Nodi Khoje Hatimare Mae Jiu 29:11 - Buka Blahi Ka Cheke Holo

¹¹ Lord na tusu ranghi ghita tahati nogna naikno gre nanheta nei pharikeli.

Nodi Khoje Hatimare Mae Jiu 29:11 ပူးပေါင်းရင်းမြစ်များ

Profet Isaia 40:31

Nu iheire te rouronu ka Lord na, ginauna nake rheta fapulo. Uve, mare ginauna flalo ka maloa jateula gaghata eghu. Mare ginauna na lase chari, nu mare na theome tangomana te babaꞌo na. Eghuteuna mare ginauna nolo tei kate khaba, nu mare na theome tangomana te nigra na.

Fapea Tesalonika 3:16

Iara toreni Lord, mae funei gna pharikeli mala tusu ranghi ghami pharikeli leghu rane nei ka puhi te gnafa. Lord au balumi.

Profet Isaia 41:10

Eghume ghotilo thosei mhaghu! Iara nomi God ghotilo mala au balumi ghotilo. Iara ginauna farheta ghami nei togho ghami eghu ghotilo. Uve, khame nhetagu iara na ginauna togho ghami ghotilo mala kegra heta ghotilo, eghuteuna iara ginauna reireghi ghami ghotilo ka puhi te doglo.

Jone 16:33

“Iara chekedi glepo igre ka ghotilo mala au ghotilo ka pharikeli balugu iara. Tutuani fara, kate au teu ghotilo ka nauthoglu igne naiknore ginauna para ghami fara ghotilo. Nu thosei mhaghu ghotilo eghu, naugna iara la tapla sorunihi mae funei te batu fadiꞌadi naiknore te edi fabrahu puhi te diꞌa igre.”

Profet Isaia 40:29

Mana tusu lao narheta ka iheire te babaꞌo. Eghuteuna tusu lao nolaghi ka iheire te nigra.

Nodi Khoje Hatimare Mae Jiu 68:35

Kate jifla mei God ka sugagna te blahi na, naiknore mhaghuni mana, mare ghatho tahuni mana. Mana noda God tahati maeda Israel. Mana tusu mei nolaghi biꞌo ka tahati mala nheta tahati. Tahati cheke fakelini God!

Nodi Khoje Hatimare Mae Jiu 37:11

Nu iheire te lisei faparidi thedire, mare na atha nodi vido glose teke nhaꞌa cheke God ranghidi na. Mare na au fakeli nodi nei na au glealeꞌa nodi eghu.

Ululahu Korin 1:3

Iara toreni nogna khokofakasai nei pharikeli God Kmada nei nogna mae Jisas Kraes noda Lord te mala au balumi.

Letas Teke Riso Tei Mae Pol Ka Khiloau Rom 14:17

God na theome funei fruni ghita naugna te ima tahati keha nafnata gano ba koꞌu. Theo. Nu God na funei fruni ghita tahati kate eni unha te doglo na ke ulugna mana, nei au ka pharikeli, nei au gleale'a ka Tharunga te Blahi.

Jone 14:27

Iara na lilisei soru nogu pharikeli na balumi ghotilo, nogu pharikeli iara igne tusu ari ka ghotilo. Nogu pharikeli iara igne theome jateula glepo te tusu ari naiknogna nauthoglu igne eghu. Eghume thosei nanga nomi nei thosei mhaghu eghu ghotilo ia.

Profet Sekaraea 10:12

Iara ginauna toghodi nogu naiknore mala rheta ka nogna nolaghi Lord, mala kilo fnakno ghau iara nei leghu ghau iara fabrahu. Iara Lord, te chekeni igne!”

Efesus 3:16

Iara toreni God ka nogna nafnakno biꞌo kligna mala snakre meini nogna Tharunga te Blahi na ka ghotilo, mala tangomana ghotilo te heta ka nagnafamire.

Nodi Khoje Hatimare Mae Jiu 138:3

Ka vido te eha ari iara ka iagho na, iagho nomhi ghau iara, aonu ke farerheta ghau ka nou nolaghi na.

Profet Sekaraea 10:6

“Iara ginauna thofno farerheta naiknodi Juda, eghuteuna iara ginauna fakarhidi naiknodi Israel. Iara ginauna kokhoni nogudi fara mare mala ke kafe hata fapulodi ka nodi thofno vido re. Mare ginauna au fakeli ka vido igne, jateula teke theome thododi iara tifa ra eghu, naugna iara nodi Lord God mare, eghuteuna iara ginauna fanomho ka nodi tharai re.

Nodi Khoje Hatimare Mae Jiu 72:3

Te toreni iara ka iagho na vido ka thogele na are ginauna karha kmana gano maladi nou naikno iagho gre naugna puhidi nou naikno iagho re thofno doglo fara.

Efesus 2:17

Eghuteuna Kraes neke mei toutonu u Nonomho te Keli eigna pharikeli maladi naikno te gnafa, ka ghotilo iheire te theome Jiu te au khaba ka God nei ka mae Jiu te au namo ka mana langau eghu.

Nodi Khoje Hatimare Mae Jiu 85:8

Iara nomhini unha te chekeni nogu God na ka nogna naiknore. Mana neke nhaꞌa cheke eigna pharikeli, eghu jame teke figri tahati ka puhi fameomekro teke edi tahati ra.

Nodi Khoje Hatimare Mae Jiu 84:7

Kate haghe naiknore Saion na, mare nake heta fapulo, naugna mare ginauna na filoni God.

Thakle 1:4

Iara riso ari ka ghotilo fitu khiloau te au ka provins Esia ra. Iara toreni God te mala tusu ranghi ghami ghotilo nogna khokofakasai nei pharikeli teuna. Tutuani, God mae ihei teke au tifa, gognaro gne, nei nake pulo mei nathuꞌu nauriha. Khokofakasai nei pharikeli teu igre jaola mei funu ka fitu tharunga te keli te au ke ulugna nogna sape nafnakno mae King na.

Nodi Khoje Hatimare Mae Jiu 85:10

God namhadi fabrahu nogna naiknore, naugna igne mare mala fatutuani nei leghuni eghu God. Uve, iheire te doglo puhidire God ginau tusu ranghidi u pharikeli.

Fapea Timoti 4:17

Nu Lord Jisas Kraes togho ghau iara ne tusu mei nolaghi ka iara mala thofno toutonuni u Nonomho te Keli na mala kafe nomhini naikno te theome Jiure. Eghume mana togho fabrahu ghau iara mala theome tangomana mare te fate falehe ghau iara na nei theome snakre lao ghau iara ka lion mala ghamu ghau iara.

Nodi Khoje Hatimare Mae Jiu 72:7

Te keli na jame gobigna lepo ka kantri igne mala doglo ka narane te king mana na. Eghuteuna ghehati na au fabrahu ka nakarha te keli.

Profet Isaia 26:12

Lord, iagho tusu ranghi ghami pharikeli, naugna ka nou nolaghi iagho te mala tangomana ghehati te edi re gloku te kelire.