Nodi Khoje Hatimare Mae Jiu 28:1 - Buka Blahi Ka Cheke Holo

¹ Lord, iara kilo nigho iagho, iagho nogu vido keli mala poru iara. Fanomho mei ka nogu tharai iara gre. Jame te theome cheke tughudi iagho nogu tharai iara gre na, iara ginauna lehe nei tei au baludi naikno teke lehe tela arihi ka namonodi naikno tela lehehi tifa ra.

Nodi Khoje Hatimare Mae Jiu 28:1 ပူးပေါင်းရင်းမြစ်များ

Nodi Khoje Hatimare Mae Jiu 143:7

Lord God, cheke tughu mei sagho gognaro gne! Eigna iara gne la namo nigrahi. Thosei lisei koko ghau, na eghunu lehe iara eghu.

Nodi Khoje Hatimare Mae Jiu 18:2

God na jateula nogu bara eghu iara, mala bara fothi ghau fabrahu. Mana tangomana teke hata fapulo ghau iara ka khamedi nogu naokare. Nogu God na jateula kaisei thina biꞌo eghu te mala tei te porudi iara nogu naokare. God na jateula kaisei greoreo eghu te mala tafra iara ka nogu naokare. Mana au nolaghi biꞌo te mala fakarha ghau nei reireghi ghau teu iara fabrahu na.

Proveb 1:12

Neuba mare ne au fakeli neu gognaro gre, tahati ginauna koko sorudi lamna beku.

Nodi Khoje Hatimare Mae Jiu 83:1

God, thosei au kmu jare jateula tuana eghu!

Profet Isaia 26:4

Tahati mala rouronu ka Lord fabrahu, naugna Lord na jateula noda Thina rheta mala poru eghu tahati, eghuteuna mana ginauna au fabrahu tifa tifa.

Thoutonu Eigna Mae Job 33:28

Iara namo lehe mala soru pari ka beku, nu mana hata fapulo ghau iara kau glehe, eghuteuna iara gognarona karhau mala filoni naphae na.’

Profet Isaia 38:18

Naikno te au ka Beku ra theome tangomana te tegio nigho na. Naikno te au ka namonodi iheire tela lehehi ra theome tangomana te cheke fakeli nigho na. Naikno tela lehehi ra theome tangomana te fatutuanini nou nhaꞌa cheke iagho na.

Nodi Khoje Hatimare Mae Jiu 35:22

Nu Lord, iagho filoni ghau iara te leghuni u puhi te keli na. Lord, thosei gnokro kmu meu, thosei tei koko ghau iara.

Nodi Khoje Hatimare Mae Jiu 30:9

Iara neke cheke eghu, “Jame lehehi iara meuna, unha glepo te keli gne nate atha iagho na? Jame tei iara ka namonodi mae tela lehehi ra meuna unha gne nate toghoni ihei na? Thono theo fara. Mae tela lehehi ra theome tangomana te cheke fakeli nigho iagho na! Nakrofugna naikno na theome tangomana te famane toutonu eidi glepo teke edi iagho ra teuna.

Nodi Khoje Hatimare Mae Jiu 22:2

Nogu God, bongi narane na iara theome gnafa te kilo nigho na, nu iagho theome fameomegoni nagnafagu gne.

Nodi Khoje Hatimare Mae Jiu 3:4

Lord, kate au teu iagho ka thogele te blahi na, iara neke tore ari ka iagho. Eghuteuna iagho neke nomhi meidi nogu tharai iara gre neke togho ghau iara.

Nodi Khoje Hatimare Mae Jiu 77:1

Iara tanhi fabiꞌo ka God. Iara magnahagheni mana te nomhidi nogu tharai re.

Nodi Khoje Hatimare Mae Jiu 69:15

Thosei snakreni khoꞌu te britha igne mala toku tafru ghau, thosei snakre ghau mala knoho ke lamna nhorora, nei thosei snakre ghau mala giugilui ke lamna beku.

Nodi Khoje Hatimare Mae Jiu 5:2

Iagho nogu God nei nogu king eghu iara. Togho mei ghau nei nomhidi eghu nogu natanhi gre.

Nodi Khoje Hatimare Mae Jiu 142:1

Iara tarai fabiꞌo ka Lord mala togho ghau mana.

Nodi Khoje Hatimare Mae Jiu 39:12

“Lord, fanomho fakeli ka nogu tharai gre, mala mei togho ghau. Eigna iara gne jateula teke edi mae kmagu tifara eghu au katha vido kmo'ei kolho balumu iagho ka nauthoglu igne.

Nodi Khoje Hatimare Mae Jiu 42:9

God, iagho bara fothidi koba nogu naoka iara re mala thosei mei mare mala magri ghau iara. Eghume iara thono faꞌiho ghau fara. Naugna gognaro na iagho jateula te ghatho iho ghau eghu iara! Iara theome keli gaoghathogu, naugna mae naoka gre goigoni ghau iara! Ba, iagho na mei togho ghau iara?

Nodi Khoje Hatimare Mae Jiu 30:4

Tahati nogna naikno Lord te ghatho tahuni mana ra, tahati koje kilofnaknoni mana. Mana mae blahi. Tahati ghathodi glepo teke edi mana ra, nei tegioni eghu mana.

Nodi Khoje Hatimare Mae Jiu 142:2

Iara thofno chekedi ka mana nogu puhi nei diꞌanagnafa teure.