Nodi Khoje Hatimare Mae Jiu 29:8 - Buka Blahi Ka Cheke Holo

⁸ Chekegna mana na ne fakheuni namono nagou Kades.

Nodi Khoje Hatimare Mae Jiu 29:8 ပူးပေါင်းရင်းမြစ်များ

Naba 13:26

Aonu mare neke pulo namono Kades ka namono nagou Paran te au mae Moses ghe mae Eron baludi naikno te gnafa Israel. Aonu mare ne cheke fajifla gobi lepo teke tei filodi thedire, nei jaola fakakhana nure grep te pala te mei thedire.

Profet Isaia 13:13

Iara Lord mae ihei te au nolaghi fateote'o igne, iara thono diꞌatagu fara, eghume iara ginauna fakakhana nogu nolaghi na. Ka narane tuana, iara ginauna fakheuni maloa igne, eghuteuna glose igne ginauna thugha tei kokoni vido mala augna na.

Nodi Khoje Hatimare Mae Jiu 46:3

Uve, neubane malu thongna na, ba neubane mei goigovi na ne tafru thogele gre, tore, tahati theome tangomana te mhaghu na!

Nodi Khoje Hatimare Mae Jiu 18:7

Gognaro na God ne thono diꞌatagna fara ka nogu naoka iara re. Aonu mana ne fakheuni glose na, eghuteuna thogele te gnafa re ne kafe nghali tongana.

Thoutonu Eigna Mae Job 9:6

God kuruni nakheu na mala fakheuni nauthoglu, eghuteuna mana tuthugha famamhaku gna na.

Hibru 12:26

Tifa na ka u narane tuana u nauthoglu gne neke nghali ka naoglagna God. Nu ka narane gognaro gne mana nhaꞌa cheke eghu ka tahati, “Kaisei fata ginauna iara nake fakheuni nauthoglu igne, nei iara ginauna na fakheu nila balugna maloa gne.”

Profet Hagae 2:21

ka Serababel mae gavana gna Juda. Mana ne cheke eghu, “Theome raugha iara ginauna fanghali di maloa ghe nauthoglu igre.

Profet Hagae 2:6

Lord mae ihei te au nolaghi fara igne ne cheke eghu, “Theome raugha, iara ginauna fanghali maloa nei nauthoglu gne nei thongna nei glose teu igre.

Profet Joel 3:16

Lord ginauna au Jerusalem ka Thogele blahi Saion, ne eha fabiꞌo. Eghuteuna naoglagna mana igne biꞌo fara jateula fila eghu, eghuteuna maloa ghe nauthoglu igre ginauna nghali tongana. Nu Lord ginauna reireghi fakelidi fabrahu nogna naiknore.