Nodi Khoje Hatimare Mae Jiu 30:4 - Buka Blahi Ka Cheke Holo

⁴ Tahati nogna naikno Lord te ghatho tahuni mana ra, tahati koje kilofnaknoni mana. Mana mae blahi. Tahati ghathodi glepo teke edi mana ra, nei tegioni eghu mana.

Nodi Khoje Hatimare Mae Jiu 30:4 ပူးပေါင်းရင်းမြစ်များ

Nodi Khoje Hatimare Mae Jiu 97:12

Puhimi ghotilo te gnafa na thofno doglo fara, ghotilo mala glealeꞌa nei cheke fakelini Lord mae ihei te blahi.

Thakle 4:8

Fati glepo te karha igre sopa au namno baghi. Glepo te karha igre thinidire iko tongana ka tatha, ke lamna nei ke kosi. Bongi narane na mare theome gnafa te kojeni, “Blahi, blahi, blahi Lord God thofno nolaghi, teke au tifa, nei gognaro gne nei nake pulo mei nathuꞌu nauriha.”

Nodi Khoje Hatimare Mae Jiu 148:14

Lord na reireghi fakeli ghita tahati nogna naikno Israel, eghume, tahati cheke fakelini mana! Mana namha ghita fara. Tahati kilo fnaknoni Lord!

Nodi Khoje Hatimare Mae Jiu 132:9

Toghodi sagho nou mae pris are mala edi fabrahu koba mare puhi te doglore. Mala glealeꞌa nei eha fabiꞌo ame ghu nou naiknore eghu.”

Ululahu Kronikols 16:4

Eghuteuna mana ne vahidi keha mae Livaet mala tarai ka Lord ke ulugna Bokis Blahi igne. Nodi gloku mae igre na mala tarai ka God, nei mala tegioni mana, nei mala kilo fnaknoni Lord nodi God mae Israel.

Profet Isaia 6:3

Mare kafe koje fodu eghu fabiꞌo: “Lord mae ihei te au nolaghi fateote'o, mae ihei te blahi fara! Nogna nolaghi biꞌo mana na siasigla ka vido te gnafa ka nauthoglu igne.”

Nodi Khoje Hatimare Mae Jiu 50:5

Ghopa maloa ghe nauthoglu ra fanomho ka God kate cheke teu mana ka nogna naiknore. Mana na cheke eghu, “Ghotilo nogu naikno iara teke nhaꞌa cheke balugu iara ra, nei fafara mala farerhetagna u nhaꞌa cheke igne teura, ghotilo khapru mei ke ulugu iara.”

Nodi Khoje Hatimare Mae Jiu 32:11

Ghotilo naikno te doglo fara puhimira, ghotilo kelitami nei glealeꞌa eghu ka glepo te keli te edi Lord re! Ghotilo naikno te keli ka tathagna Lord ra, ghotilo mala glealeꞌa balu koje fabiꞌo!

Eksodas 15:11

Lord, theo kaisei god aheva nga te jateula iagho teuna, thono theo fara. Iagho kaisei mae king te blahi fara. Naiknore nabadi te mhaghu nigho nei ghatho tahu nigho teuna. Iagho tangomana te edire u kofubobhoi nei fagaglana teu igre.

Ululahu Samuel 2:6

“Lord tangomana te faleheni naikno na, eghuteuna mana tangomana teke fakarha fapuloni mana na. Mana tangomana te kuruni mana te mala tei ka namonodi mae te lehe ra, eghuteuna mana tangomana teke hata fapuloni naikno na ka namono tuana.

Nodi Khoje Hatimare Mae Jiu 28:1

Lord, iara kilo nigho iagho, iagho nogu vido keli mala poru iara. Fanomho mei ka nogu tharai iara gre. Jame te theome cheke tughudi iagho nogu tharai iara gre na, iara ginauna lehe nei tei au baludi naikno teke lehe tela arihi ka namonodi naikno tela lehehi tifa ra.

Nodi Khoje Hatimare Mae Jiu 86:13

Nou namha iagho ranghi ghau iara na thono biꞌo fara. Uve, iagho neke fakarhi ghau iara kau glehe.

Nodi Khoje Hatimare Mae Jiu 107:20

God neke cheke ranghidi neke keli fapulo thinidire. Uve, mana neke fakarhidi kau glehe.