Nodi Khoje Hatimare Mae Jiu 28:4 - Buka Blahi Ka Cheke Holo

⁴ Paradi sagho eidi unha teke edi nei leghudi teku mare re. Ke foli fapulodi sagho ka mare unha te nabagna u najafra teke eni mae te diꞌa gre.

Nodi Khoje Hatimare Mae Jiu 28:4 ပူးပေါင်းရင်းမြစ်များ

Thakle 22:12

Mae Jisas ne cheke eghu, “Iagho fanomho fakeli! Iara ginauna theome raugha nake pulo mei! Iara ginauna hata mei balugu taba te mala tabadi nogu naiknore. Tutuani, iara ginauna tabadi leghuni unha teke eni mare na.

Fapea Timoti 4:14

Mae Aleksada, mae ihei te lase hohoro glepo ka aean gne edi kmana glepo diꞌa ranghi ghau iara. Lord ginauna nake tughu fapulo unha teke edi mana ka iara re.

Thakle 18:6

Ghotilo mala ke foli fapulo unha teke edi naꞌa ranghi ghami re, nu ghotilo mala foli fapulo phei fata ke tulaodi glepo te diꞌa teke edihi naꞌa ka ghotilo ra.

Letas Teke Riso Tei Mae Pol Ka Khiloau Rom 11:22

Ghathoni si ghotilo God na mae keli fara, nu mana tangomana te fate ghita la. Mana fatedi iheire te theome leghuni puhigna mana re, nu mana keli fara ka ghotilo, naugna ghotilo ne leghuni nogna puhi mana na. Nu jame te theome leghuni ghotilo igne na, mana ginauna jaola kato koko ghami ghotilo.

Profet Esikiel 38:10

“Lord God neke cheke eghu: Kate thoke mei narane tuana, kaisei gaoghatho te diꞌa ginauna mei ka iagho, eghuteuna iagho ginauna na eni kaisei gaoghatho te thono diꞌa fara.

Nodi Khoje Hatimare Mae Jiu 103:10

Neuba tahati ne nabada te au papara fara eidi nakhibo teke edi tahati re, nu God tusu mei ka tahati katha vido papara ikoi kolho.

Nodi Khoje Hatimare Mae Jiu 5:10

God, fatedi nei fapuhidi naikno te diꞌa tuare. Eghuteuna lisa laodi mala snoꞌo mare ka khora teke dokha thedi mala snoꞌo iara teku mare na! Eigna mare thono patugama fara ka iagho ne edi kmana nakhibo. Eghume thosei snakredi te kegra ke ulumu iagho na eghu.

Esra 9:13

“God, tutuani fara te cheke eghu iagho ka ghehati na, nu ghehati theome leghudi nou cheke iagho ra ne edi kmana nakhibo biꞌo nei najafra. Eghume iagho nabamu te para ghami ghehati eidi puhi te diꞌa igre. Nu theo eghu, iagho kokhoni ghami ghehati nei snakredi keha ka ghehati mala karhau.

Nodi Khoje Hatimare Mae Jiu 21:10

Ginauna na theo kaisei naikno ka mare te karha na, eigna iagho ginauna na kafe falehedi gnafa.

Fapea Samuel 3:39

Tutuani, God neke vahi ghau iara mala king. Nu gognarona iara theo kaisei nogu nolaghi te mala ke tughu fapulo puhi te diꞌa teke eni phei thugna Seruia igre. Phiamae igre thono nheta fara. Eghume Lord gnala te laseni unha nate eni ka phia mae igre, eigna puhi te diꞌa te eni phiamare igne.”

Lamentations 3:64

Lord, tughu fapulo sagho ka mare gobigna lepo fateote'o teke edi mare ka ghehati ra.