Nodi Khoje Hatimare Mae Jiu 28:8 - Buka Blahi Ka Cheke Holo

⁸ Lord ngala mae ihei te reireghidi nogna naiknore, eghuteuna mare karha kolho ka mana. Mana neke vavahi ghau iara mala king, mala funei frunidi iara nogna naikno mana re. Iara tei poru koba ka mana, eghuteuna mana fakarhi ghau iara.

Nodi Khoje Hatimare Mae Jiu 28:8 ပူးပေါင်းရင်းမြစ်များ

Nodi Khoje Hatimare Mae Jiu 20:6

Iara laseni Lord na neke vahi ghau iara te mala king teku na. Tutuani fara, kate tei iara ka magra na, mana ginauna fakarhi ghau iara ka khamegna te nolaghi na. Uve, mana au ka namono blahi kligna mala fanomho ka noda tharai tahati re mala togho ghita.

Nodi Khoje Hatimare Mae Jiu 140:7

Lord, iagho ngala te fakarhi ghau iara ka nou nolaghi na. Iagho reireghi fakeli ghau iara kate magra na.

Profet Isaia 61:1

Nogna mae gloku Lord na ne cheke eghu, “Tharunga gna Lord na au balugu iara, naugna mana neke vahi ghau iara mala toutonuni u nonomho te keli na ka iheire te kuma. Mana neke kuru ghau iara mala fameomegodi iheire te au diꞌanagnafa. Mana neke kuru ghau iara mala toutonu ka iheire te au ka suga sosolo, nei ka iheire te loku jateula naikno sneka teu te mala snagla.

Ululahu Samuel 16:13

Aonu mae Samuel atha oliv oel ne tofa ka phaꞌugna mae Devet na ke uludi mae thabusigna manare. Funu ka narane igne, Tharunga gna Lord na ne mei au fabrahu balugna mana. Ke leghugna igne, mae Samuel neke pulo Rama.

Nodi Khoje Hatimare Mae Jiu 2:2

Neubane eghu ngau, hatimare mae king ka nauthoglu igne ne tarabana mala magra neu. Hatimare mae funei hironi kaisei nabrou te mala tapla sorudi Lord ghe nogna king.

Nodi Khoje Hatimare Mae Jiu 20:7

Keha naiknore rouronu ka armi, kehare rouronu ka chariot, nei kehare rouronu ka jata. Nu tahati na rouronu ka nogna nolaghi noda God.