Nodi Khoje Hatimare Mae Jiu 3:8 - Buka Blahi Ka Cheke Holo

⁸ Lord, kaisei iagho ngala te au nolaghi te mala fakarha naikno na. Iara gne tore nigho mala fablahidi nou naikno igre.

Nodi Khoje Hatimare Mae Jiu 3:8 ပူးပေါင်းရင်းမြစ်များ

Profet Isaia 43:11

Kaisei thegu iara ngala Lord na, eghuteuna theo kaisei god aheva nga nate fakarhi ghami ghotilo na.

Profet Jona 2:9

Nu iara ginauna koje mala kilo fnakno nigho eghuteuna iara ginauna fafara mala cheke fakeli nigho. Gobigna lepo te nhaꞌa chekedi iara ka iagho igre, iara ginau na ediu. ‘Lord kolho tangomana te fakarhini naikno na.’ ”

Profet Hosia 13:4

Lord ne cheke eghu, “Iara Lord nomi God ghotilo, iara neke hata fajifla kuꞌemi ghotilo ra Ijep. Eghuteuna iara ngala nomi God ghotilo na, theo kaisei god aheva nga te mala fakarhi ghami ghotilo na.

Thakle 7:10

Aonu mare ne eha eghu fabiꞌo, “Noda God te gnokro teu ka nogna sape nafnakno mae King na balugna Lam, phiamare mala fakarha ghita.”

Efesus 1:3

Tahati cheke fakelini God, Kmagna noda Lord Jisas Kraes! Naugna tahati nogna mae Jisas Kraes, God neke tusu mei ranghi ghita u fablahi te gnafa te mei funu kligna.

Mae Khuru 4:12

Mae Jisas ngala te tangomana te mala fakarhi ghita na. Naugna God neke theome kuru meini kaisei nangha delei ka nauthoglu gne te mala fakarhi ghita na.”

Proveb 21:31

Hatimare mae soldia tangomana te tarabana hose mala magra na. Nu Lord kaisei ngala te laseni te mala uluni mare magra na.

Mae Khuru 3:26

Eghume God neke kulu vahini nogna mae gloku Jisas neke kulu kuru meini ka ghotilo. Mana kuru meini mae Jisas mala fablahi ghami ghotilo kate figri tagruni ghotilo nabrou glehe na.”

Nodi Khoje Hatimare Mae Jiu 72:17

Te keli na jame mare theome ghatho ihoni nanghagna mae king na, uve, nanghagna mana te fnakno na mala au fabrahu, jateula naprai te au fabrahu ka maloa na ana eghu. Eghuteuna naikno te gnafa ka nauthoglu igne ginauna tore nigho iagho mala fablahidi jateula iagho teke fablahini mae king ia eghu. Naikno ginauna ghatho tahuni mana.

Profet Jeremaea 3:23

Tutuani fara, puhi te tarai tafri ghehati ke kligna thogele igne theome mala togho ghami ghehati. Lord, nomi God, kaisei iagho ngala te nabamu nate fakarha ghami ghehati maemi Israel.

Thakle 19:1

Ke leghudi glepo igre, iara ne nomhidi kmana naikno te au klignare ne eha eghu fabiꞌo, “Tahati cheke fakelini God! Noda God mae ihei teke fakarhi ghita, nanghagna na fnakno fara, nei mana au nolaghi biꞌo!

Nodi Khoje Hatimare Mae Jiu 29:11

Lord na tusu ranghi ghita tahati nogna naikno gre nanheta nei pharikeli.

Ululahu Pita 3:9

Jame kaisei mae ei puhi diꞌa ka ghotilo, thosei foli fapulo puhi te diꞌa tuana ka mana. Eghuteuna jame kaisei mae cheke diꞌa ka ghotilo, thosei cheke diꞌa fapulo ka mana. Blahi fara. Nu te keli na, ghotilo tarai ka God mala fablahini mana. Naugna tifa na God neke kilo ghami ghotilo, mana neke nhaꞌa cheke mala fablahi ghami ghotilo.

Hibru 6:14

“Tutuani fara, iara ginauna na fablahi nigho, tutuani fara iara ginauna na fathovuni vikemu iagho na.”

Naba 10:35

Leuleghu fata kate pala te tei mare bokis blahi igne, mae Moses ne tarai eghu, “Lord, snakredi nou mae naoka re mala sopa au mare thedi. Iara tore nigho mala edi iagho keha glepo mala rikha tafri naikno te theome magnahaghei nigho are!”

Fapea Samuel 23:12

Nu mae Sama ne magra heta ne falehedi mare hui. Ka narane igne, Lord ne toghoni mae Sama ne thofno uludi soldia di Filistia.

Nodi Khoje Hatimare Mae Jiu 9:20

Lord, falalase sagho nou nolaghi na mala mhaghu nodi mare. Eigna mare theome tangomana te ulu nigho na, naugna mare khogla naikno kolho. Mare theo kaisei nodi nolaghi.

Nodi Khoje Hatimare Mae Jiu 31:16

Iara nou mae gloku iagho, fiofilo mei ghau, keli ranghi ghau. Te laseni iara na iagho namha ghau iara fara, eghume fakarha ghau iara eghu.

Nodi Khoje Hatimare Mae Jiu 58:7

Lisa laodi sagho mala rughui mare jateula khoꞌu te thofa ke kligna nusu ra eghu. Tapla sorudi sagho mala brango mare jateula buburu eghu.

Nodi Khoje Hatimare Mae Jiu 119:94

Iara nou naikno iagho kolho, eghume iara thosei theo te fakarhi ghau iara na eghu. Tutuani, iara thofno fariuriu fara te mala leghudi nou cheke iagho re.