Nodi Khoje Hatimare Mae Jiu 30:6 - Buka Blahi Ka Cheke Holo

⁶ Tifa kani au fakeli nogu teku iara na, iara neke cheke eghu, “Theome tangomana kaisei glepo nate mei tapla fapari ghau iara na.”

Nodi Khoje Hatimare Mae Jiu 30:6 ပူးပေါင်းရင်းမြစ်များ

Nodi Khoje Hatimare Mae Jiu 119:117

Loku hagheni khamegu gne, mala au fakeli iara, eghuteuna iara ginauna na ghathodi nou vetula iagho ra.

Fapea Korin 12:7

Kaisei khabru te thoke ghau iara na jateula kaisei nila eghu ka thinigu iara na. Khabru igne jateula nogna mae gloku Satan te puri ghau iara eghu. Naugna igne iara theome tangomana te fahaehaghe fara eidi glepo biꞌo te fatakle meidi God ka iara gre.

Luku 12:19

Gnafa teuna, iara ginauna cheke eghu ka thegu: Iara gognarona au nogu kmana glepo te keli nabagna kmana finogha. Eghume iara gognarona tangomana te au fakeli nogu, nei theome nanga nogu, gnafa nogu, ghamu ghegu, koꞌu ghegu nei gleale'a nogu eghu!’

Nodi Khoje Hatimare Mae Jiu 16:8

Leuleghu fata na iara laseni te au teu God balugu na. Mana au rhegui iara, eghume theome tangomana kaisei glepo nate mei goigoni ghau iara na.

Profet Daniel 4:30

Mana ne cheke eghu, “Tutuani fara, Babilonia gne kaisei famane namono biꞌo tutuani fara. Iara ngala teke eni gna namono biꞌo igne, iara neke falalase nogu nanheta nei nogu nolaghi teure ka naikno igre.”

Profet Isaia 56:12

Naikno igre cheke eghu, ‘Tahati ari atha waen nei beer eghu mala koꞌu gheda mala ghilei thaviru noda fara! Nathuꞌu na ginauna thofno keli fara salaꞌuni narane gognarogne.’ ”

Profet Isaia 47:7

Te ghathoni iagho na, iagho ginauna na Kuin fabrahu, nu iagho theome ghathoni unha nate thoke mei ka iagho ke leghu na.

Nodi Khoje Hatimare Mae Jiu 15:5

Mana mala toghoni ihei te theo nogna sileni na, nu mana theome mala ke tore fapuloni unha teke toghoni kheragna na. Eghuteuna mana theome tangomana te hata sileni ka ihei nga te mala cheke fadiꞌani ihei te doglo teu kolho na. Ihei te edi koba glepo igne na, mana ginau kegra heta fabrahu.

Nodi Khoje Hatimare Mae Jiu 10:6

Aonu mana ne funu cheke eghu, “Iara ginauna kegra hetau, theome tangomana kaisei puhi nate thoke ghau iara ginauna.”

Nodi Khoje Hatimare Mae Jiu 126:6

Iheire diꞌanagnafa nei tanhi teu kate nhi'o sisi te tei te mala joꞌu ka nagare na, mare ginauna glealeꞌa nei koje eghu kate atha gano te mei mare ka nagare na.

Profet Isaia 54:7

Iara neke tei koko ghami katha vido kmoꞌei kolho. Nu iara ginauna nake atha fapulo ghami, naugna iara ne kokhoni ghami ghotilo.