Nodi Khoje Hatimare Mae Jiu 30:5 - Buka Blahi Ka Cheke Holo

⁵ Mana diꞌatagna katha vido kmoꞌei kolho, nu puhigna mana te keli na au fabrahu ghilei ari gnafa nakarhagna naikno na. Fei grafi na tahati na tanhi nei diꞌanagnafa eghu, eghuteuna fei hamerane na tahati na keli nagnafada nei ke glealeꞌa fapulo eghu.

Nodi Khoje Hatimare Mae Jiu 30:5 ပူးပေါင်းရင်းမြစ်များ

Fapea Korin 4:17

Ghehati au papara katha vido te kmoꞌei kolho gognaro na, nu hoholo igne mala togho ghami mala hatani u nakarha te keli te theo ka huigna na ka God kligna! Nakarha igne ke uluni hoholo tuana.

Matiu 5:4

Keli tadi iheire te au diꞌanagnafa, mare ginauna nake gleꞌau. Naugna God ginauna fameomegodi.

Profet Isaia 26:20

Ghotilo nogu naikno iara ra! Ghotilo ruma lamna ka nomi sugare eghuteuna bobotho grengatha re! Ghotilo tei poru katha vido mala ghilei gnafa te diꞌatagna Lord igne.

Nodi Khoje Hatimare Mae Jiu 103:9

Mana theome fiti diꞌatagna ka tahati, nu mana diꞌatagna kate au nafugna, eghuteuna mana theome tangomana te diꞌatagna fabrahu ka tahati na.

Nodi Khoje Hatimare Mae Jiu 16:11

Iagho falalase fabrahu ka iara u nafnata nakarha te magnahagheni iagho na. Kate au teu iara balumu na, iara keli tagu fara, nei gaoghathogu na fodu fabrahu kau glealeꞌa.

Nodi Khoje Hatimare Mae Jiu 63:3

Nou namha iagho na thofno biꞌo fara salaꞌuni nauthoglu igne, tutuani fara, biꞌo salaꞌudi thua nafnata fateo te au ka nakarhagu iara gne. Naugna igne iara magnahaghei te cheke fakeli nigho.

Nodi Khoje Hatimare Mae Jiu 59:16

Nu iara ginauna na koje mala cheke thakleni nou nolaghi iagho na. Leuleghu hamerane na iara ginauna koje fabiꞌo mala cheke thakleni iagho te namha ghau iara na. Naugna iagho jateula nogu vido te keli eghu mala poru iara ka vido te au ka hoholo na.

Nodi Khoje Hatimare Mae Jiu 46:5

Namono tuana theome tangomana te nghali ba te paꞌe na, naugna God na au baludi naikno te tufru soruni mana ka namono tuana. Kate phage naprai na, mana auhi jare mala toghoni namono tuana.

Nodi Khoje Hatimare Mae Jiu 143:8

Ka hamerane di gre cheke mei sagho mala ghathoni iara nou namha biꞌo iagho na, naugna iagho ngala te rouronu nigho iara na. Leuleghu fata ngala iara te tarai ari ka iagho na. Falalase mei sagho ranghi ghau iara u nabrou te mala leghuni iara na.

Nodi Khoje Hatimare Mae Jiu 103:17

Nu God namha ghita tahati iheire te ghatho tahudi nei leghudi teu fabrahu nogna chekere. Eghuteuna mana ginauna na jateula tuana eghudi fabrahu thuda nei grada teu tahati te karha mei thogheiro re.

Thakle 22:17

Tharunga te Blahi ghe khetogna Lam na, repa ne cheke eghu, “Mei sagho!” Naikno te gnafa te nomhini cheke igne mala jaola cheke eghu, “Mei sagho!” Iheire te magnahaghei hatani u karha te theo ka gnafagna na, ghotilo mei mala koꞌu kolho ka khoꞌu te tusu mei karha igne.

Profet Hosia 6:3

Gognarona tahati mala fariuriu mala lase fakelini Lord nei leghuni mana fabrahu. Tutuani, mana ginauna mei ka tahati jateula naprai te phage haghe hamerane boibongi ra eghu. Eghuteuna mana ginauna mei mala fakelidi nakarhada tahati gre. Mana ginauna na jateula narane te soru mei nakhete te mala faboubothudi glose ra eghu.”

Jenesis 32:24

Nu mana ne au faleghu neu thegna jare. Eghuteuna kaisei mae ne mei ka mana ne magra balugna mana ne ghilei haghe naprai na.

Thakle 22:1

Mae engel na ne falalase ka iara u khoꞌu te tusu mei karha na. Kho'u igne siasigla jateula thiro eghu nei fura mei ka nogna sape nafnakno God na nei nogna Lam

Eksodas 3:15

“Eghuteuna iagho tei cheke eghu ka mare, ‘Lord nodi God kuꞌeda tahati tifara, nogna God Ebraham, nei Isak nei Jekop, mana neke kuru mei ghau iara ka ghotilo.’ “Nanghagu iara na Lord, eghuteuna naikno te karha gognaro igre nei nate karha mei ke leghure eghu ginauna ghathoni fabrahu nanghagu iara na.

Nodi Khoje Hatimare Mae Jiu 47:7

God na King ka vido te gnafa ka nauthoglu igne! Tahati cheke fakelini mana ka koje!

Nodi Khoje Hatimare Mae Jiu 97:12

Puhimi ghotilo te gnafa na thofno doglo fara, ghotilo mala glealeꞌa nei cheke fakelini Lord mae ihei te blahi.

Nodi Khoje Hatimare Mae Jiu 145:10

Lord God, gobigna lepo teke edi iagho ra ginauna kilo fnakno nigho, nei nou naikno te gnafa iagho gre ginauna tegio ranghi nigho iagho.

Profet Isaia 12:1

Ghotilo nogna naikno God ra! Ka narane tuana, vikeda tahati ra ginauna koje kaisei khoje, khoje igne cheke eghu: “Lord! Iara cheke fakeli nigho! Tifa na, iagho neke diꞌatamu ka iara, nu gognarona diꞌatamu iagho ka iara na la gnafahi, eghuteuna iagho la fakeli nagnafa ghauhi iara.