Nodi Khoje Hatimare Mae Jiu 27:9 - Buka Blahi Ka Cheke Holo

⁹ God, thosei poru ka iara, naugna iagho mae ihei te fakarhi ghau iara na. Iara nou mae gloku iagho, thosei diꞌatamu ka iara. Iagho neke togho ghau iara kmana fata, thosei tei koko ghau iara.

Nodi Khoje Hatimare Mae Jiu 27:9 ပူးပေါင်းရင်းမြစ်များ

Nodi Khoje Hatimare Mae Jiu 69:17

Iara gne nou mae gloku iagho, eghume iagho thosei poru ka iara eghu. Puhi biꞌo fara te thoke ghau iara gognaro gne, ghosei cheke tughu mei ka iara.

Nodi Khoje Hatimare Mae Jiu 143:7

Lord God, cheke tughu mei sagho gognaro gne! Eigna iara gne la namo nigrahi. Thosei lisei koko ghau, na eghunu lehe iara eghu.

Nodi Khoje Hatimare Mae Jiu 102:2

Kate thoke mei puhi ka iara na, mei togho ghau. Kate eha mei iara ka iagho na, nomhi mei ghau nei faghosei mei cheke tughu ghau eghu.

Hibru 13:5

Thosei magnahaghei sileni fara, nu gleꞌani ngala unha te au ka themi na. Naugna God neke cheke eghu hi, “Iara ginauna theome lisa koko nigho, iara ginauna theome snakre nigho mala fiti au kolho.”

Profet Jeremaea 32:40

Eghuteuna iara ginauna eni kaisei nhaꞌa cheke nate au fabrahu baludi. Iara ginauna eni fabrahu glepo te keli na ka mare, mala ghatho tahu ghau iara, eghuteuna mare ginauna na theome tei koko ghau iara.

Nodi Khoje Hatimare Mae Jiu 24:5

Lord ginauna fablahini nafnata naikno igne eghuteuna fakarhani mana nei God kiloni mae igne “mae theo nakhibogna.”

Nodi Khoje Hatimare Mae Jiu 119:121

Lord God, iara neke edi glepo te keli nei doglo teure. Thosei snakre ghau ka iheire te magnahaghei falehe ghau iara gre.

Nodi Khoje Hatimare Mae Jiu 88:1

Lord God, iagho nogu God iara mala togho ghau. Ka narane nei ka bongi teuna, iara diꞌanagnafa nei tanhi fabiꞌo eghu ka iagho mala mei togho ghau.

Nodi Khoje Hatimare Mae Jiu 51:11

Thosei huju fadelei ghau iara mala tei fakhaba nigho, God, thosei hata fadeleini mae Tharunga te Blahi na ka iara.

Nodi Khoje Hatimare Mae Jiu 44:24

Naugna unha sagho te poru ghami ghehati gnea? Thosei ghatho iho ghami ka vido te au papara nei au ka hoholo teu ghehati gne!

Nodi Khoje Hatimare Mae Jiu 13:1

God, niha nau iagho nate ghatho ghau iara na? Ba, iagho la ghatho iho ghauhila iara fabrahu tifa e tifa? Ba niha nau iagho nate snakre ghau iara te mala filoni tathamu na?

Ululahu Samuel 7:12

Eghuteuna ke leghu, mae Samuel ne lisei haghe kaisei thina biꞌo ka kaisei vido farihoteidi phei namono Mispa ghe namono Sanai. Eghuteuna mana kiloni thina igne Ebenesa, naugna mana neke cheke eghu, “Lord na togho ghita fabrahu la ghilei mei posa gognarogne.”

Profet Isaia 50:1

Lord ne cheke eghu, “Ghotilo naiknomi Israel. Ba, ne tei koko ghamihi iara jateula mae ihei te tei kokoni khetogna na ia neu jau si ghotilo? Aheva gneu pepa te mala koko gaꞌase na? Ba, ne foli ghamihi iara ka naiknodi keha kantri are mala falehe kaoni mala naikno sneka eghu? Theo. Mare neke atha ghami ghotilo neke tei ka keha kantri delei naugna ghotilo ne edi kmana nakhibo fara. Eghuteuna iara theome magnahaghei ghami ghotilo naugna puhimi ghotilore thono diꞌa fara.

Ululahu Kronikols 28:9

King Devet ne cheke eghu ka Solomon, “Thuguo, ghatho tahuni Lord noda God. Iagho mala thofno leghuni mana, nei iagho mala sasaꞌa fara mala edi nogna gloku mana re. Lord na lasedi gaoghathoda tahatire, eghuteuna mana lasedi fara gobigna lepo te magnahaghedi tahati re eghu. Jame te hironi mana iagho na, iagho ginauna tangomana te filoni mana na, nu jame te figri tagruni iagho mana na, mana ginauna figri tagru nigho iagho fabrahu.

Profet Isaia 59:2

Nu nakhibomi ghotilo re fota ghami ka Lord. Eghuteuna mana fofotho phei khulignare, naugna eidi puhimi ghotilo te diꞌa igre.

Nodi Khoje Hatimare Mae Jiu 69:18

Mei fakarhi ghau, nei mei atha fajifla ghau eghu ka khamedi nogu naoka gre.

Nodi Khoje Hatimare Mae Jiu 102:3

Thinigu na fobo jateula khaꞌaghi eghu, eghuteuna iara na theome raugha lehe jateula gagahu te flalo ka nuri ia eghu.