kaisei narane te mala fatedi naikno te diꞌa grea? Eghuteuna naugna unha si iheire te leghuni mana igre te theome filoni narane tuana ia?

Fapea Timoti 4:6

Iara chekeni igne, naugna gognaro na la thoke meihi nogu narane te mala jifla kokoni iara nakarha igne. Nakarhagu iara na jateula u waen te tofa mare ke kligna olta te mala fafara ka God gognaro gne eghu.

Nodi Khoje Hatimare Mae Jiu 143:9

Lord God, iara mei ka iagho mala reireghi fakeli ghau. Fakarhi ghau iara sagho ka khamedi nogu naoka gre.

Nodi Khoje Hatimare Mae Jiu 143:3

Nogu naoka iara gre mare ngolhi ghau nei goigoni ni eghu nakarhagu iara na. Gognaro ne iara gne jateula te au teu kate romnora eghu, nei jateula kaisei mae tela lehehira eghu.

Fapea Samuel 7:12

Kate lehe iagho te giugilui nigho mare baludi mae kuꞌemu iaghora, iara ginauna vahini kaisei mae thumu iagho te mala king na. Mae igne ginauna kaisei mae king rheta, eghuteuna theo kaisei glepo nate faparini mana na.

Ululahu Samuel 26:10

Te chekeni iara ka iagho na, Lord mae ihei te karha te tifa na ngala nate laseni narane nate lehe mana na, ka vido te kuekuꞌe ba ka vido te tei mana ka magra.

Fapea Pita 1:14

Naugna iara laseni nakarhagu ka nauthoglu gne theome au raugha. Noda Lord Jisas Kraes neke chekeni igne ka iara.

Mae Khuru 27:24

ne cheke eghu, ‘Ghema Pol, thosei mhaghu! Iagho mala kegra ke ulugna mae Funei Sisa. Eghuteuna God na keli fara ranghi nigho iagho. Mana ginauna na fakarhidi iheire te tei balumu iagho ka vaka na igre.’

Jone 13:1

Ka grafi gna Gaghamu Ghasa-Polho na mae Jisas la kulu lasenihi narane na la namohi te mala jifla kokoni nauthoglu igne teke pulo ka mae Kmagna na. Funu ka vuvuhagna na te ghilei thoke ka narane glehegna na, mae Jisas ne namhadi fara naikno teke leghuni mana re.

Jone 12:27

Mae Jisas ne cheke eghu, “Gognaro na iara thono diꞌanagnafagu fara eigna glepo nate mei ginauna. Na cheke faꞌunha eghu iara ka mae Mama? Iara na cheke eghu, ‘Mama, thosei snakre mei ke klignagu iara glepo te biꞌo igne na eghu’? Theo. Naugna igne ngala teke meini iara ka nauthoglu igne na mala ruma ke lamnagna glepo te ninhigrana igne.

Jone 7:30

Kate chekeni mae Jisas igne, mae Jiure ne fariuriu lokini mana. Nu theo kaisei mae ka mare tangomana te lokini mana na, naugna nogna narane mana na theome mei au.

Luku 9:51

Narane God te mala hata fapuloni mae Jisas kligna na la namohi. Aonu mae Jisas ne thono magnahaghei te kulu tei Jerusalem.

Nodi Khoje Hatimare Mae Jiu 143:12

Naugna te biꞌo iagho nou namha na ka iara gne, falelehe sagho nogu mae naoka iara gre, eigna mare goigoni ghau iara fara nou mae gloku gne.

Nodi Khoje Hatimare Mae Jiu 116:15

Lord God, kaisei glepo biꞌo fara eghu ka tathamu iagho na kate lehe kaisei ka nou naikno iagho igre na.

Nodi Khoje Hatimare Mae Jiu 17:13

God, mei sagho mala magra e tapla sorudi nogu naoka iara gre. Iagho hata nou naflahi na mala magra ka mare mala ke hata fapulo ghau ka khamedi mae te gnognoro gre.

Mae Khuru 23:11

Ka keha bongi na Lord mei ne kegra rhegna mae Pol ne cheke eghu, “Ghema, thosei mhaghu! Iagho neke cheke eigu iara ka naiknore Jerusalem, iagho ginauna na jaola nake enila tuana Rom.”

Eksodas 40:37

Nu jame grokho igne toku tafruni fabrahu Suga Tapuale te Blahi igne, naiknore na au kolho ghilei thokeni narane grokho igne teke haghe na.

Fapea Kronikols 14:10

King Asa balugna nogna armi na tei ne magrini Sera. Mare te gnafa na tarabana mala magra ka glogu Sefata rhegna namono Merasa.

Nodi Khoje Hatimare Mae Jiu 25:2

Nogu Lord, iara fatutuani nigho koba. Thosei snakredi nogu naoka iara gre mala tapla fapari ghau nei maꞌe ghau eghu iara. Thosei snakredi mare mala famamaja ghau iara.

Nodi Khoje Hatimare Mae Jiu 140:7

Lord, iagho ngala te fakarhi ghau iara ka nou nolaghi na. Iagho reireghi fakeli ghau iara kate magra na.

Profet Isaia 25:1

Lord, iagho nogu God iara. Iara ginauna cheke fakeli nigho, eghuteuna pala hagheni nanghamu iagho na. Iagho edi koba gobigna lepo te biꞌo re, la jaglo nodi fara naiknore. Naugna iagho neke ghathodi funu tifa te mala edi glepo igre, iagho neke tajini fabrahu nou nhaꞌa cheke na.

Profet Jeremaea 31:18

“Iara nomhidihi nodi diꞌanagnafa nei natanhi teu vikegna mae Efrem ra. Mare tanhi ne cheke eghu, ‘Lord, ghehati gne jateula sua buluka mata te theome au snoto ra eghu. Nu iagho para ghami mala leghu nigho. Iagho Lord, nomi God ghehati, atha fapulo ghami ka iagho.