Nodi Khoje Hatimare Mae Jiu 28:7 - Buka Blahi Ka Cheke Holo

⁷ Kaisei Lord ngala te reireghi ghau nei bara fothi ghau teu iara na. Eghume iara thofno rouronuni mana. Mana tangomana te togho ghau iara na, eghume iara thofno glealeꞌa fara ka mana, eghuteuna iara koje mala cheke fakelini nanghagna mana na.

Nodi Khoje Hatimare Mae Jiu 28:7 ပူးပေါင်းရင်းမြစ်များ

Profet Isaia 61:10

Naiknodi Jerusalem igre ginauna cheke eghu, “Ka gaoghathomi fateote'o, ghehati thofno gleale'a fara, naugna Lord na nomi God ghehati. Puhi te fakarhi ghami, eghuteuna togho ghami mala leghudi puhigna te doglo teu igre ghehati thofno gleale'a fara jateula gaꞌase ghe nalhaꞌu te pipichi pohe te keli mala tolaghi teura eghu.

Efesus 6:10

Nogu cheke leghu lahu iara ka ghotilo na igne. Kegra heta ka nogna nolaghi biꞌo Lord, eigna ghotilo kaisei balugna mana.

Nodi Khoje Hatimare Mae Jiu 40:3

Mana neke farirhiu ghau iara kaisei khoje majaghani mala koje kilofnaknoni ngala God. Kate filoni igne ka iara na kmana naikno ginauna pala hagheni nei fatutuani ni eghu nanghagna Lord.

Nodi Khoje Hatimare Mae Jiu 13:5

Nu tutuani, iagho ginauna kokhoni ghau iara koba naugna iagho ne namha ghau iara fabrahu. Eghuteuna iara thofno glealeꞌa fara ka iagho, eigna iagho ginauna na togho ghau iara.

Nodi Khoje Hatimare Mae Jiu 28:8

Lord ngala mae ihei te reireghidi nogna naiknore, eghuteuna mare karha kolho ka mana. Mana neke vavahi ghau iara mala king, mala funei frunidi iara nogna naikno mana re. Iara tei poru koba ka mana, eghuteuna mana fakarhi ghau iara.

Profet Isaia 12:2

Tutuani! Lord na nogu God iara, eghuteuna mana neke fakarhi ghau iara. Iara fatutuani ni mana, eghuteuna iara ginauna theome mhaghu. Lord na farheta ghau iara, eghuteuna iara tangomana te koje ka mana na. Eghuteuna gognarona mana fakarhi ghau iara.”

Nodi Khoje Hatimare Mae Jiu 84:11

Lord God, kaisei iagho ngala God na, eghuteuna iaghou ngala te saghe leghu ghami nei taji fakeli ghami teuna. Uve, iagho ngala te keli ranghi ghami nei tusu ranghi ghami teu u nafnakno na. Lord God, leuleghu fata na iagho tusu lao kolho glepo te kelire ka iheire te edi unha te doglore.

Nodi Khoje Hatimare Mae Jiu 69:30

Iara na cheke fakelini God ka khoje, iara ginau na tegio ka mana nei fafnaknoni nanghagna mana na.

Nodi Khoje Hatimare Mae Jiu 22:4

Ku'emi ghehati tifa ra neke ghatho tahu nigho nei fatutuani nigho neku. Eghuteuna iagho neke hata fajifladi kau puhi biꞌo fateote'o.

Nodi Khoje Hatimare Mae Jiu 91:4

Mana ginauna reireghi fakeli nigho jateula khokorako gaꞌasegna te toku tafrudi thugnare ke paridi bagigna ra eghu. Eghuteuna mana ginauna tajini nogna nhaꞌa cheke na mala reireghi nigho nei baubatu nigho eghu.

Nodi Khoje Hatimare Mae Jiu 3:3

Lord, iagho mala jateula nogu greoreo eghu iara ka hoholo te thoke ghau iara igre. Iagho ngala te loku haghe ghau iara na nei loku fapuloni nagnafagu iara na.

Nodi Khoje Hatimare Mae Jiu 21:1

Lord, nomi king ghehati gne mana thofno glealeꞌa fara ka iagho eigna iagho neke tusu ranghini mana u nolaghi. Mana thofno glealeꞌa fara eigna iagho neke tapla sorudi nogna naoka mana re.

Jenesis 15:1

Ke leghudi te edi glepo igre, Lord ne cheke eghu ka mae Ebram ka mifi na, “Ghema Ebram, thosei mhaghu. Iara jateula kaisei nou greoreo eghu iagho mala pophoru nigho, nei iara tangomana te reireghi fakeli nigho iagho. Iara ginauna na tusu ari glepo te keli ka iagho naugna iagho ne namha ghau iara.”

Thakle 5:9

Mare ne kafe kojeni kaisei khoje te majaghani ranghini mae Lam na, ne cheke eghu, “Iagho nabamu te hata pepa na te mala hata koko loke are. Naugna mare neke falehe nigho, eghuteuna dadaragna glehemu iagho na kaisei fafara mala foli fajifladi nogna naikno God re. Naikno igre mei funudi ka vike te gnafa, ka cheke te gnafa, ka namono te gnafa nei ka kokholo te gnafa ka nauthoglu igne.

Nodi Khoje Hatimare Mae Jiu 46:1

God na taji ghita nei reireghi fakeli eghu ghita. Kate au tahati ka puhi te biꞌo na, mana au jare baluda mala togho ghita.

Nodi Khoje Hatimare Mae Jiu 33:21

Tahati glealeꞌa naugna tahati fatutuani ni kaisei God ngala.

Thakle 15:3

Mare ne kojeni kaisei khoje teke rioriso mae Moses, nogna mae gloku God. Tutuani, mana kilo fnaknoni God naugna God neke toghodi mare ka nogna tothogho mae Lam, ne cheke eghu, “Nomi Lord God, te nolaghi fara, nou gloku iagho re thono biꞌo fara, eghuteuna ghehati ne jaglo nomi fara. Iagho nodi King namono te gnafa ka nauthoglu igne, eghuteuna puhimu iagho re doglo nei tutuani fara eghu.

Nodi Khoje Hatimare Mae Jiu 19:14

Lord, iagho nogu vido keli mala poru iara nei fakarhi ghau eghu iara. Iara magnahaghedi nogu tharai, nogu cheke nei gaoghathogu teu iara gre mala keli nei doglo eghu ka tathamu iagho na.

Profet Isaia 45:24

Naiknore ginauna chekeni te nheta iara na, eghuteuna puhigu iara na doglo.” Nu iheire te tirodi ghau iara re ginauna thono mamaja nodi fara.

Nodi Khoje Hatimare Mae Jiu 3:4

Lord, kate au teu iagho ka thogele te blahi na, iara neke tore ari ka iagho. Eghuteuna iagho neke nomhi meidi nogu tharai iara gre neke togho ghau iara.

Nodi Khoje Hatimare Mae Jiu 13:6

Uve, iara ginauna na koje mala kilo fnakno nigho God. Naugna iagho ne keli fara ranghi ghau iara.

Nodi Khoje Hatimare Mae Jiu 37:39

Lord na tangomana te fakarhidi iheire te au doglore kate thoke mei vido te ninhigrana. Mare tangomana te tei ka mana te mala reireghi fakelidire.

Nodi Khoje Hatimare Mae Jiu 43:2

God, iagho kaisei vido keli mala fakarhi ghau iara. Eghume iara thono faꞌiho ghau fara. Naugna gognaro na iagho jateula te ghatho iho ghau eghu iara! Iara theome keli gaoghathogu, naugna mae naoka gre goigoni ghau iara! Ba, iagho na mei togho ghau iara?

Nodi Khoje Hatimare Mae Jiu 46:2

Eghume, neubane nghali nauthoglu igne ka nakheu, neuba ne diha soru thogele biꞌo igre lamna nhorora, tahati theome tangomana te mhaghudi gobigna lepo te thoke mei ka tahati gre.